Luke 10:18 - Hawa Naga Bible 2001

¹⁸ Yesu rueq tsuingshiq muex tvralc tueq, “Htaungc kuex raungmungx maq raunglep ikhoc dvy kaz yaq kuex ngaz rueq khiz tauk.

ASII LAKDAP Bible (BSI)

¹⁸ Kiijiishe, Jesuq raq tsangshiq bom ka treto, “Ngi raq Thawe ka ramungtan wa rachhai wa ikha adea wan chhikang.

Muklom

¹⁸ Jesu aa ning thima thawel batta, “Nga Thangwa tha rangkang wang ranglip mal ang eq qhat aa tha khi táng.

Luke 10:18 Referencias Cruzadas

ISAIA 14:12

Raungnvp ruiywuic poz, Babelon hokhvmx waz lex, mnoz kuex raungx maq dvy wvnc vtuiux nyix! Kungkhux nuex mnoz rueq miqphvnx ruip rawx khvt taungx wvnc toq, yuq muinz majuiuc kuex ghaq nuex tuip gay shex rvhumc toq.

Matthew 4:10

Kvkaq Yesu rueq, “Satan lex, kaz wvnc kuiuz! Rumvrc luik nuex, ‘Taungjix m-Tishox muex dvyx nawk palx lvp shuiux nuiyc vpiq muex shomc kuy rax!’ ngoz tueq juex wuiyq shec tvnx,” ngoz tueq tvralc tueq.

John 12:31

Vruex mungkawx kuex majuiuc doc muinz vphoc rvhumc vtuex; majuiuc mungkawx vruex guimz lawc jix waz kuex yuz phic nuex tuip gay rvhumc tuex.

John 16:11

Mungkawx vruex guimz lawc jix waz kuex vphoc rvhumc vtuex ningkhvnc nuex, tsuingshiq kuex vphoc lvmz nuex seng vtueq yaq wuez yaq.

Hebrews 2:14

Vsaz hez ngoz tueq vpiq rueq tsuingshiq kuex gvl tueq rulc rv-ngvlc tvguiy nuiyc gvnngvmx vhttax miqsaz htenc rvtueq, Yesu vpiq shauk pumz muinz tsuingshiq ikhoc tvguiy gvnngvmx vhttax miqsaz muex yaungx kaz tueq. Kvkhoc yaungx kaz tueq lvmz kuex vthueyc vmvy guimz jix Htaungc waz luimc vkawc kuex tvbac gay tvkoc rvtueq.

1 John 3:8

Mvrax shuimx hvt jix waz ukhaq yuq muinz Htaungc rulc seng yaq waz rvtueq, yvmx khoc lac ngoz ruiux lec Htaungc kuex vphaungc vyaungc maq phuex mvrax shuimc jix rvtueq. Kvkhoc rvtueq Htaungc yauk shuimc kuex tvbac gay tvkoc Tishox Saz dung kvkhic kaz tueq.

Revelation 20:2

Piq rueq Htaungc Satan rvtueq mvnnuex wawc yungrex kuiux kuex lvp vtueq, yanruiuz maq wawc hingshiz khvrc taq gay tueq.

Revelation 9:1

Kvmaq bv-ngac ngoc yaungc raungkamx waz rueq bolic tuimz koq tueq, raungwawc ghaq nuex ruiysuiyq poshiz dvy kaz yaq kuex ngaz rueq khiz tauk. Kvruex ruiysuiyq muex ghaqkhurx thuiuz hvlc saqpix kuex kuq tueq.