Kata Lom 15:30 - Jola-Kasa

³⁰ Kutuyom, boot min íjowum li Amaaŋenawu oololaal Yéesu Kilisita li húbooliyahu hata Buyinumabu Banabaabu, min iyaakuul eenuul: uhankenaal li mano min utajaal li kal̥aw Ateemit boot lí ínje.

Kata Lom 15:30 Referencias Cruzadas

2 Kata Koolent 1:11

Bukuluul humumuul foof jumbuku min jilambenemuu li áloli li ul̥awawu wooluul. Mó mújimuu Ateemit fan ákaanoli majake, humum hata ul̥awawu wata bukan kameeŋe. Wahawu unwu újimuu foof bukan kameeŋe fan kusal Ateemit boot li áloli.

2 Kata Koolent 12:10

Wahawu unwu újimuu li súumom ŋáa’ min ígootomuu, min kugelewommuu, min séngiyewommuu, min ílaamemuu li min ibajemuu buyina humum hata Kilisita, mata nan ígootomuu no libajumuu sembe.

2 Kata Koolent 4:11

Li mal̥egenamu, li búloŋoli feh, áloli jumbuku min jijukemuu nanoonan eketayi humum hata Yéesu, bájum buloŋabu bata Yéesu li bujuki foof li siniilasu sóololi sammuu li sibil siket.

2 Kata Koolent 4:5

Li mal̥egenamu, li kawaaleyaku kan áloli jiwaaleˈemuu, let kúkowoli jiyiiŋene, bale Yéesu Kilisita ammuu Amaaŋenawu jiyiiŋene. Alóli kuloka kooluul joom, humum hata Yéesu.

Kata Galasi 5:22

Bale wahawu wan Buyinumabu busenemuu wo wommuu: húbooli, ésuumansuum, kásuumaay, kabeben, másuum, ésuum buyinum, káwoolu,

Kata Efées 6:19

Jil̥aw foof boot lí ínje bájum Ateemit li asenom kulim kacole nan emmuu li ilako elob, mantee jakum ibaj kákolí ínje li kakitten bukanabuku mal̥egenamu mahaasutimuu mata Hulimahu Hásuumaahu.

Kata Fílib 2:1

Nokoomuu loon li mal̥egenamu jibabbaj kátintimben li hujokoolahu hooluul li Kilisita, li nokoo loon jibabbaj kawankulen li húbooliyahu hoola, li nokoo loon jibabbaj hujokoo li Buyinumabu, li nokoo foof loon babbaj to húbooli li kabonket,

Kata Kolos 1:8

Lálobolilob mata húbooliyahu han Buyinumabu busenuulumuu.

Kata Kolos 2:1

Li mal̥egenamu, lifañe min jihaas buu bútajabu búsengimuu, ban éemimuu li bo boot li bukuluul, boot li kata ésukayi yata Lawodise, li boot li bukanabuku feh kahaasolutommuu.

Kata Kolos 4:12

Efafulaas ammuu foof an ooluul, lasaafuluul. Lakankaan aloka ata Yéesu Kilisita, ban akatut kal̥aw súf boot li bukuluul, bájum li jítuk lit ban li jank jijow jikiben li káyinenaku kooluul, min jinaak jikaan li mal̥egen loon Ateemit afañumuu.

1 Kata Tesalonik 5:25

Kutuyom, jil̥aw foof boot li áloli.

2 Kata Tesalonik 3:1

Kutuyom, muñeˈe jil̥aw boot li áloli mantee Hulimahu hata Amaaŋenawu li hunaak huhaŋ majamo ŋáa’ ban li huluukeni tanootan loon huluukenimuu foof booluul.

2 Tímote 4:1

Liyaaki hákil Ateemit li hákil Yéesu Kilisita ammuu li abil atiib bukanabuku kaloŋumuu li kaketumuu. Liyaaki foof li kajaw kata ebilayi yata Kilisita li kata Jáyiiyaju joola eeni: