Kata Lom 15:26 - Jola-Kasa

²⁶ Li mal̥egenamu, bukanabuku kata Ateemit kammuu li etaamayi yata Maseduwaan li kammuu li etaamayi yata Akaay kujoojok min kulamben bukanabuku kata Ateemit ban li kukaan kusukateen kata ésukayi yata Yeelusalem.

Kata Lom 15:26 Referencias Cruzadas

Máciya 25:40

Ayíiyawu fan aaniil: «Li mal̥egenamu fan ilobuul, nanoonan feh nan jikaane wahawu unwu akee li umbuku kahaŋumuu matiti li kutuyom, ínje humumom jikaan wo.»

Máciya 26:11

Mata fan jibaj nanoonan esukateen li bukuluul, bale ínje let ilako li bukuluul nanoonan.

Hulimahu Hásuumaahu loon Lík akiic homuu 14:13

Bale ulakumuu sinaaŋ boot li ésuk, li úhooñul esukateenayi, kakajumuu, kajinkemuu li káfuumumuu.

Hulimahu Hásuumaahu loon Lík akiic homuu 6:20

Yéesu li ajuke kúgoomaku koola ban li aan: — Awólo bukuluul jagayimuu, mata Jáyiiyaju jata Ateemit jooluul.

Bakaanelabu 16:12

To untu jíjowummuu boot Fílib, yammuu ésukayi yáamakayi yata etaamayi yata Maseduwaan, yan kata Lom kookenumuu. Li jikaan li ésukayi inyu kunak kameeŋe.

Bakaanelabu 16:9

Li líiŋ li hukahu, Fool li ajuk li kahimmo ánayine ata Maseduwaan, mayitowe hákilool min al̥okoolool aanool: — Ubil boot Maseduwaan min úlambenoli!

Bakaanelabu 18:12

Muñeˈe li taŋayi nan Galiyoŋ alakomuu águubelunaalawu ata Lom li etaamayi yata Akaay, Kusuwifaku li kujamoo min kutiiken Fool. Li kujokool kújowetum li hutiibahu,

Bakaanelabu 19:21

Nan wahawu unwu ubajumuu jow fú’ tó, Fool li ajok min ájowum li etaamayi yata Maseduwaan li yata Akaay, ajow boot Yeelusalem. Li anaak aan: — Nan emmuu íliiŋ bo, fan foof ijow boot Lom.

Bakaanelabu 9:13

Ananiyaas li aan: — Amaaŋen, bukan kameeŋe kulobonlob mata ánayinaawu ummu. Kuhebonheb majakutamu feh man akaanumuu bukanabuku kooli kammuu Yeelusalem.

1 Kata Koolent 16:15

Manooman jihaase Sitefaan boot li butoŋool ló. Jihaase foof kaanaku li etaamayi yata Akaay, buko kujandumuu kúyinen li Yéesu Kilisita, ban li kunaak kulok boot li bukanabuku káyinenumuu li Yéesu Kilisita. Kutuyom, ínje ummu li kal̥awuul,

1 Kata Koolent 16:5

Boot min íjowum Maseduwaan min íhaaŋul boot booluul, (mata leete íjowum li etaamayi inyu).

2 Kata Koolent 1:16

Ifúlummuu booluul, fan ihaaŋ boot li etaamayi yata Maseduwaan, ban li ílaañumum bó boot booluul, mantee li jilambenom li wahawu wan jokommuu li wo boot li kañaahoolaku kan ijowemuu boot li etaamayi yata Súde.

2 Kata Koolent 11:9

Ban nan ilakomuu booluul, jokommuu li wah let iyoken an. Kutuyolaal kammuu li etaamayi yata Maseduwaan kunaake kulambenommuu li wahawu wan naake jokommuu li wo. Lijukejuke to jakum bil ilako búteb boot li bukuluul, ban let ikat min ilako búteb boot li bukuluul.

2 Kata Koolent 2:13

bale buyinumom bubahut mata ijukut atuyom Tit. Muñeˈe li ikat to kata Tulowaas min ijow boot li etaamayi yata Maseduwaan.

2 Kata Koolent 7:5

Li mal̥egenamu, nan jíliiŋumuu Maseduwaan jibajut bo kayool̥o kanookan. Sílaam sanoosan jibabbaj so bo: úmuy tíyaŋ, ekole li elako li óloli.

2 Kata Koolent 9:12

Bulokabu umbu bata kayabaku kata wahawu wan bukuluul jisenumuu, bulakowut boot kalamben bale bukanabuku kata Ateemit li wahawu wan jokiilumuu li wo, bale fan búji foof bukan kameeŋe li kúsalum Ateemit li kal̥aw.

2 Kata Koolent 9:2

Lihaase buu jikaan tomuu uyinumuul li kalambenaku, ban li isaloolo humum hooluul hákil kata Maseduwaan, min eeniil: «Kutuyolaal kammuu li etaamayi yata Akaay, kábilum hútiim kufaleˈe boot kasen.» Kahankenaku kooluul kújiji bukan kameeŋe li buko li kufañ min kusen.

2 Kata Koolent 9:4

Jikaanut momuu, ban kata Maseduwaan li kúnaboolul lí ínje boot booluul jibil jíliiŋul jitookutuul mafaleˈe, fan káanoli ñisuu mata min jíkangummuu li bukuluul ŋáa’. Bukuluul humumuul fan jihaŋ masuu.

Kata Fílib 4:15

Bukuluul humumuul jata Fílib jihaase kaanaku, nan ítoŋumuu iwaale Hulimahu Hásuumaahu, nan ífulumuu li etaamayi yata Maseduwaan, bajut ejangu yakee yan jisenoole wah, mantee foof yan jiyaboole wah. Ejanguwayi yooluul bale elambenommuu.

1 Kata Tesalonik 1:7

Muñowu jóonowummuu bukittenoolum boot li bukanabuku feh káyinenumuu li Yéesu, kammuu li etaamayi yata Maseduwaan li yata Akaay.

1 Kata Tesalonik 1:8

Li mal̥egenamu, hulimahu hata Amaaŋenawu booluul húfulummuu. Ban inti li etaamayi yata Maseduwaan li yata Akaay bale hujami. Bale kaciimanciimaku kata káyinenaku kooluul li Ateemit kujamijam foof tanootan. Mó lí múji laañut jókoli min jilob mata ko.

1 Kata Tesalonik 4:10

Ban fiimaa bukuluul mo foof jommuu li kakaan li kutuyuul feh kata Maseduwaan. Bale, kutuyom, áloli jumbuku li kal̥awuul min jikaan haŋ to.

1 Tímote 1:3

Lifañe min ulako li ésukayi yata Efées loon ilobimuu nan ilakomuu li ijow boot Maseduwaan. Baj to bukan kaliikene ésukayi kulim kanaboolut li káyinenaku koololaal. Oon bukanabuku umbuku kukat.

Filemoŋ 1:5

Mata lijame bukanabuku li kulob mata húbooliyahu han úboolimuu bukanabuku feh kammuu kata Ateemit, li káyinenaku kan ubajumuu li Amaaŋenawu Yéesu.