Kata Lom 15:19 - Jola-Kasa

¹⁹ Buyinumabu bata Ateemit bújowunjowum lí ínje min bukaan búhiisenum banooban bájaahaleniye. Muñowu liwaalemuu Hulimahu Hásuumaahu hata Kilisita tanootan, kítum Yeelusalem boot yok li etaamayi yata Iliili.

Kata Lom 15:19 Referencias Cruzadas

Máciya 12:28

Bale nokoomuu loon li búkaanum bata Buyinumabu bata Ateemit líkesoolume uyinumawu wajakutaawu, kama Jáyiiyaju jata Ateemit jíliiŋulo booluul.

Hulimahu Hásuumaahu loon Saŋ akiic homuu 4:48

Yéesu li aanool: — Bukuluul jijukutumuu búhiisenum li wah wájaahaleniye let jíyinen maayeet!

Bakaanelabu 1:8

Bale fan jibaj sembe nan Buyinumabu Banabaabu bommuu li búwalowul bubil bulako li bukuluul. No unnu, fan jilako bukan kalobe múmbaam ésukayi. Fan jilob múmbaam li ésukayi yata Yeelusalem, li etaamayi feh yata Súde li yata Samali, boot yok ban etaamayi ébanummuu.

Bakaanelabu 13:14

Muñeˈe li kújowum Feelus, kuhaaŋ boot li ésukayi yata Antiyok yata Fisidi. Li líiŋ li hunakahu hata húyiiyaayahu hata Kusuwifaku, li kunoken li eluufayi yata kal̥awaku kujow kubah.

Bakaanelabu 13:51

Fool li Balunabaas li kuhank buko kúl̥uba kafolaku kata kootaku kooliil min kúhiis kaanaku ésukayi inyu éjimumuu inti li buko bilumulo, ban li kujow boot Ikóniyom.

Bakaanelabu 14:10

Li alobool li sembe aanool: — Uyito ucol! Mal̥egen ánayinaawu li ayaan ayito háak, ban li átoŋ ajow.

Bakaanelabu 14:20

Bale nan káyinenumuu kubilumuu kúguutool, Fool li ayito ban li ajow anoken li ésukayi. Hunak hukaten, li anaboo li Balunabaas kujow boot Delubi.

Bakaanelabu 14:25

Li kuwaale Hulimahu hata Ateemit li ésukayi yan koonemuu Feelus kuban, li kújowum to boot li ésukayi yata Atali.

Bakaanelabu 14:6

Bale nan Fool buko li Balunabaas kuhaasumuu uyinoolawu wooliil, li kutey boot li sísukasu san koonemuu Lisit li Delib, sammuu li etaamayi yata Likawoni, li halaabahu hata bo.

Bakaanelabu 15:12

Muñeˈe ésukayi feh li elu min ejanten Balunabaas buko li Fool min kukitten wahawu feh wájaahalenimuu, li wajuulelutimuu wan Ateemit ákaanummuu li buko hákil bukanabuku kákaanumutumuu li Ateemit balewool.

Bakaanelabu 16:18

Jísungutaaju li jikaan mo jow baj kunak. Muñeˈe Fool huuñool li hulit, gay li átiiwowul aan buyinumabu bajakutumuu: — Leeni li kajaw kata Yéesu Kilisita, úfu’ li jísungutaaju unju! Mal̥egen buyinumabu bajakutumuu li buyaan búfu’ li jo.

Bakaanelabu 17:10

Nan tiyaane tijonumuu, káyinenumuu li Yéesu li kukaan Fool buko li Silaas.

Bakaanelabu 17:15

Bukanabuku kájowetummuu Fool li kujow li akila boot Ateen. Ban, li kúlaañumul bó boot Beele li kúheben ló kan Fool áhebenuliil kujow koon Silaas buko li Tímote, kukaan wahoowah min kujow cab kujowubenool.

Bakaanelabu 18:1

Fúlum tó, Fool li ájowum Ateen alo Koolent.

Bakaanelabu 18:19

Muñeˈe li kujow boot Efées kúliiŋ, Fool li akat to Filisila buko li Akilaas, min ajow anoken li eluufayi yata kal̥awaku.

Bakaanelabu 19:1

Nan Afolos alakomuu Koolent, Fool li ájowum li etaamayi ban kuyuuyaku kommuu, abil boot Efées. Alíiŋul li atook bó kúgoom kukee.

