JEREMIAS 5:3 - Elizen Arteko Biblia (Biblia en Euskara Traducción Interconfesional)

³ Zuk, Jauna, jende leiala nahi duzu. Jo zenituen, baina ez zuten damurik izan; ia akabatu, baina ez ziren zentzatu. Harkaitza bezain gogor aurpegia, ez zuten onbideratu nahi izan.

Navarro-Labourdin Basque

³ Çure beguiac, Jauna, cintasunari beguiratzen dire; jo ditutzu, eta ez dute minic erakutsi; xehacatu ditutzu, eta gaztigua ez dute nahi içan onhetsi; harria beçala gogortu dituzte belharrac, eta ez dute nahi içan bihurtu.

JEREMIAS 5:3 Referencias Cruzadas

JENESA 19:34

Biharamunean, alaba zaharrenak gazteenari esan zion: «Bart ni egon naun aitarekin. Mozkor dezagun berriro eta gaur gauean hi joango haiz harekin etzatera; horrela, biok izango dizkinagu semeak geure aitarengandik».

1 ERREGEAK 13:33

Gertakari honen ondoren, Jeroboamek, bere jokabide okerretik aldendu ordez, kultu-lekuetako apaizak herriko jende xehearen artetik hartzen jarraitu zuen. Kargu hori gogoko zuen edonor sagaratu ohi zuen kultu-lekuetako apaiz izateko.

2 ERREGEAK 1:13

Erregeak, hirugarrenez, beste buruzagi bat bidali zuen, berrogeita hamar gizonekin. Hirugarren buruzagi hau ere igo zen Eliasengana; baina, heldu zenean, belaunikatu egin zen haren aitzinean eta honela erregutu zion: —Jainkoaren gizon, utz gaitzazu bizirik, bai ni, bai zeure berrogeita hamar zerbitzariok.

2 KRONIKAK 16:9

Izan ere, Jaunak lur osoa arakatzen du bere begiz, zintzo direnak adoretzeko. Oraingo honetan, ordea, burugabe jokatu duzu; horregatik, aurrerantzean gerrak izango dira zure aurka».

2 KRONIKAK 28:22

Asiriako erregea setiatzen ari zitzaion bitartean ere, Akaz erregeak Jaunaren kontra bekatu egiten jarraitu zuen:

SALMOAK 51:6

Zure aurka, zure aurka bakarrik, egin dut bekatu, zure borondatearen kontra jokatu. Horregatik, arrazoi izango duzu salatzean, errugabe izango zara epaia ematean.

SALMOAK 51:8

Zuk, ordea, bihotz leiala duzu atsegin, barru-barruan jakinduria didazu irakasten.

SALMOAK 55:20

Niri entzun eta haiek makurrarazi zituen Jainkoak, betidanik errege denak, sekula aldatzen ez denak. Baina haiek ez ziren Jainkoaren beldur!

ERRAN-ÇAHARRAC 21:29

Gaiztoa ausarti agertzen da; zintzoak bere jokabidea sendotzen du.

ERRAN-ÇAHARRAC 22:12

Jaunaren begiek zaintzen egia, eta huts eragiten maltzurraren hitzei.

ERRAN-ÇAHARRAC 23:35

«Jo naute, baina ez dut minik —esango duzu—, gogor zigortu naute, baina ez naiz konturatu. Noiz esnatuko ote naiz? Gehiago eskatuko dut berriro!»

ERRAN-ÇAHARRAC 27:22

Nahiz eta alearekin batera burugabea errotarrian xehatu, ez diozu ergelkeria kenduko.

ISAIAS 26:11

Eskua altxatua duzu, Jauna, zigortzeko, baina haiek ohartzen ez. Ikus bezate, lotsaz beterik, zeure herriarekiko duzun maitemina; zure suminak irents bitza etsaiak.

ISAIAS 42:25

Horregatik, gainera isuri zien bere haserre-sumina, gudu latza jasanaraziz: haren sugarrak inguratu zituen, oso-osorik kiskali; baina haiek ez zuten ezer jakin nahi izan, ezta arretarik jarri ere.

ISAIAS 48:4

Banekien, jakin, tematsuak zaretela, burdina bezain gogorra duzuela lepoa eta brontzezkoa kopeta;

ISAIAS 9:13

Horregatik, Jaunak Israel oso-osorik moztuko du: buru eta buztan, palmondo eta kanabera; egun berean moztuko ere.

JEREMIAS 15:7

Lurraldeko hiri guztietan sakabanatu ditut zure bizilagunak, haizeak lastoa bezala; suntsitu egin dut neure herria, seme-alabarik gabe utziz, jokabidez aldatu ez delako.

JEREMIAS 17:23

Haiek ez zidaten aditu, ezta jaramonik egin ere; burugogor jarri ziren eta ez zuten obeditu, ez zentzatu nahi izan.

