JOELEN PROFECIA 2:26 - Elizen Arteko Biblia (Biblia en Euskara Traducción Interconfesional)

²⁶ Ase arte jango duzue, eta Jauna, zeuen Jainkoa, goretsiko, zuen alde harrigarriro jokatuko baitu. Nire herria ez da berriro inoiz lotsatan geldituko.

Navarro-Labourdin Basque

²⁶ Hequietaric janez hacico eta aseco çarete; laudaturen duçue çuen Jainco Jaunaren icena, çuençat hambat sendagaila eguin içan duenaren icena; eta egun-eta-iguzqui ez da ene populua ahalquetara erorico.

Elizen Arteko Biblia (Biblia en Euskara Traducción Interconfesional)

²⁶ Ase arte jango duzue, eta Jauna, zeuen Jainkoa, goretsiko, zuen alde harrigarriro jokatuko baitu. Nire herria ez da berriro inoiz lotsatan geldituko.

JOELEN PROFECIA 2:26 Referencias Cruzadas

JENESA 33:11

Onartu, bada, ekarri dizudan oparia, Jainkoa aldeko izan baitut, eta ez zait ezer falta. Hainbeste erregutu zionez, onartu egin zion Esauk.

NEHEMIAS 9:25

Hiri babestuak eta lur gizenak hartu zituzten, ondasunez beteriko etxeez eta ur-putzuez jabetu ziren, mahasti, olibadi eta fruta-arbolen sail handiez. Asetzeraino jan zuten, sabela puzteraino; zure ondasun ugariz gozatu ziren.

SALMOAK 103:5

bizitza osoan bere edertasunez nau asetzen, beti arranoa bezain gazte gordetzen.

SALMOAK 116:7

Zaude berriro bakean, ene arima, ona izan baita zurekin Jauna.

SALMOAK 13:6

Zure maitasunean dut konfiantza; poz nadila barru-barrutik zure garaipenaz. Orduan, kantuz ekingo diot Jaunari, egin didan onarengatik.

SALMOAK 22:26

Zeuk eraginik, goretsiko zaitut batzar handian, neure promesak beteko ditut begirune dizutenen aurrean.

SALMOAK 37:19

Zoritxar-egunetan ez dute porrot egingo, gose-egunetan asebeteak izango dira.

SALMOAK 67:5

Kanta bezate nazioek pozaren pozez, herriak justiziaz gobernatzen baitituzu, nazioak munduan zuk gidatzen.

SALMOAK 72:18

Bedeinkatua Jainko Jauna, Israelen Jainkoa, mirarigile bakarra!

ERRAN-ÇAHARRAC 13:25

Zintzoak jan eta asebete, gaiztoaren sabela beti gose.

KANTARIK EDERRENA 5:1

Banator neure baratzera, ene arreba, ene emaztegaia, neure mirra eta lurrinak biltzera, neure abaraskako eztia jatera, neure ardo eta esnea edatera. Maiteok, jan eta edan, mozkor zaitezte maite-laztanez.

ISAIAS 25:1

Jauna, zu ene Jainkoa: goresten zaitut eta zure izena dut ospatzen, burutu baitituzu zeure egitasmo miragarriak, zeuk aspalditik leial finkatuak.

ISAIAS 29:22

Horregatik, Abraham askatu zuen Jauna honela mintzo zaie Jakoben ondorengoei: Jakoben herriak ez du aurrerantzean gehiago lotsarik izango, ez zaio aurpegia gorrituko;

ISAIAS 45:17

Israel, berriz, Jaunak salbatu du, behin betiko salbatu, eta ez da, ez, sekula lotsaz eta laidoz geldituko.

ISAIAS 49:23

Erregeak izango dituzu haurtzain, printzesak inude. Lurreraino ahuspeztuko dira zure aurrean eta oinetako hautsa miazkatuko dizute. Horrela jakingo duzu ni naizela Jauna; niregan itxaro dutenei ez die inoiz usteak huts egingo.

ISAIAS 54:4

Ez beldurtu, ez zara barregarri geldituko; ez lotsatu, ez zaituzte laidotuko. Ahaztu egingo duzu gaztetako lotsaizuna, ez zara oroituko alargun zineneko laidoaz,

ISAIAS 55:2

Zergatik gastatu zeuen dirua goserik utziko zaituzten janaritan, eta lansaria aseko ez zaituzteten gauzetan? Entzun niri arretaz, eta ongi jango duzue, janari gozo mamitsuz elikatuko zarete.

