Luke 18:12 - Hawa Naga Bible 2001

¹² Jepat shiz nuex phuiuz svy raungnuiyq nueyc mamc ruiux shaungx, ngaz rueq lvp luz shaungx htenc wawc mvnz rokshiz wawc mvnshiz muinz htawc vshaungx,’ ngoz tueq thoz tueq.

ASII LAKDAP Bible (BSI)

¹² Ngi raq chepat shi na, ranaiq nai ka amang maq achu jaü tiikang. Kiimaq aroq khu wa honglu ka tiikhea mang phan maq kuq tiikang,’ nguta achu jaüto.”

Muklom

¹² Nga saal sanat o saalni sha wokcham tong ang, etho nga chamtan kaplap ang shiwang nang ma rangpal kophang.’

Luke 18:12 Referencias Cruzadas

2 HOKHVMX 10:16

jungx tueq kuex, “Ngaz rulc khuemx naungx vtueq Yehowa muex ngaz mtanc khvnc lac kvmx vtaungx kuex mnoz rueq khiz shuiux,” ngoz tueq ngoz kuq tueq. Kvmaq tsuingnueyc kuex vdvmz nuex ngaungc vtueq Samaria ghaq nuex kaz wvnc tueq.

ISAIA 1:15

“Nuimshiq rueq yauk phac tv-phop vtueq vjux thoz shuinx nuex, ngaz rueq nuimshiq kuex lawc phaungx rvmuq. Nuimshiq rueq mtanc dvyx thoz ruiux muinz, ngaz rueq tay kuq phaungx rvmuq, yvmx khoc lac ngoz ruiux lec nuimshiq yauk htenc nuex tvguiy kawp yaq.

MALAKI 3:8

Ngaz rueq nuimshiq muex wiz ix, miq rueq Tishox muex rot kaq laulawc kuex aungx yaq haz? Vsuing aungx muq, yuq muinz nuimshiq rueq ngaz muex laulawc vphuinx. Nuimshiq rueq, ‘Yvmx khoc lac laulawc vshix?’ ngoz tueq wiz vphuinx. Kvruex kuex mvnz rokshiz wawc mvnshiz nuiyc shomc kuy juing htenc kvruex rvtueq.

WEAWEA 18:24

yvmx khoc lac ngoz ruiux lec Israel miqsaz rueq ngaz muex htep kuq noalx yaq mvnrok shiz wawc mvnshiz tsak vnyvmx kuex ngaz rueq tsuingshiq muex kuq vshaungx. Kvkhoc rvtueq tsuingshiq rueq Israel mungtan wawc hup vsvmx guimz lvp muit ngoz tueq ngaz rueq tsuingshiq muex jungx kuq tauk shex,” ngoz tueq jungx tueq.

WEAWEA 23:4

Tishox kuex piq rulc rvhumc kaz tueq. Kvkaq Balam rueq vpiq muex, “Ngaz rueq shomrawx mvshix kuex tvhungx vtueq vshiz nuex mansuiux pung vshiz, khelbuenx pung vshiz phok maq shomc kuq tauk,” ngoz tueq tvtay jungx tueq.

Matthew 5:20

Ngaz rueq nuimshiq muex jungx kuq ix, Tishox thuinroc lvmx phvnx vshuinx lvmx kuex Tvrac tvluingc waz hez nuiyc Pharise hez htauk nuex jvnc muit ngoz ruiux kuex raungx Mungtan nuex nyuip lvp tuinx rvmuq.

Matthew 6:1

“Nuimshiq rueq yvmx lac shuimx shuinx kuex miq htenc rueq mkhiz shueq ngoz tueq mungx miqsaz htumc nuex yauk noalc kuq muit tvkoc honc lvmz wuez shuinz. Kvkhoc rvmuit ngoz ruiux kuex raungmungx nuex httax yaq nuimshiq Waz kox wawc yvmx yauk mauk muinz lvp muit rvshuinx.

Matthew 6:16

“Nuimshiq rueq phuiuz svy mamc ruiux yuq kvyonc yuk jix miq ikhoc htvlx tvyuiuq shvmx nauk tvkhic kaz. Tsuingshiq kuex miqmac rueq phuiuz svy mamc yaq lvmz tvkhic roc vtueq, tsuingshiq htvlx kuex tvyuiuq wuez yaq. Nuimshiq muex vsuing jungx ix, tsuingshiq rueq miqmac yauk mauk kuex vlvp lvy wuez shex rvtueq.

