Kata Lom 14:22 - Jola-Kasa

²² Wahawu wan awu úyinenumuu li wo, uhahen wo boot li awu humumi hákil Ateemit. Awólo, anawu aatutumuu aan latilentilen li bamanabu boola!

Kata Lom 14:22 Referencias Cruzadas

Bakaanelabu 24:16

Mó mújimuu, li eeno nanoonan li kahanken min ikaan buyinumom jak hákil Ateemit li hákil bukanabuku.

Kata Lom 14:14

Lihaase, ban Amaaŋenawu Yéesu lakaanonkaan íyinen kaanaku bajut wah wáñeyiye hutiñ wo humum wo. Bale an ayinoomuu li aan wah waman úñeyiñeyi, manooman fan úñeyi boot li akila.

Kata Lom 14:2

Akee fan áyinen kaanaku layilo atiñ wahawu feh, aahu an káyinenaku koola kúgootomuu, li aan akila wah wáfulumulo li etool bale layilo atiñ.

Kata Lom 14:23

Bale an áwooluwutumuu mutiñaay man áami li hutiñ, anawu ummu Ateemit latiibool aban, mata wahawu wan akaanumuu ubilumuloot li káyinen, ban bakaane banooban babilumuloot li káyinen, kahoofoo.

Kata Lom 14:5

Akee fan ayinoo li aan kunak kukee kuhaŋe kaaku, aahu li ayinoo li aan kunakaku feh kulele keb. Anoowan laate átuk li wahawu wan ayinoomuu li aan ujaajak.

Kata Lom 2:1

Awu jatiibemuu li bukanabuku, oono min oono, ubajut bakooŋ banooban. Li mal̥egenamu, nan utiibumuu kaabuku awu humumi utiiboolowe, mata lukaanekaan wahawu wan buko kukaanemuu.

Kata Lom 7:15

Li mal̥egen ínaanumut wahawu wan ikaanemuu: wahawu wan ifañumuu, íyiliyeliit ikaan wo, ban li inaak ikaan wahawu wan ifañutumuu.

Kata Lom 7:24

Iyéno, ínje ál̥ahukowan! Ayimaa aate afakenom li eniilayi inye yammuu li éjowetumom li eket?

1 Kata Koolent 8:7

Bale inti bukanabuku feh kuhaase mal̥egenamu ummu. Kukee kafuleneenumuu li ejow bata kuteemitaku kaletumuu mal̥egen, boot síyaat kuloŋe li kutokoñ eliwayi inyu loon eenimuu eliw yata sínuukuleŋ sasilayi kuteemitaku umbuku kaletumuu mal̥egen. Uyinumawu wooliil úgootogooto, ban li kujokoolo loon bukan kasikowe li eliwayi inyu.

2 Kata Koolent 1:12

Wahawu wájimuu áloli li jisaloolo, wo wommuu mata búyinumoli búkaanolikaan jihaas kaanaku buloŋabu bóololi li adunaayi inye, háŋum hákiluul, bulakolako buloŋ banabe ban bata mal̥egen, babilumulo li Ateemit. Buloŋabu umbu bubilumuloot li bújallo bata ál̥ahukowan, bale li kájiyaku kata Ateemit bubilumulo.

Kata Galasi 6:1

Kutuyom, nokoomuu loon an li bukuluul kujoke akila li kakaan wah wajakut, bukuluul jan Buyinumabu bata Ateemit bucolenemuu, li jílaañenulool li bútin bacole, ban li jikaan mo li buyinum bájoobiye. Ban di úkaanum, jakum bil awu humumi foof ulo li jabuutoo.

Saak 3:13

Mantee baje li bukuluul an ájallowe ban li atuuko? Nokoomuu loon baje, kama anawu ummu laate áhiis bújallowabu boola, li butuukowabu boola li makaanelool majake, makaani li kabeben kabilumulo li bújallo.

1 Saŋ 3:21

Kufaalom, li bil nokoo loon buyinumabu boololaal boonutolaal ukaanutaal jak, li ubajaal kákangum hákil Ateemit.