LEBITICOA 25:19

Lurrak zuek ase arte jateko adina uzta emango du, eta kezkarik gabe bizi ahal izango zarete bertan.

LEBITICOA 26:26

Janari-hornidura kenduko dizuet: labe bakar batean erreko dute hamar emakumek zuen ogi guztia eta, hain neurtua emango dizuetenez, ezin izango duzue jan gosea kentzeko adina.

LEBITICOA 26:5

gari-jotzeak mahats-bilketa arte iraungo du eta mahats-bilketak ereinaldia arte; ase-ase egin arte jan ahal izango duzue eta lasai biziko zarete zeuen lurraldean.

MIKEAS 6:14

Jan, bai, jango duzu, baina ase ez; goseak erreko zaitu. Zerbait gorde nahiz ibiliko zara, baina ezin; eta zerbait gordeko bazenu ere, ezpataz suntsituko nuke.

SOFONIAS 3:11

«Egun hartan ez duzu gehiago lotsatu beharrik izango nire aurka egin dituzun errebeldiengatik. Izan ere, erronka harroak ahotik kenduko dizkizut, eta ez zara harrezkero harropuztuko nire mendi santuan.

ZAKARIAS 9:15

Jaun ahalguztidunak babestuko ditu: habaila-harriz hondatuko dituzte etsaiak, ardoa bezala isuriko dute etsaien odola, isipu-ontzi beteetatik aldare-ertzetan behera jaisten den opari-odola bezala.

ZAKARIAS 9:17

Hura bai zoriona! Hura bai edertasuna! Gariak eta ardoak biziberrituko dituzte neska-mutil gazteak.

ERROMATARREI 10:11

Hau dio Liburu Santuak: Harengan sinesten duenak ez du huts egingo.

ERROMATARREI 5:5

eta itxaropenak ez du huts egiten, Jainkoak bere maitasuna isuri baitigu geure bihotzetara, berak emandako Espiritu Santuaren bitartez.

ERROMATARREI 9:33

Liburu Santuak dioen bezala: Hona nik Sionen behaztopa-harria ipini, erorarazteko harkaitza. Baina harengan sinesten duenak ez du huts egingo.

DUTERONOMA 11:15

abereentzat belarra zelaietan eta zeuentzat asetzeko adina janari emango dizue.

DUTERONOMA 12:12

Festa ospatuko duzue Jaunaren zeuen Jainkoaren aurrean, bai zeuek, bai zuen seme-alabek eta morroi-mirabeek, baita zuekin hiri berean bizi den lebitarrak ere, berak ez baitu zuek bezala lursailik ondaretzat hartu.

DUTERONOMA 12:18

Horiek Jaunaren zeuen Jainkoaren aurrean, berak aukeratuko duen lekuan jango dituzue, bai zeuek, bai zuen seme-alabek eta morroi-mirabeek, baita zuekin hiri berean bizi den lebitarrak ere. Festa ospatuko duzue Jaunaren zeuen Jainkoaren aurrean, zeuen lanaren emaitzengatik eskerrak emanez.

DUTERONOMA 12:7

Han otordua egingo duzue Jaunaren zeuen Jainkoaren aurrean, eta festa ospatuko zeuen etxekoekin, eginkizun guztiak ongi burutzea emango dizuen Jaunari eskerrak emateko.

DUTERONOMA 8:10

Ase arte jango duzue, beraz, eta Jauna zeuen Jainkoa bedeinkatuko, eman dizuen lurralde ederrarengatik.

1 TIMOTEORI 6:17

Aholkatu mundu honetako aberatsei ez daitezela harroputz izan eta ez dezatela beren itxarobidea aberastasun galkorretan ipin, gauza guztiak geure gozamenerako oparo ematen dizkigun Jainko biziarengan baizik.

1 JOAN 2:28

Beraz, semetxook, zaudete Kristorekin bat eginda, bera agertzean konfiantza osoa izan dezagun, eta etorriko denean, lotsaturik, harengandik urrun geldi ez gaitezen.