Hulimahu Hásuumaahu loon Lík akiic homuu 20:38 - Jola-Kasa

³⁸ Yéesu li afamen aan: — Muñowu híisumuu kaanaku, Ateemit alet Ateemitawu ata bukanabuku kaketumuu, bale Ateemitawu ata bukanabuku kaloŋumuu, mata bukanabuku feh kulonloŋ boot li Ateemit.

Hulimahu Hásuumaahu loon Lík akiic homuu 20:38 Referencias Cruzadas

Máciya 22:32

«Injé emmuu Ateemitawu ata Abulaham, Ateemitawu ata Isaak, li Ateemitawu ata Sakob.» Mó mújimuu, Ateemit alet Ateemitawu ata bukanabuku kaketumuu, bale Ateemitawu ata bukanabuku kaloŋumuu.

Maak 12:27

Mó mújimuu, Ateemit alet Ateemitawu ata bukanabuku kaketumuu, bale Ateemit ata bukanabuku kaloŋumuu. Mo emmuu jiliimooliimoo ŋáa’.

Hulimahu Hásuumaahu loon Lík akiic homuu 20:39

Muñeˈe kukee li kaliikenemuu ésukayi eluwaayi ésukayi eluwaayi yata Móyiis li koon Yéesu: — Anahaan, lulobe jak.

Hulimahu Hásuumaahu loon Saŋ akiic homuu 14:19

Let fiyo, min bukanabuku kata adunaayi kújukaatiwom. Bale bukuluul fan jijukom, mata ínje ummu li buloŋ, ban bukuluul foof fan jiloŋ.

Hulimahu Hásuumaahu loon Saŋ akiic homuu 6:57

Emmuu Atuubaawu áboñulommuu lalonloŋ, ínje li okila líloŋume. Mo foof an ammuu li atokoñom, li áloŋum lí ínje.

2 Kata Koolent 13:4

Mal̥egen, nan kubaaŋoolumuu li ekuluwaayi lanokoonokoo loon an ágootowe, bale muñeˈe ummu li buloŋ humum hata sembaasu sata Ateemit. Li mal̥egenamu, áloli foof jígootogooto li hujokoolahu hóololi li akila, bale hákiluul, áloli fan jíloŋ li akila li sembaasu sata Ateemit.

2 Kata Koolent 6:16

Hujamoo buu huyilo hubaj li tutoo eluufayi yata Ateemit li úciinawu? Li mal̥egenamu, alolaal oomaalumuu eluufayi yata Ateemit aloŋumuu; mata loon Ateemit humumool alobumuu: «Fan ikin, ban li iloŋ li tutiil. Fan ilako Ateemit ooliil, ban buko fan kulako bukanabuku kúmbaam.»

Eébulo 11:16

Li mal̥egenamu, muñeˈe etaam yahaŋe majak kúsiibowe li yo, yo yommuu yata li emitayi. Wahawu unwu újimuu Ateemit asuuwut min kuhooñool Ateemit ooliil, mata lakankaan ésuk akat to boot li buko.

Búhiisenumabu 22:1

Fúlum tó, amalakaawu li áhiisom foof katunkaku kata malamu mata buloŋabu. Malamu ummu mugiwulogiwulo loon eweel, ban li munaak múfulumul li efenjeŋayi yata Ateemit li yata Agálalaanawu.