OSEAS 8:1 - Elizen Arteko Biblia (Biblia en Euskara Traducción Interconfesional)

¹ «Hartu ezpainetan adarra! Arranoa bezala datorkio zoritxarra gainera Jaunaren herriari, nire ituna hautsi baitute, nire irakaspenaren aurka jarri baitira.

Navarro-Labourdin Basque

¹ Turuta içan bedi çure ahoan arranoac beçala Jaunaren etchearen gainean; ceren hautsi baitute enequilaco patua, eta hautsi baitute ene leguea.

Elizen Arteko Biblia (Biblia en Euskara Traducción Interconfesional)

¹ «Hartu ezpainetan adarra! Arranoa bezala datorkio zoritxarra gainera Jaunaren herriari, nire ituna hautsi baitute, nire irakaspenaren aurka jarri baitira.

OSEAS 8:1 Referencias Cruzadas

2 ERREGEAK 18:27

Ordezkari nagusiak ihardetsi zuen: —Zer uste duzu? Mezu hau zure erregeari eta zuri bakarrik esatera bidali nauela neure jaunak? Harresi gainean dagoen jende horrentzat ere bada, horiek ere beren kaka jan eta pixa edan beharko baitute, zuek bezalaxe.

ISAIAS 18:3

Zuek, munduan bizi zareten guztiok, begiratu, mendien gainean bandera altxatuko denean; entzun, turutak joko duenean.

ISAIAS 24:5

Lurra profanatua dute bertako bizilagunek, Jaunaren legeak hautsi baitituzte, haren arauak baztertu, haren betiko ituna urratu.

ISAIAS 58:1

Jaunak esan zidan: «Egin oihu eztarria betean, beldurrik gabe, goratu ahotsa turutaren pare, aurpegiratu Israeli bere errebeldiak, nire herriari bere bekatuak.

JEREMIAS 31:32

Itun hau ez da izango, Egiptotik ateratzeko eskutik hartu nituenean, beraien arbasoekin egin nuena bezalakoa. Haiek bai, hautsi egin zuten nire ituna, baina nik mantendu. Hala diot nik, Jaunak.

JEREMIAS 34:18

«Judako eta Jerusalemgo buruzagiek, errege-jauregiko funtzionarioek, apaizek eta herritarrek hitzarmena egin dute nire aurrean, zekor bat hil, erdibitu eta bi zatien erditik igaroz. Gero, ordea, hautsi egin dute hitzarmena, emandako hitza janez. Horregatik, erditik ebaki zuten zekorra bezala erabiliko ditut.

JEREMIAS 4:13

Begira, hor dator etsaia hodeia bezala, guda-gurdiak haize-erauntsia bezala, zaldiak arranoak baino arinago. Ai ene, galduak gara!

JEREMIAS 4:5

Aldarrikatu hau Judan, adierazi Jerusalemen. Jo turuta herrialde osoan, egin oihu ozenki: «Bil zaitezte, joan gotorlekuetara!»

JEREMIAS 48:40

Honela dio Jaunak: «Arranoaren antzera oldartzen da etsaia, hegoak zabalduz Moaben gainera.

JEREMIAS 49:22

Arranoaren antzera oldartzen da etsaia, Botzraren gainera hegoak zabalduz. Egun hartan, indargabe geldituko dira Edomgo gudariak, emakumea erdiminetan bezala».

JEREMIAS 51:27

«Egin erasorako seinalea, jo nazioetan gudurako adar-hotsa! Deitu gerra santura nazioak, hots egin Babiloniaren kontra Ararat, Mini eta Axkenaz erreinuei! Izendatu gudalburua beraren kontra, eraso bezate zaldiek, matxinsalto amorratuen antzera.

JEREMIAS 6:1

Egizue ihes Jerusalemdik, benjamindarrok, jo turuta Tekoan, egin seinaleak Bet-Keremen, iristear baitago iparraldetik ezbeharra, izugarrizko hondamendia.

EZEKIEL 11:4

Beraz, hitz egin nire izenean horien aurka, hitz egin, gizaseme».

