Luke 19:13 - Hawa Naga Bible 2001

¹³ Piq max kaz nuex, piq nvrc waz hez rokshiz kuex gvl vtueq, kuimshawx poysac vshiz phok tsuinghez muex kuq shec ruiux, ‘Ngaz yek waung raungx nuex httuiuc laz pvkac pvylvyc thuiyx laz shuinz,’ ngoz tueq tsuinghez muex nvr shec tueq.

ASII LAKDAP Bible (BSI)

¹³ Apaiq raq wanhiq kaiho ma, ajaqshisetiim weroqshi ka hea raüta, chaq kampho sii ka siichhuq chhuq phea kuq thüto. Kra pheake wan lam maq, ‘Lii rong laq, ngi tamii shon na, namshiq raq armaq piikii li rong liijo,’ nguta tsangshiq ma tsii chongkuq thüto. Raüta apaiq ka wanhiq na kihoto.

Muklom

¹³ Piq chuwang wey moq jakho usanga wa tang wa asi hal eq aro ro cha nginsa kot eq batta, ‘Nga thuwey phamong ling takot kang chey ro ang inn.’

Luke 19:13 Referencias Cruzadas

Matthew 25:16

Kvkaq joay bv-ngac lvp jix nvrc waz rueq kvkaq dvyx pvkac kac kaz vtueq vlap joay bv-ngac hulawx lvp tueq.

Matthew 25:20

Kuimphox joay bv-ngac lvp jix nvrc waz rueq vlap joay bv-ngac kvmuinz lvmz wvnc vtueq, ‘Jiyungx waz lex, mnoz rueq ngaz muex joay bv-ngac kuq shec phux. Lawc shuiux! Vlap joay bv-ngac hulawx lvp tauk,’ ngoz tueq jungx tueq.

Matthew 25:22

“Kvruex yimaq joay nueyc lvp jix nvrc waz kaz vtueq, ‘Jiyungx waz lex, mnoz rueq ngaz muex joay nueyc kuq phux. Lawc shuiuz! Ngaz rueq vlap joay nueyc hulawx lvp yek tauk!’ ngoz tueq.

Matthew 25:24

“Kvruex yimaq kuimphox joay shiz lvp jix nvrc waz kuex kaz vtueq, ‘Jiyungx waz lex, ngaz rueq mnoz layx kuex tuiuz yaq, mnoz kuex gvrc hvlc waz rvtoq nuiyc mnoz rueq khic guez yuingc guez wawc yut wvnc vtueq, mnoz wuinc muq baung wawc tvjomx taq vshuiux.

Luke 19:12

Kvkhoc rvtueq vpiq rueq, “Lauk shiz muingc jungc vhttax miq washiz httax tueq, piq kuex lvmx luz mungtan vshiz nuex hokhvmx yaungc kay kaz dvnc tueq, kvruex yimaq piq yuimx nuex yek waungc tvkoc tvyoalc tueq.

Luke 19:14

Majuiuc, piq mungtan wawc nuk miqsaz rueq piq kuex shuiuc pac vtueq, tsuingshiq rueq piq yix nuex kamx waz bix kuex tvkaz ruiux, ‘Vruex waz kuex nuiyshiq hokhvmx muex yaungc kuex nuiyshiq rueq roc miq,’ ngoz tueq tvjungc kaz tueq.

John 12:26

Ngvy yauk shuimc vruex gurc pic jix ukhaq yuq muinz, ngvy yix nuex phvnx naungx vtueq ngaz httax taungx kvyuq ngvy nvrc waz muinz httax tuex. Iwaz rueq ngvy yauk shuimc kuy jix ukhaq muex muinz tvtsanc nganc kuq shuex.

Galatians 1:10

Kvkhoc jungx vshaungx kuex ngaz muex miq rueq rvtueq ngoz tueq ngoc kuy kuex lvp tvkoc haz hunglaungx vtaungx? Kvkhoc kuex rvmuq! Ngaz rueq raungc raq vshaungx lvmx kuex Tishox rueq rungx raz raungc raq yaq lvmx dvyx rvtueq! Ngaz kuex miq htumc nuex muingc dung laz haz hunglaungx vtaungx? Miqsaz rueq roc yaq lvmz kuex ngaz rueq thuiyx vshaungx ngoz ruiux kuex, Christu nvrc waz muex yaungx lot mauk.

James 1:1

Tishox nuiyc Taungjix Yesu Christu nvrc waz Yaku kox wawc mungkawx baung ruip saz nuex nyvmc wvnc vshuex Tishox miqsaz htenc muex gvnhttuingc kvjaz tvtay vphaungx.

2 Peter 1:1

Yesu Christu nvrc waz nuiyc kamx waz yaungx vtaungx ngaz Simon Peter kuex naungshiq Tishox nuiyc palc daungc Taungjix Yesu Christu tsuingrux lvmx nuex nuiyshiq vkhoc vhtawz tsanc hvlc kvmluimx lvp wvnc jix htenc kox nuex luik wuiyq tvtay vphaungx.