Luke 5:34 - Hawa Naga Bible 2001

³⁴ Yesu rueq tsuingshiq muex, “Miqlvmc moalx nuex waz nyalx waz vhttax wawwawx moalx wuinz htenc muex phuiuz svy tvmamc mvy yaq haz?” ngoz tueq.

ASII LAKDAP Bible (BSI)

³⁴ Kiijiishe, Jesuq raq treto, “Namshiq riika, junlamti we ngashat na, kherüsea lomdamti wanwe nga tlaq kriika, amang maq sichang ngutiisha tiima tlan? Riimak! Kiikhiika riimak!

Muklom

³⁴ Jesu aa thawel batta, “Thariktey wa ning jamoq o atha kam tho winwa tang wokcham utong angna i? Baluk otho tong moq!

Luke 5:34 Referencias Cruzadas

ASHICHONG 5:8

Yerusalem shvlx rulx lex, ngaz rueq lungwawx vshaungx waz kuex nuimhez rueq humc ruiux yuq, ngaz kuex lungwawc thuiuz rueq thuiuz sac yaq lvmx jungc kuy tvkoc bomkhvmc kuq kuit.

ASHICHONG 6:1

Yalxjuik rulx htenc wawc vsvp pinhtumc nyuiuz lex, mnoz rueq lungwawx vshuiux waz kuex mnuex lac yuz kaz vtvnx? Mruex lvmx maq lac kaz wvnc vtvnx nuiyhez muex jungx kuq koq, mnoz rulc nuiyhez rueq romc thuiy kuq naungx phuex.

ISAIA 54:5

Mnoz Tvdungc sungc jix kuex mtaungx waz ikhoc tvkhup wungx kv-phux, vpiq muingc kuex Tvphaungc Tvsuip Yehowa rvtueq. Israel muex vsawc Tishox rueq mnoz kuex palc wvnc kv-phux, vpiq rueq mungkawx lotlaz kuex guimz yaq.

ISAIA 62:5

Yalx rox waz rueq yalxtux nyuiuz kuex piq tvkoc nyuiuz nyalx nyuiuz muex tvyaungc yaq ikhoc, Vpiq rueq mshvmx kuex tvhungx vtueq lvmz kv-phux. Waz nyalx waz rueq nyuiuz nyalx nyuiuz kuex raungc raq yaq ikhoc, M-Tishox rueq mnoz kuex raungc raq kv-phux.

JEPHANIA 3:17

Yehowa nuimshiq Tishox kuex nuimshiq rulc vdvmz httax yaq; vpiq luimc vkawc maq nuimshiq muex taungx wvnc lvmz kuq yaq. Yehowa rueq nuimshiq kuex raungc raq wvnc vtueq, vpiq lungwawc thuinz maq nuimshiq muex rullungx vnyalx kuq kv-phuinx. Vpiq kuex mnoz ningkhvnc nuex kokez shic kuex shiz tuex,” ngoz tueq.

Matthew 22:2

“Raungx Mungtan kuex vsaz muex miqlvmc moalx tvyoalc tvy jix hokhvmx washiz rulc rv-ngvlc yaq.

Matthew 9:15

Yesu rueq tsuingshiq muex, “Waz nyalx waz miqlvmc moalx nuex seng yaq kungjix hez kuex, waz nyalx waz rulc roc nuex httax yaq baunglaung tsuingshiq thuinbac thamx yec juing haz httax tvnx? Yuq muinz waz nyalx waz kuex tsuinghez kox wawc tvrv-phvlc wvnc shuex raungnuiyq httuiuc wvnc tuex, kvkaq jix tsuingshiq rueq phuiuz svy mamc wuez shuex.

Luke 5:33

Miq wvyvmc rueq Yesu muex, “Yohan sangac bix nuiyc Pharise nuk sangac bix rueq phuiuz svy mamc vtueq vjux thoz yauk lox lox thoz yaq. Yuq muinz msangac hez rueq kuex yvmx ngoz tueq lac phauk saq laq shvnx,” ngoz tueq jungx tueq.

Luke 5:35

Yuq muinz, “Waz nyalx waz kuex tsuingshiq kox wawc tv-phvlc shvlx wvnc juing raungnuiyq httuiuc wvnc tuex, kvkaq jix tsuingshiq rueq phuiuz svy mamc wuez shuex,” ngoz tueq tsuingshiq muex jungx tueq.

John 3:29

Nyuiuz nyalx lvp jix waz kuex waz nyalx waz rvtueq. Waz nyalx waz piq kungjix waz kuex tvyoalc yoalx maq waz nyalx waz kvjaz tay yaq, piq kuex waz nyalx waz kvjaz tay lvp vtueq pinhtumc kokez yaq. Kvkhoc ngaz muinz thuinz nuex mvrc laz kokez vtaungx.

2 Corinthians 11:2

Tishox rueq nuimshiq muex khelric sac yaq kvkhoc ngaz muinz nuimshiq muex khelric sac yaq; nuimshiq rueq Christu kuex vtaungx waz washiz dvyx ikhoc rvlvmc tvkoc ngvy bomkhvmc kuy yoalx yalxtux nyuiuz rulc rv-ngvlc vtuinx.