MIKEAS 3:7 - Elizen Arteko Biblia (Biblia en Euskara Traducción Interconfesional)

⁷ Ikusleak lotsatu egingo dira, igarleak ahalkez gorrituko; ahoa itxi egingo dute denek, ez baitute Jainkoaren erantzunik izango.

Navarro-Labourdin Basque

⁷ Eta ahalquetara erorico dire ikuspen ikusleac, eta ahalquetara goanen dire asmaguinac; eta oroc estaliren dituzte beguitharteac, ceren ez baitiote ihardetsiren Jaunac.

MIKEAS 3:7 Referencias Cruzadas

SALMOAK 74:9

Ez dugu ikusten jadanik zure presentziaren ezaugarririk, ez dago profetarik, eta inork ez dakigu noiz arte.

IRTEERA 9:11

Aztiek ez zuten Moisesi aurre egiterik izan, haiek ere beste egiptoar guztiak bezala zauriz josirik baitzeuden.

ISAIAS 44:25

Huts eragiten diet aztien zantzuei, zentzugabe bihurtzen igarleak; jakintsuak hankaz gora botatzen eta haien zientzia zorakeria bilakarazten.

JEREMIAS 18:18

Zenbaitzuk zioten: «Pentsa dezagun Jeremias nola galdu. Ez zaigu faltako apaizik Jainkoaren legea irakasteko, ez jakintsurik aholku onak emateko, ez profetarik Jainkoaren mezua iragartzeko. Belztu dezagun horren izena, ez entzunarena egin diezaiogun horren esanari».

EZEKIEL 24:17

Egin negar isilean, baina ez egin ohiko dolurik; jarri buruzapia, jantzi sandaliak, ez estali aurpegia eta ez jan hileta-ogirik».

EZEKIEL 24:22

Eta orduan, Ezekielek egin duena egingo duzue: ez duzue aurpegia estaliko, ezta hileta-ogirik jango ere.

LEBITICOA 13:45

«Legenak jotako gizonak arropak urratuak eramango ditu, ilea harro eta aurpegia erdi estalirik, eta “Kutsatua! Kutsatua!” oihu eginez ibiliko da.

AMOSEN PROFECIA 8:11

Honela dio Jainko Jaunak: «Hara, badatoz egunak: lurrera gosea bidaliko dut; ez ogi-gosea, eta ez ur-egarria, Jaunaren hitza entzuteko gose-egarria baizik.

MIKEAS 3:4

Beraz, Jaunak ez die entzungo, oihu egingo diotenean; aurpegia gorde egingo die orduan, beren egintza gaiztoengatik.

MIKEAS 7:16

Ikusiko dituzte herriek eta lotsatu egingo dira beren indarraz; hitzik gabe eta sorgor geldituko dira.

ZAKARIAS 13:4

Egun hartan, lotsatu egingo dira profetak beren profeta-jardunaz eta ez dira soingaineko iletsuz jantziko, engainatzeko.

1 SAMUEL 14:37

Saulek kontsulta egin zion Jaunari: —Erasoko al diet filistearrei? Israeldarron esku utziko al dituzu? Baina Jainkoak ez zion deus ere erantzun egun hartan.

1 SAMUEL 28:15

Samuelek esan zion Sauli: —Zergatik asaldatu nauzu igoaraziz? Saulek erantzun: —Oso larri nago. Filistearrak borrokan ari zaizkit, eta Jainkoa urrundu egin zait; ez dit erantzun nahi, ez profeten bidez, ez ametsen bidez. Zer egin behar dudan erakuts diezadazun egin dizut dei.

1 SAMUEL 28:6

Kontsulta egin zion Saulek Jaunari; honek, ordea, ez zion erantzun, ez ametsetan, ez Urimen bidez, ezta profeten bidez ere.

1 SAMUEL 9:9

(Antzina, Israelen, Jainkoari kontsulta egitera zihoanak honela esan ohi zuen: «Goazen ikusleagana». Izan ere, orain profeta deritzanari, lehen ikusle zeritzan).