EZEKIEL 16:59

«Hau diot nik, Jainko Jaunak: Zuk jokatu duzun bezalaxe jokatuko dut nik ere zurekin, zina mespretxatu eta ituna hautsi baituzu.

EZEKIEL 17:3

nire, Jainko Jaun honen, mezua adierazteko: «Bazen arrano handi bat, hegaltzar luzekoa, lumaje trinko eta koloretsua zuena; arranoa Libanora etorri zen eta zedroaren adaburua moztu:

EZEKIEL 7:14

Turuta joko dute, prestakuntzak egingo, baina inor ez gudura joango, guztiak harrapatuko baititu nire suminak.

OSEAS 4:6

Nire herria hondatu egingo dut, aintzat hartzen ez nauelako. Zuk ez bainauzu aintzat hartu nahi izan, nik ere ez zaitut neuretzat apaiz hartuko. Zure Jainkoaren irakaspena ahaztu duzunez gero, nik ere ahaztu egingo ditut zure seme-alabak.

OSEAS 5:8

Jo adarra Gibean! Jo turuta Raman! Egin deiadarra Bet-Abenen! Atzetik dituzu, Benjamin!

OSEAS 6:7

«Gizakumeek ohi duten bezala, nirekiko ituna hautsi dute, maltzurki jokatu dute nirekin.

OSEAS 9:15

«Gilgal-en agertu zen haien txarkeria guztia. Han hasi zen haienganako nire gorrotoa. Beren okerrengatik, bota egingo ditut neure etxetik, ez ditut gehiago maite izango. Errebeldeak dira haien buruzagi guztiak.

JOELEN PROFECIA 2:1

Jo turuta Sionen! Egin irrintzi nire mendi santuan! Ikara bedi lurraldeko jende guztia, bai baitator Jaunaren eguna, gainean da.

JOELEN PROFECIA 2:15

Jo turuta Sionen, antolatu baraualdia, egin batzarrerako deia!

AMOSEN PROFECIA 3:6

Jo al daiteke hirian adarra, jendea asaldatu gabe? Gerta al daiteke hirian zorigaitza, Jaunak eragin gabe?

AMOSEN PROFECIA 8:3

Honela dio Jaunak: «Egun hartan, jauregiko kantuak intziri bihurtuko dira, hilotzak izango dira nonahi, eta isilean kanpora jaurtiko dituzte».

AMOSEN PROFECIA 9:1

Jauna ikusi nuen aldare ondoan, zioela: «Jo zutabeburuak eta atari osoa dardaratuko da; txikitu eta eroraraz itzazu guztien buruen gainera; gelditzen direnak ezpataz garbituko ditut; ez du inork ihes egingo, ez da inor bizirik aterako.

HABAKUK 1:8

Haren zaldiak lehoinabarrak baino bizkorrago, gauez ateratzen diren otsoak baino amorratuago. Haren zaldunak lasterka datoz, urrutitik, hegan, arranoa harrapakinaren gainera bezala.

SOFONIAS 1:16

Turuta-hotsak eta guda-oihuak izango dira egun hartan hiri harresidun eta dorre garaien aurka.

ZAKARIAS 11:1

Zabaldu zeure ateak, Libano, eta irents bitza suak zure zedroak.

ZAKARIAS 9:14

Jauna agertuko zaie geziak tximistak bezala jaurtiz; Jainko Jaunak turuta jo eta hego-haize beltzen artean aurrera egingo du.

MATEO 24:28

Sarraskia non, han biltzen dira putreak.

1 KORINTOARREI 15:52

unetxo batean, begien itxi-ireki batean, azkeneko turuta-hotsarekin batera. Izan ere, turutak joko du eta hildakoak ustelezin piztuko dira eta gu izatez aldatuak izango.

DUTERONOMA 28:49

Herri bat altxaraziko du Jaunak zuen kontra, hizkera ezezaguneko herria, urrutitik, munduaren azken muturretik, arranoa bezala hegan etorriko dena: