Máciya 25:35 - Jola-Kasa

³⁵ Mata bucaa bujokonjok, li jisenom itiñ. Bahob li bujokom, li jisenom ihob. Li ilako ajawoola, li jiyabom booluul.

Máciya 25:35 Referencias Cruzadas

Máciya 25:40

Ayíiyawu fan aaniil: «Li mal̥egenamu fan ilobuul, nanoonan feh nan jikaane wahawu unwu akee li umbuku kahaŋumuu matiti li kutuyom, ínje humumom jikaan wo.»

Máciya 26:11

Mata fan jibaj nanoonan esukateen li bukuluul, bale ínje let ilako li bukuluul nanoonan.

Maak 14:7

Mata fan jibaj nanoonan esukateen li bukuluul. Jiyilo jikaaniil majake nan jommuu li jifañ, bale ínje let ilako li bukuluul nanoonan.

Hulimahu Hásuumaahu loon Lík akiic homuu 11:41

Bale jikomen jisen kusukateenaku wahawu wammuu li sijunkasu sooluul li uyinjaayawu wooluul. Jikaan momuu, wahawu feh li úgiilo li bukuluul.

Hulimahu Hásuumaahu loon Saŋ akiic homuu 13:29

Emmuu Sudaas aakene abootaawu ata sídalamasu, kukee li kúgoomaku li kunaak kuyin li koon Yéesu laanoosaan ajow ánoomul wahawu wan jokiilumuu li wo boot li kagaanaku, mantee foof laanoosaan asen wah ukee kagayimuu.)

Bakaanelabu 10:31

Li aanom: «Kooluney, Ateemit layayyab kal̥awaku kooli ban amojenut kalambenaku kan ulambenemuu kusukateenabuku.

Bakaanelabu 11:29

Muñeˈe kúgoomaku li kujamoo min koon anoowan li buko laate asen wah wan ammuu ayili asen, min kuboñ wo boot kalamben kutuyiil kakinumuu li etaamayi yata Súde.

Bakaanelabu 16:15

Muñeˈe nan kúbatiisemuu Liidi boot li butoŋool ló ban, li áloboli min jijow boot boola áanoli: — Nokoomuu loon jijuujuk kaanaku líyinenyinen li Amaaŋenawu, li jibil jilako búmbaam. Muñeˈe li átuuŋoli min joon éehe’.

Bakaanelabu 4:32

Muñeˈe káyinenumuu li Yéesu li kujokoo loon an ano, min kubaj kayinoo kano, li hulim hano. Bajut an li buko aane wahawu wan abajumuu woola balewool, bale wahawu wan kubajumuu wooliil foofiil feh.

Kata Lom 12:13

Jilamben bukanabuku kata Ateemit kan jokiilumuu li wah, ban li jinaak jiyab bukan booluul.

Kata Lom 12:20

Amaaŋenawu lansaan foof: «Alatoolayi acaaletumuu, li usenool atiñ. Li bil nokoo loon bahob bujokool, li usenool ahob, mata ukaanumuu alatoolayi loon muñaˈa, fan nokoo loon kujek káwake lúwomenulo ukaanool li húkow.»

Kata Lom 16:23

Gáyiyis ayabommee boola lasaafuluul. Boola foof ejanguwayi feh ewoogemuu. Elaas ahahenemuu sídalamasu sata ésukayi yata Lom, lasaafuluul. Atuyolaal Kaalitis foof lasaafuluul. [

Kata Efées 4:28

An anaakumuu ákuwet, li akat ékuwetayi. Laate alok li kuŋenool min ábajum to wah boot li buloŋool, li álambenum tó foof an an tooke kalamben.

1 Tímote 5:10

Laate áhaasumi li bakaanelool bajake: ágoocul bañoolool jak, li ayab ejawoola boola jak, li afos kootaku kata káyinenumuu li Yéesu, li alamben bukanabuku kammuu li sílaam ban li ahanken li kakaan wahoowah feh wajake.

Filemoŋ 1:7

Atuyom, húbooliyahu hooli hújiwonji li ibaj ésuumansuum yáamak li kawankulen, mata lújiji uyinumawu wata bukanabuku kata Ateemit li ubah.

Eébulo 13:16

Jakum jimojen kakaan majake, li kalambenoo, mata kasila loon unku kúsuumumuu Ateemit.

Eébulo 6:10

Li mal̥egenamu, Ateemit alet Ateemit acolut. Let amojen wahawu wan bukuluul jikaanumuu, let amojen foof húbooliyahu han jíhiisoolumuu li bulokabu ban jikaanumuu boot li bukanabuku koola, ban jiloŋumuu foof li jikaan boot muñeˈe.

Saak 1:27

Buloŋabu ban Ateemit Atuubaawu afañumuu, boote bulako li mal̥egen buloŋ banabe. Bo bommuu: kalamben bañiil búkat, li kanaalaabuku kahokumuu kúyiniil ban li kóomi li sílaam, kahoy wahawu wajakutumuu wata adunaayi.