2 Bakorinthe 7:7 - Contemporary Southern Sotho Bible 2024

⁷ E seng ka ho tla ha hae feela, empa e le ka matshediso ao a tshedisitsweng ka wona ka baka la lona, ha a re bolella tjantjello ya lona, sello sa lona, le tjheseho ya lona bakeng sa ka; hoo ke ileng ka thaba haholo.

Sesotho 1909/1961 (SO)

⁷ Mme hase ka ho fihla ha hae feela, hape e bile ka tshediso eo a tshedisitsweng bakeng sa lona ka yona, kamoo a re boleletseng hlolohelo ya lona kateng, ho lla ha lona, le kamoo le ntjhesehelang kateng; taba tseo tsa ba tsa nthabisa haholo.

BIBELE

⁷ e seng ka ho tla ha hae feela, empa le ka kgothatso eo a e fumaneng ho lona. O re boleletse kamoo le re hlolohetsweng kateng, kamoo le swabileng kateng, le kamoo le re tjhesehelang kateng. Kahoo ke thabile ka ho fetisisa,

Baasraak Sotho NT

⁷ E seng ka ho tla ha hae feela, empa e le ka matshediso ao a tshedisitsweng ka wona ka baka la lona, ha a re bolella tjantjello ya lona, sello sa lona, le tjheseho ya lona bakeng sa ka; hoo ke ileng ka thaba haholo.

2 Bakorinthe 7:7 Referencias Cruzadas

Mattheu 26:75

Petrose a elellwa polelo ya Jesu, eo a neng a re ho yena: Pele mokoko o lla, o tla be o ntatotse hararo. Yaba o tswela ntle, a lla habohloko.

Mattheu 5:4

Ho lehlohonolo ba llang, hobane ba tla tshediswa.

Luka 22:44

Mme a le bohlokong bo boholo, a rapela ka matla, mme mofufutso wa hae wa eba jwaloka marothodi a madi a rothelang fatshe.

Diketso 11:23

Eitse ha a fihla, mme a bona mohau wa Modimo, a thaba, mme a ba kgothatsa bohle hore ba kgomarele Morena ka sepheo sa pelo.

Baroma 1:12

Ke ho re, ke tle ke tshedisehe hammoho le lona ka tumelo e le nngwe, ya lona le ya ka.

1 Bakorinthe 5:2

Mme lona le a ikgohomosa, mme haholo ha le a ka la lla, hore ya entseng ketso eo a tloswe hara lona.

2 Bakorinthe 1:14

Jwalokaha le re tsebile ka nqa e nngwe, hore re thabo ya lona, jwalokaha le lona le le ba rona ka tsatsi la Morena Jesu Kreste.

2 Bakorinthe 1:4

o re tshedisa matshwenyehong wohle a rona, hore re tle re tsebe ho tshedisa ba mahlomoleng afe kapa afe, ka matshediso ao rona ka borona re tshediswang ke Modimo.

2 Bakorinthe 2:9

Hobane le hona ke le ngoletse hore ke tle ke tsebe ho bona hore na le na le kutlo nthong tsohle.

2 Bakorinthe 5:2

Hobane re fehelwa ke hona, re hlolohetswe ka tjantjello ho apeswa ntlo ya rona e tswang lehodimong.

2 Bakorinthe 7:6

Empa Modimo, ya tshedisang ba nyahameng, o re tshedisitse ka ho tla ha Tite;

2 Bakorinthe 7:8

Hobane leha ke le swabisitse ka lengolo, ha ke bake, leha ke bakile;

2 Bakorinthe 8:16

Empa ho lebohuwe Modimo ya kentseng tjheseho e tshwanang le eo pelong ya Tite bakeng sa lona.

BaFilipi 1:20

ho ya ka tebello ya ka e tiileng le ka tshepo ya ka, hore nke ke ka hlajwa ke dihlong ka letho, empa e le ka tshepo yohle, jwaloka kamehla, le jwale Kreste o tla hodiswa mmeleng wa ka, leha e ka ba ka bophelo, leha e le ka lefu.

BaKolose 2:5

Hobane leha ke le siyo ka nama, ka moya ke na le lona, ke ntse ke thaba, ke bona tlhophiso ya lona, le ho tiya ha tumelo ya lona ho Kreste.

1 BaThesalonika 3:6

Empa jwale, ha Timothea a etswa ho lona, a tla ho rona, a re tlisetsa molaetsa o molemo wa tumelo ya lona le lerato la lona, le hore le ntse le re hopola hantle ka mehla, le hlolohetswe haholo ho re bona jwalokaha le rona re le bona.

1 BaThesalonika 3:8

Hobane jwale re a phela, ha le ema le tiile Moreneng.

BaHebheru 2:1

Ka baka leo, e ka kgona re ele ditaba tseo re di utlwileng hloko haholo, esere ra ba ra thella.

Jakobo 5:17

Elia e ne e le motho ya maikutlo a tshwanang le a rona, mme a rapela ka matla hore pula e se ke ya na; mme ya se ke ya na lefatsheng ka dilemo tse tharo le dikgwedi tse tsheletseng.

2 Johanne 1:4

Ke thabetse hore ke fumane baneng ba hao ba tsamaya nneteng, jwalokaha re amohetse taelo ho Ntate.

Yuda 1:3

Baratuwa, leha ke ne ke tjhesehela ka matla ho le ngolla tsa poloko eo re nang le yona, ke ile ka tlameha ho le ngolla, ke le kgothatsa hore le lwane ka matla tumelong eo le e neilweng bahalaledi hang feela.