Luke 7:25 - Hawa Naga Bible 2001

²⁵ Rvmuq ngoz ruiux yvmx lawc kay lac kaz tuinx? Phesuimz rawz nyaz khvysvmc jix waz kuex lawc kay lac? Kvkhoc svp rvp hvlc khvysvmx vtueq vrungx vwanx httax yaq kuex hokhvmx hoc nuex juex khiz lvp vshix!

ASII LAKDAP Bible (BSI)

²⁵ Namshiq ka jamlai phan liikai ngutiiwa kilan? Wujong wurii se ikha, shamhea shamjü, tiimii miikhiiq raüta sitiwe liikai ngutiisha kilan? Akha tiimiikhiiq raüta siti ka, hokhambi jam na sitlo!

Muklom

²⁵ Ira ang moq ang ajo, chamli siin ma nim thalat tin? Jaqhal khat samtey miqwa siin ma i? Irimal jaqhal khat samtey miqwa tang lungwang himna tong aa!

Luke 7:25 Referencias Cruzadas

2 SAMUEL 19:35

Ngaz kuex ngvy rullungx wawc 80 shex, yvmx nuex muinz lenc lauk thuinz hvlc juing lvmx vguez shex. Phuiuz vsvy sumc vkvmc muinz tuiuz mauk shex, vshic vngoyc muinz tay lot mauk shex. Taungjix hokhvmx waz muex bvrc tvbic juing dvyx yaungx tuex.

1 HOKHVMX 10:5

piq rueq phuiuz svy juing humpanx htauk nuex tv-phauk saq yaq kvmuinz, piq vyungx vlaungx bix httaz juing yuimx htenc muinz, hokhvmx hoc nuex rungx yauk shuimc jix shunshvlc lvmx muinz, tsuinghez khosvmc khvysvmc marrarc htenc muinz, piq phuiuz vsvy joalc moalc kuy jix yauk shuimc jix htenc kvmac muinz, Shomc Yuimx nuex piq rueq shomc nawk kuy shomc kuq yaq htenc kuex khiz vtueq vkawc yawc rvtueq.

2 HOKHVMX 1:8

Tsuinghez rueq, “Piq kuex ngvmx saz khuix wawc vkuk hungluz kuex svmx vtueq, ngvmx khuix kheshuit shuit tueq,” ngoz tueq tvralc tueq. Hokhvmx waz rueq, “Kvruex kuex Elia rvtueq shvmx!” ngoz tueq jungx tueq.

ESTHAR 1:11

Piq rueq tsuinghez muex hokhvmx nyuiuz Washti kuex hokhvmx khux phop tv-phop ruiux piq kox nuex shvlc wvnc tvkoc nvr tueq. Hokhvmx nyuiuz kuex vshvmx svp rvp hvlc rvtueq hokhvmx waz rueq vyungx vlaungx bix nuiyc piq wuinz waz hez muex tvkhic kuy roc tueq.

ESTHAR 1:3

Piq rueq guimz lawc tueq wawc thuimx vngoz nuex piq vyungx vlaungx bix nuiyc vshunc vshvlc jix hez lotlaz tvkoc phuiuz vsvy moalx yungx tvhungx kuq tueq. Persia nuiyc Media nolaungx phungc htenc muinz, vganc mungx hong mungx walaungx bix nuiyc vyungx vlaungx bix htenc waung wuez tueq.

ESTHAR 4:2

hoc kaluix nuex piq nyuip waung tueq nuex httuiuc laz khoar tueq. Piq kuex vmungx nuex nyuip muq, yvmx khoc lac ngoz ruiux lec ruiyhec khvy svmx vtueq vmungx nuex nyuip mvy muq ngoz tueq httaz yaq ningkhvnc nuex rvtueq.

ESTHAR 5:1

Esther kuex dungc svy mamc vtueq raungnuiyq thuimx vngoz raungnuiyq hokhvmx khoz vkhvy kuex svmx ruiux, hoc daungraungc khok rulc rvtac phvt rvtueq hoc mungx wangx nuex jvp woz tueq. Kvkaq hokhvmx waz kuex vnyuip juing kaluix lvmx rulc rvtac phvt hoc mungx wawc hoc daungraungc nuex ngaungc yaq.

ESTHAR 8:15

Mordekai kuex khuingc wuil nuiyc vluiz shvmx hokhvmx khvy hungluz kuex svmx ruiux pasic nvm-yaz ruiynyel khvy kuex svmx vtueq, svp rvp hvlc kuimshawx khushec kuex buz ruiux hoc maq kaz wvnc tueq. Susa ghaq lvmx laungx htenc nuex vkoz vkez maq guyc sez rerak wuez tueq.

ISAIA 59:17

Vpiq rueq vrungx vraz tvrac ngoz yaq yanx svmhung kuex svmx ruiux palc daungc luimc vkawc ngoz yaq yankhux phuk kuex buz shuex. Vpiq rueq menjenc svy ngoz yaq khvy kuex svmx ruiux, miq htenc tvkuilc daz yaq vyaq htenc muex murx tvgurc kuy ngoz yaq khvy kuex svmx shuex.

Matthew 11:8

Nuimshiq rueq yvmx lawc kay lac kaz tuinx? Svp hvlc khvysvmc jix waz lawc kay haz? Svp hvlc khvysvmc jix htenc kuex hoc nuex juex httax yaq nguinx!

Matthew 3:4

Yohan kuex gola-uk mul khvysvmx vtueq piq kheshuit ruiuz kuex ngvmx khuix ruiuz rvtueq, piq phuiuz svy juing kuex kup jawrawx nuiyc yaruix wawc nyaq ngurx rvtueq.

Matthew 6:29

Yuq muinz ngaz rueq nuimshiq muex jungx ix, pinhtumc luiz waungx waz hokhvmx Solomon rueq doc muinz pulx puic htenc wawc vshiz ikhoc svp laz juing svmx lvp muq doc rvtueq.

Luke 16:19

“Mvnnuex luiz waungx washiz httax tueq, piq kuex vhtawz tsanc hvlc khoz vkhvy svmx ruiux wvraungx nuiyq tek piauc liauc httax tueq.

Luke 7:24

Yohan kamx waz nueyc kuex yek waungc yix, Yesu rueq Yohan lvmx nuex seng vtueq nuk miqsaz htenc muex jungx phaungc wvnc tueq kuex, “Nuimshiq kumtsvy tvnx nuex Yohan kox nuex kaz tuit kuex yvmx lawc kay ngoz tueq lac kaz tuinx? Raungguil rueq tvmoay yaq gomjungx kuex lawc kay haz?

Luke 7:26

Nuimshiq rueq yvmx lawc kay lac kaz tuinx lvmz kuex ngaz muex jungx kuit, shvmmax waz haz? Vsuing doc rvtueq, yuq muinz shvmmax htauk nuex muinz vyungx waz kuex nuimshiq rueq khiz tuit.