JEREMIAS 19:15

«Honela dio Jaun ahalguztidunak, Israelen Jainkoak: Bidali egingo dut hiri honen eta inguruko herri guztien gainera adierazi dudan ezbeharra, burugogor jarri baitira bertako bizilagunak, nik esana aditzeari uko eginez».

JEREMIAS 2:30

Alferrik zigortu ditut zuen seme-alabak, ez baituzue eskarmenturik hartu. Zeuek hil dituzue profetak ezpataz, lehoi amorratuak bezala.

JEREMIAS 3:3

Horregatik huts egin dizute hodei-zaparradek, ez da udaberriko euririk izan. Baina zuk emagalduaren kopeta zenuen, eta zeure izen txarrak axolarik ez.

JEREMIAS 32:19

Egitasmo handiak dituzu eta huts egin gabe burutzen. Gizakien jokabide guztiak begi-bistan dituzu, nori bere jokaeraren ordaina, bere egiteen merezia, emateko.

JEREMIAS 35:13

beraren mezu hau Judako eta Jerusalemgo jendeari adieraztera joateko agindu zion: «Nik, Jaun ahalguztidunak, Israelen Jainkoak, galdetzen dizuet: Ez al duzue rekabetarren ikasbidea jaso behar eta nire esanak aditu?

JEREMIAS 44:10

Gaur arte ez du inork damurik azaldu, ez beldurrik izan, eta ez da inor ibili zuei eta zuen gurasoei eman nizkizuen lege eta aginduen bidetik.

JEREMIAS 7:26

Baina ez didazue aditu, ezta jaramonik egin ere, baizik eta zuen gurasoak baino burugogorrago izan zarete.

JEREMIAS 7:28

Orduan, hau esango diezu: “Hona hemen Jaunaren, bere Jainkoaren, mintzoa aditu nahi ez duen herria, zentzabiderik hartu nahi ez duena. Galdua da leialtasuna, ez da beraren aipamenik ere egiten”».

JEREMIAS 8:5

Zergatik urrundu zait, bada, betiko Jerusalemgo herri hau? Gogor eusten dio bere makurkeriari, ez du itzuli nahi atzera.

EZEKIEL 2:4

Jende burugogor eta setatsuagana bidaltzen zaitut nire mezua adieraztera.

EZEKIEL 24:13

Jerusalem! Kutsaturik zaude zeure likiskeriaz; garbitu nahi izan zaitut, baina ez didazu zikinkeria garbitzen utzi. Ez zara, bada, garbi geldituko nire sumina zure gain zeharo hustu arte.

DANIEL 9:13

Moisesen legean idatzirik dagoen bezalaxe, hain zuzen, etorri zaigu gainera hainbesteko zoritxar hau; hala ere, Jauna, ez gara zure haserrea baretzen ahalegindu, gure bekatuetatik urrunduz eta zure leialtasuna aitortuz.

LEBITICOA 26:23

«Guztiarekin ere nire zentzarazpena onartu ez eta aurka egiten badidazue,

AMOSEN PROFECIA 4:10

«Izurria bidali dut zuengana Egiptokoaren antzekoa. Zuen gazteak ezpataz hilarazi ditut eta zuen zaldiak etsaien esku utzi. Zuen sudurretaraino igoarazi dut hildakoen kiratsa, guda-kanpalekuetan. Hala ere, ez zarete niregana itzuli. Nik, Jaunak, esana.

AMOSEN PROFECIA 4:11

«Irauli egin zaituztet, Sodoma eta Gomorra irauli nituen bezala; sutatik ateratako ilintiaren antzera libratu zarete. Hala ere, ez zarete niregana itzuli, Nik, Jaunak, esana.

AMOSEN PROFECIA 4:6

Honela dio Jaunak: «Gosea bidali dizuet hiri guztietara, ogi-falta zeuen bizilekuetara. Hala ere, ez zarete niregana itzuli. Nik, Jaunak, esana.

AMOSEN PROFECIA 4:8

Jendea badoa herriz herri ur bila, baina ez du behar adina aurkitzen. Hala ere, ez zarete niregana itzuli. Nik, Jaunak, esana.

AMOSEN PROFECIA 4:9

«Haize erreaz eta gorrinaz jo ditut zuen baratze eta mahastiak; pikondo eta olibondoak matxinsaltoak jan ditu. Hala ere, ez zarete niregana itzuli. Nik, Jaunak, esana.

SOFONIAS 3:7

“Horrela behintzat begirune izango dit Jerusalemek —pentsatzen nuen—, onartuko du nire zentzaldia, eta ez dut haien bizilekua ezereztu beharrik izango, kontuak eskatuko dizkiodanean”. Baina haiek are eta lehia handiagoz aritu ziren beren egintza okerretan.

ERROMATARREI 2:2

Badakigu horrelakoak egiten dituztenak Jainkoak zorrotz epaitzen dituena.

HEBREARREI 12:9

Lurreko gurasoak begirunez hartzen genituen, zentzarazten gintuztenean; arrazoi gehiagoz jarri behar dugu, bada, zeruko Aitaren menpe, bizia iristeko.