Kata Lom 3:31 - Jola-Kasa

³¹ Muñeˈe waa, mantee boot min úfulenaal jáliŋayi yata eluwaayi humum hata káyinenaku? Maayeet, bale boot min usenaal eluwaayi jáliŋ yata mal̥egen.

Kata Lom 3:31 Referencias Cruzadas

Máciya 15:6

Min lako anawu ummu muñeˈe asohulawut min aluuken sibukoolawool. Muñowu jíkajenummuu hulimahu hata Ateemit, min jijok jak múkaaniinamu mooluul.

Máciya 3:15

Bale Yéesu li aan Saŋ: — Awu ufan ukat bo min úbatiisewom, mata muñaˈa lóotimuu ukaanaal min nab loon Ateemit afañumuu. Mal̥egen Saŋ li akat bo min ábatiise Yéesu.

Máciya 5:17

— Jakum jiyin li joon libiibil boot kábuj eluwaayi. Ibilut boot kábuj wahawu unwu. Bale libiibil boot min ikaan loon eluwaayi elobumuu, li foof loon kulimaku kulobumuu.

Máciya 5:20

Fan ilobuul eenuul, jítuulutumuu Hulimahu hata Ateemit jihaŋ bukanabuku kaliikenemuu ésukayi eluwaayi yata Móyiis li Kufaaliisiyeŋaku, let jibil jinoken li Jáyiiyaju jata Ateemit.

Hulimahu Hásuumaahu loon Lík akiic homuu 20:16

Fan abil, li amuk kulokaaku kata úbiiñawu min aŋa’ bul̥ibabu bata úbiiñawu asen kuloka kukee kooken. Nan bukanabuku kujamumuu kulimaku unku, li koon: — Ateemit jakum akat min wahawu úmus ubaj!

Kata Lom 10:4

Li mal̥egenamu, Kilisita lakankaan wahawu feh boot to wan eluwaayi yata Móyiis elobumuu, mantee bukanabuku feh kammuu li kúyinen li akila, li kulako bukan kacole hákil Ateemit.

Kata Lom 2:20

Li utebenoolo mata min ommuu aliikena ata bukan kahaasut wahoowah, anahaanawu ata bañiilabu, mata lúyinenyinen kaanaku eluwaayi esenimuu kahaasemiñaku, ban li ekaani min uhaas mal̥egenamu.

Kata Lom 3:4

Maayeet! Anoowan laate ahaas jak kaanaku Ateemit lakankaan Ateemit ata mal̥egenamu, ban ál̥ahukowan anoowan lakankaan ámalamiñ. Li mal̥egenamu, bakiicelabu bonsoon: «Loote újokumi an acole li balobelabu booli; ban li ubaj bakooŋ awu batiibeli.»

Kata Lom 3:6

Maayeet! Mata kaaneenumuu loon Ateemit mo laano, buu laate ayili atiib adunaayi?

Kata Lom 4:14

Nokoomuu loon bukanabuku kammuu li kuŋenaku kata eluwaayi, buko bale kóomi li kuyab wahawu wan Ateemit alobumuu kasen, kama káyinenaku hin kakaal̥o, ban wahawu unwu wan Ateemit alobumuu kasen ubajut jáliŋ.

Kata Lom 7:22

Kata láalawom, eluwaayi yata Ateemit ésuumonsuum ŋáa’.

Kata Lom 7:25

Ateemit ajow asali: li Yéesu Kilisita ammuu Amaaŋenawu oololaal. Muñowu léemummuu amiikeel ata eluwaayi yata Ateemit li buyinumom, ban li éemi amiikeel ata eluwaayi yata kahoofoolaku li eniilayi yúmbaam.

Kata Lom 8:4

Ateemit lakankaan loon muñaˈa mantee macolamu man eluwaayi elobumuu mata mo, li mubaj li alolaal jáloŋeliitaamuu naboo li bóonowabu boololaal, bale jaloŋaalemuu loon Buyinumabu Banabaabu bufañumuu.

1 Kata Koolent 9:21

Li manolamu, ilakomuu li bukan kahaasut eluwaayi yata Móyiis, fan iloŋ loon kuloŋemuu, ban let ijuke li eluwaayi inyu yata Móyiis, mantee li iŋaliil boot li Yéesu Kilisita. Inti eeniseen mantee ínje ítuulut eluwaayi yata Ateemit, mata likaanekaan loon eluwaayi yata Kilisita elobumuu.

Kata Galasi 2:19

Li ínje, mata eluwaayi, likeeket ban li eluwaayi humum yo líketume, mantee li iyili iloŋ boot li Ateemit. Injé limukoolimukoo li Kilisita li ekuluwaayi.

Kata Galasi 2:21

Ilet li ihoy kájiyaku kata Ateemit. Li mal̥egenamu, nokoomuu loon li eluwaayi an áami li ájowum min eeni lacoccol hákil Ateemit, kama Kilisita lakeeket boot maayiiñ.