Hulimahu Hásuumaahu loon Lík akiic homuu 6:38 - Jola-Kasa

³⁸ Jinaakumuu jiwul, Ateemit fan awuluul: fan kuyoŋen li kabeyaku kata kañaku kooli hukiib háliiŋe, hayonyoŋeni hujow humeeŋ tib yok hufuus. Mata kaliikumaku kan bukuluul humumuul jiŋalemuu min jiliik bukanabuku, ko foof Ateemit ammuu li abil aŋa’ min aliikuul.

Hulimahu Hásuumaahu loon Lík akiic homuu 6:38 Referencias Cruzadas

Máciya 10:42

Li mal̥egenamu fan ilobuul, an asenumuu maayeet efot yano yata mal májoobiye akee li bukanabuku umbuku kan káyinenaku kooliil lí ínje kulitutumuu ahob, mata ágoomom laam, akaal̥owut mata manooman Ateemit fan acaamool.

Máciya 7:2

Mata Ateemit fan atiibuul loon jitiibemuu kaabuku. Kaliikumaku kan bukuluul humumuul jiŋalemuu min jiliik bukanabuku, ko foof Ateemit ammuu li abil aŋa’ min aliikuul.

Maak 4:24

Yéesu li afamen aaniil: — Jíkaanum wahawu wan jijamemuu! Kaliikumaku kan bukuluul humumuul jiŋalemuu min jiliik bukanabuku, ko foof Ateemit ammuu li abil aŋa’ min aliikuul, ban fan aliikuul haŋ to!

Hulimahu Hásuumaahu loon Lík akiic homuu 6:30

An al̥ayimuu wah, li usenool. An li aŋa’ wahi, jakum ul̥agool wo.

Saak 2:13

Mata Ateemit let áyiyen akila li batiib an áyiyeneliit bukan. Bale káyiyenaku fan kuheek batiibabu.