Kata Lom 14:21 - Jola-Kasa

²¹ Wahawu wajakumuu, wo wommuu jakum ukaan wah waate úji atuyi li alo li kahoofoo: lako bútokoñ eliw, lako ehob bunuk, mantee foof wah ukee.

Kata Lom 14:21 Referencias Cruzadas

Máciya 13:21

Bale emmuu Hulimahu hubajut kuhaa’ li anawu ummu, nan sílaamasu síŋejulumuu, jálaatenaju foof li jíliiŋul mata Hulimahu húji, li ayaan akat bo káyinenaku koola.

Máciya 16:23

Bale nan Yéesu átiiwowulumuu li aan Fiyeel: — Ulóyiyom, Sayitaane. Awu ummu li káhilom íkaanum húfañumahu hata Ateemit. Mata uyinoolut loon Ateemit ayinoomuu, bale luyinooyinoo loon bukanabuku kuyinoomuu.

Kata Lom 14:13

Kama ukataal katiiboo; ban li jijuke to jakum bil jikaan wah waate úji atuyuul li ajonten, mantee foof li alo li kahoofoo.

Kata Lom 14:17

Li mal̥egenamu, Jáyiiyaju jata Ateemit jilakowut mata hutiñ li ehob, bale jilakolako mata macol, kásuumaay, li ésuumansuum. Wahawu unwu úhaaji Buyinumabu Banabaabu busene wo.

1 Kata Koolent 8:13

Wahawu unwu újimuu, kaanumuu loon eliw yan itiñe yóomi li éji atuyom li alo li kahoofoo, fan ikat kale bútokoñ eliw jakum íji atuyom li alo li kahoofoo.

1 Kata Koolent 8:9

Jiyilo jikaan wah wásuumuul, bale jijuke to, jakum bil bakaanelabu booluul búji bukanabuku kan káyinenaku kooliil kulitutumuu, li kulo li kahoofoo.

Kata Fílib 1:10

mantee li jiyili jihaas wahawu wajakumuu. Muñowu jommuu li jikaan li jilako bukan kajake kan an ayilaat alob majakut li bukuluul li hunakahu nan Kilisita ammuu li álaañul.

Eébulo 12:13

Jikaan útin wacole boot li kootaku kooluul, jakum bil anawu akajumuu ahaŋ makaj, bale min alako jak.

Búhiisenumabu 2:14

Bale baje wah wan eete iwatateni mata wo: lubaje booli bukan kanabe li kulimaku kata Balam, alobumuu Balak buu lammuu abuutoo kata Isilayeel min kutokoñ eliw yawaaseni, li buu kommuu kunaak kúfulo bo muñaˈa.