JEREMIAS 11:13 - Elizen Arteko Biblia (Biblia en Euskara Traducción Interconfesional)

¹³ Judak hiriak bezainbat jainko ditu; Jerusalemen kaleak bezainbat aldare eraiki dituzte Baal lotsagarriari intsentsua erretzeko.

Navarro-Labourdin Basque

¹³ Ecen, Juda, cembat hiri, hambat jainco bahintuen; eta hic, Jerusalem, cembat carrica, hambat ahalcapenezco aldare eçarri ditun, Baali sacrificio eguiteco aldareac.

Elizen Arteko Biblia (Biblia en Euskara Traducción Interconfesional)

¹³ Judak hiriak bezainbat jainko ditu; Jerusalemen kaleak bezainbat aldare eraiki dituzte Baal lotsagarriari intsentsua erretzeko.

JEREMIAS 11:13 Referencias Cruzadas

2 ERREGEAK 23:13

Jerusalemgo ekialdean eta Oliamendiko hegoaldera zeuden kultu-lekuak ere profanatu zituen Josiasek; kultu-leku haiek Israelgo errege Salomonek eraikiak ziren sidondarren jainkosa zen Astarteren irudi higuingarriari, moabdarren jainko zen Kemoxen irudi nazkagarriari eta amondarren jainko zen Milkomen irudi nardagarriari kultu emateko.

2 KRONIKAK 28:25

Judako hirixka guztietan ere kultu-lekuak eraiki zituen, beraietan jainko arrotzei intsentsua erretzeko. Horrela sutu zuen Jaunaren, bere arbasoen Jainkoaren, haserrea.

ISAIAS 2:8

Betea dago lurraldea idoloz: beren eskuz eginaren aurrean dira ahuspezten, beren behatzez landuaren aurrean.

JEREMIAS 11:17

«Nik, Jainko ahalguztidun honek, landatua nuen Israel; baina orain zoritxarra erabaki dut neure herriaren aurka, Israelek eta Judak egin dituzten gaiztakeriengatik, iraindu egin bainaute Baali intsentsua errez».

JEREMIAS 17:1

«Judaren bekatua burdinazko eztenaz idatzia dago, diamantezko puntaz zizelkatua, bere bihotz barruan, bere aldare-ertzetako adarretan.

JEREMIAS 18:15

Bada, nire herria ahaztu egin da nitaz, intsentsua erretzen die sasijainkoei. Desbideratu egin da antzinako bidetik, sekula ibili gabeko bideetan ibiltzeko.

JEREMIAS 19:4

Izan ere, israeldarrek bazterrera utzi naute eta toki honen izaera itxuragabetu: intsentsua erre diete bertan, ez berek, ez beren gurasoek, ez Judako erregeek ezagutzen ez zituzten jainkoei, eta jende errugabearen odolez bete dute.

JEREMIAS 19:5

Aldareak eraiki dituzte seme-alabak Baali oparitzat erretzeko. Nik ez dut horrelakorik sekula agindu, ezta aipatu edo burura etorri ere.

JEREMIAS 2:28

Judako jende horrek, non dituzu zeuk egindako jainkoak? Datozela zoritxar-egunean zu salbatzera. Hiriak bezainbat jainko izan dituzu.

JEREMIAS 3:24

Gure gazte-denboratik Baal lotsagarriak irentsi ditu gure gurasoen nekeen irabaziak: ardi eta behiak, seme eta alabak.

JEREMIAS 3:25

Ahuspez gaitezen lotsaturik, desohorez beterik; zeren bekatu egin baitugu Jaunaren, geure Jainkoaren, kontra geuk eta geure gurasoek gaztetandik gaurdaino. Ez dugu aditu Jaunaren, geure Jainkoaren, esana».

JEREMIAS 32:35

Baali kultu-lekua eraiki diote Ben-Hinom haranean, beren seme-alabak Molok jainkoaren ohorez oparitan erretzeko. Nik ez diet horrelakorik sekula agindu, ez zait bururatu ere egin horrelako egintza nazkagarriz Juda bekatura bultzatzerik.

JEREMIAS 44:21

—Ez ote zen, bada, Jauna ohartzen, zuek eta zuen guraso, errege eta buruzagiek, herritarrok oro, Judako hirietan eta Jerusalemgo kaleetan intsentsua erretzen zenutela? Horixe zuen gogoan, hain zuzen,

JEREMIAS 44:5

Baina ez didazue aditu, ez jaramonik egin, ezta gaiztakeriatik itzuli eta jainko arrotzei intsentsua erretzeari utzi ere.

JEREMIAS 48:35

Jaunak dio: «Galdu egingo ditut Moaben, muinoetako kultu-lekuetan beren jainkoei intsentsua erretzen dieten guztiak».

JEREMIAS 7:9

Izan ere, lapur, hiltzaile eta adulteriogile izan, gezurretan zin egin, Baali intsentsua erre, zuekin zerikusirik ez duten jainko arrotzen atzetik ibili

EZEKIEL 16:24

prostituzio-lekuak eraiki zenituen plaza

OSEAS 10:1

Mahatsondo mardula zen Israel, fruituz betea. Zenbat eta fruitu gehiago, orduan eta aldare gehiago. Zenbat eta lurra aberatsago, orduan eta zutarri sakratuak dotoreago.

OSEAS 12:11

Profetei hitz egin nien, ikuskariak ugari eman nizkien eta, orain ere, profeten bitartez egiten ditut neure oharpenak.

OSEAS 9:10

Honela dio Jaunak: «Israel aurkitu nuenean, basamortuan mahatsa aurkitzean bezala poztu nintzen. Begi onez ikusi nituen zuen gurasoak, pikondoaren goiz-aroko pikuak bezala. Baina Baal-Peorrera iritsi orduko, Baal lotsagarriari eman zizkioten beren buruak, eta beren idolo maitea bezain nazkagarri bihurtu ziren.