Luke 16:13 - Hawa Naga Bible 2001

¹³ “Mruex jix nvrc waz yuq muinz jiyungx wanueyc dax waz muex yaungx lot muq; washiz kuex shuiuc gay ruiux, washiz kuex lungwawx shuex; washiz kuex tvtsanc ruiux, washiz kuex wvlc guez tvyaungc shuex. Nuimshiq rueq Tishox yauk shuimc nuiyc kuimphox pvkac kuex vdvmz nuex shuimx pix lot muit,” ngoz kuq tueq.

ASII LAKDAP Bible (BSI)

¹³ “Jaqshise ngutlaq kra riika, atijong wenai ka rüm lot mak. Apaiq raq weshi ka ashulii miraq. Kiimaq weshi ka alungwii miraq. Apaiq raq weshi ka atsaihai miraq. Kiimaq weshi ka ashreng miraq. Ümniiraq, Shiikeawe nai tsiiq ka adam na ümkhiiriita jiimin shomnoq lot maü.”

Muklom

¹³ “Utang eq tho tangtey ani qhawa ma jin ang moq angna. Piq aa ashey sha miiksuk eq na etho washey shima tinmat eq na; etha ang moq o ang ajo, piq ashey jaktáng o jaqhal eq tong na etho washey tha shingchak eq na. Nim sha Shkewa ni likti ngin sang thani qha ma jin ang min ang nin.”

Luke 16:13 Referencias Cruzadas

Matthew 4:10

Kvkaq Yesu rueq, “Satan lex, kaz wvnc kuiuz! Rumvrc luik nuex, ‘Taungjix m-Tishox muex dvyx nawk palx lvp shuiux nuiyc vpiq muex shomc kuy rax!’ ngoz tueq juex wuiyq shec tvnx,” ngoz tueq tvralc tueq.

Matthew 6:24

“Ukhaq muinz jiyungx wanueyc bomc nvrc jix muex yaungx lot muq; piq rueq washiz kuex shuiuc vtueq washiz kuex lungwawx shuex; washiz nuex tvmtuing httax ruiux, vganc washiz muex wvlc guez rvshuex. Nuimshiq rueq Tishox muex muinz mungkawx tsak vnyvmx muex muinz vdvmz nuex shuimx lvp muit.

Luke 11:23

“Ngvy kox nuex httax muq waz kuex ngaz muex ralx yaungc jix waz rvtueq, ngaz rulc roc nuex tvtuimx yuimx naungx muq waz kuex rv-nyanc rvshix rvtueq.

Luke 14:26

“Ngvy kox nuex kay jix ukhaq yuq muinz miqmac nyuiuz vwaz, juik vsaz, phuz vnox hez nuiyc miqmac shauk vgvnz lungwawx jix waz kuex ngvy sangac muex yaungx lot muq.

Luke 16:12

Nuimshiq kuex miq tsak miq nyvmx htauk nuex tvmtuing yaungx muit ngoz ruiux yuq, nuimshiq rueq guimz aungx yaq tsak vnyvmx kuex nuimshiq muex uraq lac lekuq kv-phuinx?

Luke 16:9

Kvkaq Yesu rueq jungx tueq, “Ngaz rueq nuimshiq muex jungx kuq ix: miqmac tvkoc tvrac muq mungkawx tsak vnyvmx maq kungjix lvp rvyaungc kuinz, kvkaq jix kvruex htumx ruiux yuq pattup phaungx ngaungx yaq yuimx nuex nuimshiq kuex malc wvnc kv-phuinx.

Luke 9:50

Yesu rueq, “Piq kuex nauk tuingshaung kaz, yvmx khoc lac ngoz ruiux lec nuimshiq muex tuingshaung muq waz kuex nuimshiq rulc rungx raz naungc jix rvtueq,” ngoz tueq sangac bix vganc muex jungx kuq tueq.

James 4:4

Tvmtuing vguez miqsaz lex! Mungkawx vrulc phunox rvyaungc kuex Tishox rulc ralx muex yaungx yaq lvmx nuimshiq rueq tuiuz muit haz? Mungkawx rulc phunox rvyaungc roc jix waz ukhaq yuq muinz miqmac shauk gvnz kuex Tishox muex ralx tvyaungc vshuinx.

JOSHUA 24:15

Nuimshiq rueq vpiq muex nawk palx tvkoc raungc raq muit ngoz ruiux yuq, Mesopotamia maq nuimshiq jix vwaz tamx rueq nawk palx wvnc tueq tishox htenc, rvmuq ngoz ruiux majuiuc nuimshiq httax vtuinx Amori phvnx rueq nawk palx yaq tishox htenc wawc, mruex jix lac nawk palx shuinx kuex majuiuc raungnuiyq dvyx thvl wvnc shuinz. Ngaz nuiyc ngvy yuimx wuinz htenc rueq kuex Yehowa muex dvyx nawk palx shix,” ngoz tueq jungx tueq.