Hulimahu Hásuumaahu loon Lík akiic homuu 20:24 - Jola-Kasa

²⁴ — Jíhiisom ehanjal yata édalam. Kambu kata ayi li kajaw kata ayi kóomi ló? Bukanabuku li koonool: — Kata Sesaal.

Hulimahu Hásuumaahu loon Lík akiic homuu 20:24 Referencias Cruzadas

Máciya 18:28

«Nan alokaawu ummu áfulum tómuu, li afam li afaalool aloka akee aakenool sídalam safamut. Li ajokool agak ban li aanool: “Ulaañenom ecaagenayi yan ookommuu!”

Máciya 20:2

Li ajamoo li kulokaabuku mata min acaamiil bacaamabu bata etihunaka. Ban li ájowetumiil kujow kulok li bul̥ibabu boola bata úbiiñawu.

Máciya 22:20

Nan kúhiisool yomuu, Yéesu li agel̥l̥eniil aaniil: — Kambu kata ayi li kajaw kata ayi kóomi ló?

Maak 12:16

Mal̥egen li kúŋalulool yano. Muñeˈe Yéesu li agel̥l̥eniil aaniil: — Kambu kata ayi li kajaw kata ayi kóomi ló? Li koonool: — Kata Sesaal.

Hulimahu Hásuumaahu loon Lík akiic homuu 2:1

No unnu, áyiiyawu áamakawu an koonemuu Ogús li alob min kucob bukanabuku feh kakinumuu li Jáyiiyaju jata Lom.

Hulimahu Hásuumaahu loon Lík akiic homuu 20:22

Muñeˈe kama úloboli, mantee Eluwaayi yata Móyiis yonsoon lootaale uhalaal búhalabu bahaleyimuu áyiiyawu áamakawu Sesaal, mantee a’aa’?

Hulimahu Hásuumaahu loon Lík akiic homuu 20:23

Bale emmuu Yéesu lahaase butuukowabu booliil, li aaniil:

Hulimahu Hásuumaahu loon Lík akiic homuu 20:25

Muñeˈe Yéesu li aaniil: — Seeh, kama jilaañen Sesaal wahawu wata Sesaal. Ateemit li jilaañenool wahawu wata Ateemit.

Hulimahu Hásuumaahu loon Lík akiic homuu 23:2

Nan kúliiŋumuu, li kútoŋ kúmal kukaan Yéesu koon: — Jitootook ánayinaawu umme okila li kakaan ésukayi égugguloo. Laaniisaan jakum kuhal báhalabu bata áyiiyawu áamakawu, ban li aan okila humumool ammuu Afakenaawu, áyiiyawu ooliil.

Hulimahu Hásuumaahu loon Lík akiic homuu 3:1

Muñeˈe li emitayi ekaatenayi yata Jáyiiyaju jata áyiiyawu áamakawu Tibeel, nan Fons Filat alako nomuu águubelunaalawu ata etaamayi yata Súde, Elod li alako anahaanawu ata etaamayi yata Gálile. Atuyool Fílib li alako anahaanawu ata etaamayi yata Itúle li yata Talakonit. Lisaniyaas li alako anahaanawu ata etaamayi yata Abilen.

Bakaanelabu 11:28

Akee li buko an koone Agábus li alob ákibben, li búkaanum bata Buyinum Banabaabu aan, let fiyo min bamuufaay báamak bubaj li etaamayi feh. (Mal̥egen bamuufaayabu li bubil bubaj nan Kúlod alakomuu áyiiyawu áamakawu.)

Bakaanelabu 26:32

Agilifa li aan Fésitiis: — Anáyinaawu ummu layilleene akateni, okila baaneenut áyiiyawu áamakawu atiibool.

Kata Fílib 4:22

Bukanabuku feh kata Ateemit kusaafuluul, háŋum kammuu li eluufayi yata áyiiyawu áamakawu Sesaal.