Luke 18:10 - Hawa Naga Bible 2001

¹⁰ “Miq wanueyc kuex vjux thoz tvkoc Shomc Yuimx nuex kaz wuez tueq; washiz kuex Pharise, washiz kuex muinghic jix waz rvtueq.

ASII LAKDAP Bible (BSI)

¹⁰ Apaiq raq akha chongto, “Akhing ashi na maiq wenai ka Shomjam na achu jaükai kito. Weshi ka Phorisiwe, kiimaq weshi ka phunta hitiwe.”

Muklom

¹⁰ “Wani rangnuk him náng romtam chuk ma kata: ashey Phorisi miq angta etho ashey sha phunta qhoktey miq angta.

Luke 18:10 Referencias Cruzadas

1 HOKHVMX 10:5

piq rueq phuiuz svy juing humpanx htauk nuex tv-phauk saq yaq kvmuinz, piq vyungx vlaungx bix httaz juing yuimx htenc muinz, hokhvmx hoc nuex rungx yauk shuimc jix shunshvlc lvmx muinz, tsuinghez khosvmc khvysvmc marrarc htenc muinz, piq phuiuz vsvy joalc moalc kuy jix yauk shuimc jix htenc kvmac muinz, Shomc Yuimx nuex piq rueq shomc nawk kuy shomc kuq yaq htenc kuex khiz vtueq vkawc yawc rvtueq.

1 HOKHVMX 8:30

Ngvy vjux thoz bomc htenc muinz, vruex baung vyuq htvlx tvmuiz vtueq thoz yaq mmiqsaz hez rueq vjux thoz yaq htenc kuex tay kuq koq. Raungmungx wawc m-yuimx maq nuiyshiq vjux thoz bomc kuex tay kuq ruiux nuiyshiq muex mvrax dawc kuq koq.

2 HOKHVMX 20:5

piq muex ngoc, “Mjix m-waz Dawid Tishox ngaz, Yehowa rueq mnoz vjux thoz bomc kuex tay tauk, mmuik phic kuex khiz tauk. Ngaz rueq mnoz kuex nuiyq thuimx hvlwvl vyuq tvhvlc kuq ruiux, kvkaq Shomc Yuimx nuex mnoz kaz lot tuiux.

2 HOKHVMX 20:8

Hokhvmx Hezekia rueq, “Yehowa rueq ngaz kuex tvhvlc kuq ruiux nuiyq thuimx yix maq Shomc Yuimx nuex ngaz kaz lot taungx ngoz yaq kuex yvmx khoc hakhix lac dung kv-khic tvnx?” ngoz tueq wiz tueq.

Matthew 10:3

Philip nuiyc Bartholome, Thoma nuiyc muinghic jix Matthew, Alphaeu saz Yaku nuiyc Thaddaeu,

Luke 19:46

tsuingshiq muex ngoz tueq kuex, “Rumvrc luik htenc nuex Tishox rueq, ‘Ngvy yuimx kuex vjux thoz yuimx ngoz tueq muingc shuex,’ ngoz tueq wuiyq shec tueq. Yuq muinz nuimshiq rueq yauk laungc yalawx nyvlc jix httaz juing yuimx muex tvyaungc vshuinx nyix!” ngoz tueq.

Acts 26:5

Ngaz kuex tsuingshiq rueq kungkhux phuex tuiuz yaq. Ngaz kuex Yuda miqsaz nawk palx lvmx nuex tvrac tsanc hvlc phvnc jix Pharise phungc wawc washiz ikhoc maq httax ngaungc wvnc tauk kuex tsuingshiq rueq hakhix khvmc roc ruiux khvmc mvy yaq.

Acts 3:1

Raungnuiyq shiz Peter nuiyc Yohan kuex vjux thoz vkhing raungyac kox shalhtaz thuimx nuex Shomc Yuimx nuex kaz tueq.

Philippians 3:5

Ngaz kuex rullungx raungx tvjvp shauk nuex dvyx vhttoar gvnc vhtungx lvmz tauk. Israel phvnx Benjamin waruiuz wawc, Hebre miqsaz tvguiy shauk rvtauk. Yuda Tvrac phvnx vtueq lawc ix ngoz ruiux kuex ngaz Pharise rvtauk,