Luke 17:10 - Hawa Naga Bible 2001

¹⁰ Kvrulc rv-ngvlc nuimshiq rueq muinz miqmac muex nvr kv-phuinx yauk shuimc lotlaz shuimx kuq lot vtueq, ‘Naungshiq kuex kvjaz tay kuy lvmlvmc nvrc waz dvyx rvtiq, naungshiq rueq shuimc juing yauk shuimc kvruex dvyx shuimc kuy juing rvtueq,’ ngoz shuinz,” ngoz tueq jungx kuq tueq.

ASII LAKDAP Bible (BSI)

¹⁰ Namshiq kiimin ara jaqshise akhiisii li sitlan. Namshiq ma jamlai jaqsham achong wa, kra sham lot jai, ‘Naishiq ka miinan maiqjaq shisetiim li. Naishiq riika maiqmii minshiiq jamlai wa sitlaq, kriili sham tiikai. Maiq raq kechu tumke wan min thek mai,’ ” ngutli namshiq raq bom ka tre chang.

Muklom

¹⁰ Nim ma tho irimal hun; nim ma chamlang somlot ma bat taphin esha somlot jio batnin, ‘Í raa sanga hun, í aa chamlang somlot ching tha hun somti.’”

Luke 17:10 Referencias Cruzadas

ISAIA 6:5

Ngaz rueq, “Ngvy tvkoc tvluimc juing vguez shex! Ngvy nuix bar maq dung yaq bomc poz ruip rawx kuex mvrax kvjaz jvnc rvtueq, bomc poz tek nuex mvrax bomc poz kvjak yaq miqsaz htenc hvlwvl nuex httax vtaungx ningkhvnc nuex, ngaz kuex tvbac gay rvhumc vtaungx. Yuq muinz ngvy muik maq tiq, Tvphaungc Tvsuip Yehowa Hokhvmx waz kuex ngaz rueq khiz tauk.”

ISAIA 64:6

Nuiyshiq lotlaz mvrax vhttax jvnc rvtiq; nuiyshiq honc vyaungc vhvlx pinhtumc doc muinz miqsuirc vsac dvyx rvtueq. Nuiyshiq kuex miqmac mvrax ningkhvnc nuex raungguil rueq pvnc wvnc yaq namx yauk shanx ikhoc dvyx rvtiq.

JEREMIA 32:23

Yuq muinz tsuingshiq kuex vruex mungx vyuq httuiuc waung vtueq, vruex mungx kuex guimz lvp wvnc tueq nuex, tsuingshiq kuex mnoz rueq nvr toq htenc muinz, mnoz rueq tvluing kuq vshuiux kvkhoc httaz tvkoc muinz tay phvnx wuez muq; tsuingshiq rueq shuimc tvkoc mnoz rueq nvr toq kuex tsuingshiq rueq yvmx muinz shuimx muq. Kvkhoc rvtueq mnoz rueq tsuingshiq htauk nuex vruex tvbac tac gay lvmz lotlaz tvdung kuq toq.

Matthew 25:30

Khuec guez raz tueq tvlvlc jix nvrc waz kuex yuz phic raungnyauk mungx kvyuq tvdung gay shuinz; piq kuex kvruex baung kvyuq vkhoarc vsez vwac tvtsuir rvhumc tuex,’ ngoz tueq.

Luke 17:11

Yesu kuex Yerusalem ghaq nuex kaz tueq nuex Samaria mungx nuiyc Galile mungx ruiy lvmx maq kaz wvnc tueq.

Luke 17:9

Jiyungx waz rueq nvr shuex rulc rv-ngvlc shuimc kuy ningkhvnc nuex jiyungx waz rueq nvrc waz muex kejux vyungx ngoz shuex haz?

Romans 11:35

Vpiq kox wawc kejux yez lvp rvhumc muex uraq lac vpiq muex yvmx lac kungkhux kuq noalx tvnx?” ngoz tueq httax yaq.

Romans 3:12

Miq lotlaz rueq Tishox muex yix tvnungx shung kuq wuez yaq; tsuingshiq lotlaz yaq wvnc vtuex; vlvmx shuimc jix miq washiz muinz vguez, vsuing washiz muinz vguez.

Philemon 1:11

Piq kuex kungkhux nuex mtvkoc vjux vguez rvtueq, yuq muinz majuiuc kuex mtvkoc muinz ngvy tvkoc muinz vjux vhttax muex yaungx yaq.