Kata Lom 14:23 - Jola-Kasa

²³ Bale an áwooluwutumuu mutiñaay man áami li hutiñ, anawu ummu Ateemit latiibool aban, mata wahawu wan akaanumuu ubilumuloot li káyinen, ban bakaane banooban babilumuloot li káyinen, kahoofoo.

Kata Lom 14:23 Referencias Cruzadas

Kata Lom 13:2

Mó mújimuu an áhoogulumuu huhaane, láhooguuhoogul hul̥uulahu han Ateemit akaan tomuu. Bukanabuku kátuuleliitumuu kuhaanaaku fan kutiibi min kubaj katek.

Kata Lom 14:5

Akee fan ayinoo li aan kunak kukee kuhaŋe kaaku, aahu li ayinoo li aan kunakaku feh kulele keb. Anoowan laate átuk li wahawu wan ayinoomuu li aan ujaajak.

1 Kata Koolent 8:7

Bale inti bukanabuku feh kuhaase mal̥egenamu ummu. Kukee kafuleneenumuu li ejow bata kuteemitaku kaletumuu mal̥egen, boot síyaat kuloŋe li kutokoñ eliwayi inyu loon eenimuu eliw yata sínuukuleŋ sasilayi kuteemitaku umbuku kaletumuu mal̥egen. Uyinumawu wooliil úgootogooto, ban li kujokoolo loon bukan kasikowe li eliwayi inyu.

Eleetalayi yan Fool akiicumuu Tit 1:15

Wahoowah feh useeset boot li bukanabuku kanabumuu. Bale bukanabuku kasikomuu ban li kuhoy báyinen, boot li buko bajut wah wasete, mata butuukowabu booliil busikosiko, uyinumawu wooliil foof li usiko.

Eébulo 11:6

An ayilaat ásuum Ateemit okila babajut káyinen. Li mal̥egenamu, an afañumuu min aloh Ateemit, laate áyinen kaanaku Ateemit lababbaj, ban li ahaas aan lasuuhenesuuhen bukanabuku kammuu li huŋesahu hoola.