DANIEL 9:5 - Elizen Arteko Biblia (Biblia en Euskara Traducción Interconfesional)

⁵ Baina guk bekatu egin dugu, gaiztoak izan gara eta zure aurka atera, zure agindu eta erabakietatik urrunduz.

Navarro-Labourdin Basque

⁵ Bekatu eguin dugu, gaixtaqueria eguin dugu, tzarqui ibili gare, çure ganic guibelatu, eta çure manamendu eta erabaquietaric ceihertu gare.

Elizen Arteko Biblia (Biblia en Euskara Traducción Interconfesional)

⁵ Baina guk bekatu egin dugu, gaiztoak izan gara eta zure aurka atera, zure agindu eta erabakietatik urrunduz.

DANIEL 9:5 Referencias Cruzadas

2 ERREGEAK 18:12

Izan ere, israeldarrek ez zuten aditu Jaunaren, beren Jainkoaren, ahotsa eta hautsi egin zuten haren ituna; ez zuten aditu, ez bete, Jaunaren zerbitzari Moisesek agindu ziena.

2 ERREGEAK 21:15

Niri atsegin ez zaidana egin baitute eta, beraien gurasoak Egiptotik atera zirenetik gaurdaino, haserrarazi baizik ez didate egin».

ESDRAS 9:6

eta esan nion: «Ene Jainko, lotsa gorrian nago begiak zuregana jasotzeko; geure bekatuek buruz gain egin digute eta gure errua zerurainokoa da.

SALMOAK 106:6

Bekatu egin dugu gurasoen antzera, oker jokatu dugu, errudun gara.

SALMOAK 119:102

Ez naiz zure erabakietatik aldentzen, zeuk baitidazu irakasten.

SALMOAK 119:176

Ardi galduaren gisa desbideratuko banintz, bilatu zuk zeure zerbitzari hau, ez baititut zure aginduak ahazten.

SALMOAK 18:21

Neure zuzentasunaren ordaina eman dit Jaunak, neure jokabide garbiaren saria.

ISAIAS 53:6

Ardiak bezala genbiltzan galdurik, bakoitza geure bidetik, eta Jaunak haren gain bota zuen gu guztion errua.

ISAIAS 59:13

errebelde eta desleial izan gara Jaunarekin, bizkarra eman diogu geure Jainkoari, bidegabekeriaz eta traizioz jardun dugu, azpikeriak hausnartu ditugu.

ISAIAS 64:4

Bere poza zuzen jokatzean jartzen duenari, zure nahia beti gogoan duenari, bidera ateratzen zatzaizkio. Bai, haserre zaude bekatu egin dugulako, antzinatik bide-galdurik ibili garelako.

JEREMIAS 14:20

Aitortzen dugu, Jauna, geure gaiztakeria eta geure arbasoen errua; zure aurka egin dugu bekatu.

JEREMIAS 14:7

Jendeak oihu dagi: «Geure bekatuek salatzen bagaituzte ere, ekin, Jauna, zeu zarena zarelako! Asko dira gure errebeldiak, zure aurka egin dugu bekatu.

JEREMIAS 3:25

Ahuspez gaitezen lotsaturik, desohorez beterik; zeren bekatu egin baitugu Jaunaren, geure Jainkoaren, kontra geuk eta geure gurasoek gaztetandik gaurdaino. Ez dugu aditu Jaunaren, geure Jainkoaren, esana».

JEREMIAS 30:14

Ahaztu egin zaituzte adiskideek, ez dira zutaz axola. Etsai batek bezala jo zaitut, gogor zigortu, zeure erru kontaezinengatik, zeure bekatu izugarriengatik.

JEREMIAS 44:3

Egin dituzten gaiztakeriengatik gertatu zaie hori: iraindu egin naute, ez zuek, ez zuen gurasoek, ez beraiek ezagutzen ez zenituzten jainkoei intsentsua errez eta kultua emanez.

NEGAR KANTAK 1:18

«Zuzen jokatu du Jaunak, aurka egin baitiet haren aginduei. Entzun, bada, herriok denok, eta ikus nire oinazea. Nire neska-mutilak gatibu joan dira.

NEGAR KANTAK 1:20

Jauna, ikus nire larrialdia! Irakiten daukat barrua. Iraulia dut bihotza barnean, errebelde izan bainaiz, errebelde. Kalean ezpatak hil dizkit haurrak, etxean herioa jabe.

NEGAR KANTAK 3:42

Errebelatu egin gatzaizkizu, kontra altxatu, eta zuk ez diguzu barkatu, Jauna.

EZEKIEL 5:6

Baina nire erabakien eta legeen kontra altxatu da, inguruko nazio eta herrialdeek baino gaiztakeria handiagoak eginez. Nire erabakiak mespretxatu ditu eta ez du nire legeen arabera jokatu.

EZEKIEL 6:9

Eta bizirik gelditutako horiek nitaz oroituko dira erbesteratuak egongo diren nazioetan; gogoan izango dute nola sufriarazi nien beren desleialkeriagatik, bihotzak niregandik aldendu eta idoloetara jo zutelako. Beren buruen nazka izango dute egindako gaiztakeriengatik, beren idolatria higuingarriagatik.

DANIEL 9:11

Israel herri osoak hautsi egin du zure legea, eta bizkarra eman dizu zure esana ez betetzearren. Horregatik erori zaigu gainera zure zerbitzari Moisesen legean idatzitako madarikazioa, zure aurka bekatu egin dugulako.

DANIEL 9:15

«Jauna, gure Jainkoa, ahalmen handiz atera zenuen herria Egiptotik eta izen handia zeureganatu duzu gaurdaino; guk, berriz, bekatu egin dugu eta gaizki jokatu.

DANIEL 9:9

Baina zure aurka jaiki bagara ere, zu, Jainko Jaun hori, gupidatsua zara eta barkatzen dakizuna!

OSEAS 1:2

Hona nola hasi zen Jauna Oseasen bitartez herriari hitz egiten. Jaunak agindu zion Oseasi: «Ea, hartzazu emagaldu bat emaztetzat eta izan harekin sasiko haurrak, herri hau ere prostituzioan baitabil, niregandik, Jaun honengandik, urruti».

MALAKIAS 3:7

zuen arbasoak bezalaxe, nire aginduetatik aldendu egin zarete, ez dituzue bete. Itzuli, beraz, zuek niregana, eta itzuliko naiz ni zuengana. Hala diot nik, Jaun ahalguztidunak. Baina hau diozue: “Zergatik behar dugu zuregana itzuli?”

HEBREARREI 3:12

Begira, senideok, ez dezala zuetako inork bihotz gaizto eta sinesgaberik izan, Jainko biziarengandik aldenduko duenik.