Matthew 6:5

“Mnoz rueq vjux thoz ruiux yuq kvyonc yuk jix miq ikhoc nauk kvyaungx shaungx kaz! Tsuingshiq kuex miq rueq khiz laz juing ngoz tueq, vjux thoz juing baung htenc nuex nuiyc lvmx heq htenc nuex jvp vtueq vjux thoz kuex raungc raq yaq. Nuimshiq muex ngaz rueq vsuing jungx ix, tsuingshiq rueq yauk mauk vlvp lvy wuez shex.

Matthew 9:14

Kvkaq Yuix Luip Yohan kungjix bix kuex Yesu kox nuex kaz vtueq, “Nuiyshiq nuiyc Pharise nuk rueq vlox lox dvyx phuiuz svy mamc ruiux shix, yuq muinz msangac hez rueq yvmx ngoz tueq lac phuiuz svy mamc muq rvlaq shvnx?” ngoz tueq wiz tueq.

Luke 11:42

“Pharise nuk lex, nuimshiq kuex kvhiz juing lvp tuit! Yvmx khoc lac ngoz ruiux lec nuimshiq rueq suiuzsaz tsothuingx yauk, shvkauc nvyshuinx yauk nuiyc vbez phvnx ruip saz wawc mvnrok shiz wawc mvnshiz kuex Tishox muex htawc vshuinx, yuq muinz nuimshiq rueq tvrac vlvmz nuiyc Tishox muex lungwawc lvmx kuex tvlvlc gay vshuinx. Nuimshiq rueq mvnrok shiz wawc mvnshiz kuq vshuinx kvdvyx rvmuq tvrac vlvmz nuiyc Tishox muex lungwawc lvmx kuex phvnc aungx yaq.

Luke 17:10

Kvrulc rv-ngvlc nuimshiq rueq muinz miqmac muex nvr kv-phuinx yauk shuimc lotlaz shuimx kuq lot vtueq, ‘Naungshiq kuex kvjaz tay kuy lvmlvmc nvrc waz dvyx rvtiq, naungshiq rueq shuimc juing yauk shuimc kvruex dvyx shuimc kuy juing rvtueq,’ ngoz shuinz,” ngoz tueq jungx kuq tueq.

Romans 3:27

Kvkhoc rvtueq naungshiq laungc jungc juing lvmx m-yuq lac httax yaq nguinx? Naungshiq laungc jungc juing lvmx vguez. Yvmx ningkhvnc nuex lac? Tvrac kuex naungshiq rueq phvnc ningkhvnc nuex haz? Kvkhoc kuex rvmuq! Naungshiq kvmluimx ningkhvnc nuex rvtueq.

1 Corinthians 1:29

Kvruex vlvmz kuex Tishox khaungkac nuex ukhaq muinz laungc jungc juing lvmx vguez.

Galatians 1:14

Ngaz rueq Yuda miqsaz nawk palx htungx phvnx tauk nuex, ngaz rulc kecshiz wuinz Yuda miqsaz paunghvlc htauk nuex muinz pinhtumc thuinz tvyungc vtueq jix vwaz htungx vlayx lvmx kuex phvnx wvnc tauk.

1 Timothy 4:8

Gvnngvmx lvmx nuex seng yaq vphvnc vjvnc muinz vjux kuq yaq tanc khvnc kuex kuq yaq, yuq muinz siyac nuex seng vtueq vphvnc vjvnc lvmx kuex majuiuc pat nuex muinz yix maq pat nuex muinz phvnx ruip saz nuex vjux kuq yaq.

1 SAMUEL 15:13

Samuel muinz Sholu httax yaq ghaq kvyuq kaz wvnc koq tueq Sholu rueq, “Samuel lex, Yehowa rueq mnoz muex ruimx mruimx kuq kv-phux! Yehowa rueq nvr yaq kuex ngaz rueq phvnx wvnc tauk,” ngoz tueq jungx yaq lvmx maq gvnhttuingc rvbomc tueq.