Bakaanelabu 20:20

Jihaase joon iyoloolutuul wahoowah waate uyili ulambenuul. Liwaalewuuwaale ban li iliikenuul wahawu feh hákil ésukayi feh, li híndo siluufasu sooluul.

Bakaanelabu 20:6

Alóli húmumoli li jíjufowum li ébato li ésukayi yata Fílib, kagaanaku kata kúmbuuluwaku kakaanutimuu élebiil ko babane. Li baj kunak hutok, li jinabeniil Tulowaas min jilako to esimen.

Kata Lom 15:13

Ateemit asenemuu kákangum, ajow akaanuul jibaj ésuumansuum yáamak, ban li akatuul kásuumaay káamak humum hata káyinenaku kooluul, mantee kákangumaku kooluul li kuluuk ŋáa’ li búkaanum bata sembaasu sata Buyinumabu Banabaabu.

Kata Lom 15:16

min ilako aloka ata Yéesu Kilisita boot li bukanabuku kaletumuu kusuwif. Lisenoolosenoolo boot kawaale Hulimahu Hásuumaahu hata Ateemit, mantee bukanabuku kaletumuu kusuwif li kulako loon esalah yásuume Ateemit, yan Buyinumabu Banabaabu bukaane enab.

Kata Lom 15:24

Lifañe min ibil nan emmuu li ilako li ijow boot li etaamayi yata Esifaañ, ibil ijukuul min ilako li bukuluul jatit min jilambenom, mantee li iyili ijow boot bo.

1 Kata Koolent 2:4

Ban kulimaku kúmbaam li bawaaleyelabu búmbaam bukaanuti li kulim kacole kata bújallo bata ál̥ahukowan, bale li búhiisenum bata sembaasu sata Buyinumabu bata Ateemit.

2 Kata Koolent 12:12

Wahawu wáhiisumuu kaanaku afootal leem, li bukuluul likaan wo. Wo wommuu: húmuñ sílaam sanoosan, búhiisenum, bakaane bájaahaleniye, li wah wájaahaleniye.

Kata Galasi 3:5

Ateemit asenuulumuu Buyinumabu boola ban li akaan wah wájaahaleniye li bukuluul, mantee lakankaan mo mata min jihankenumuu min jikaan loon eluwaayi elobumuu, mantee min jijamumuu ban li jíyinen Hulimahu Hásuumaahu?

Kata Kolos 1:25

Leenoseeno muñeˈe aloka ata Ejanguwayi, naboo li bulokabu ban Ateemit asenommuu kakaan boot li bukuluul: bo bommuu kawaale hulimahu hoola foof ho feh.

1 Kata Tesalonik 1:5

Mata Hulimahu Hásuumaahu han jiwaalewuulumuu, inti li kulim bale jiwaale ho booluul. Bale jiwaalewuuwaale ho foof li sembe li búlambenum bata Buyinumabu Banabaabu, ban li káyinen ló kaanaku Hulimahu unhu mal̥egen. Bukuluul jihaase buu áloli jiloŋumuu li bukuluul boot li majake mooluul.

2 Tímote 4:17

Bale Amaaŋenawu okila abetutom búsol, lalitenonliten, min jíwom li iyili iwaale hulimahu hoola, ban li ikaan ho kaletumuu kusuwif feh kalako tomuu kujam. Li butum éŋaŋ láfakenumulom!

Eébulo 2:4

Ateemit humumool li ájowum li búhiisenum, li bakaane babaje sembe, li wah wájaahaleniye min áhiis kaanaku kulimaku kan kulobumuu mal̥egen. Ateemit láhihhiis foof wahawu unwu min asenumuu bukan úji wata Buyinumabu Banabaabu loon afañumuu.

1 Fiyeel 1:12

Ateemit li áhiis kufulofetaku kaanaku hulimahu han aseniilumuu, inti boot li buko humumiil, bale boot li bukuluul. Hulimahu unhu ho bukanabuku kawaaleyemuu Hulimahu Hásuumaahu kulobewuulumuu muñeˈe. Kulobewuulob ho li búkaanum bata sembaasu sata Buyinumabu Banabaabu babilummuu li emitayi. Kumalakaabuku humumiil kufañeene min kuhaas hulimahu unhu.