Kata Lom 11:20 - Jola-Kasa

²⁰ To mal̥egen. Waanawu unwu ufalenifalen mata ubajut káyinen, min awu óomi tan waanawu ulakoweenumuu humum hata káyinenaku kooli, bale jakum utebenoolo li kayinooli. Loote kama ubaj ekole.

Kata Lom 11:20 Referencias Cruzadas

Hulimahu Hásuumaahu loon Lík akiic homuu 18:14

Fan ilobuul, áyababuhalabu abajumuu hujamoo li Ateemit átowum ajow bóot, bale inti afaaliisiyeŋawu. Mata an atebenoolomuu, Ateemit fan awalenool, bale an awalenoolomuu, Ateemit fan atebenool.

Bakaanelabu 18:6

Bale Kusuwifaku li kuhoy kujam hulimahu hata Fool, min kunaak kugelool. Muñeˈe li ahank kafolaku kata wañawu woola aban li aaniil: — Jibanumuu li jíjim, li bukuluul bilume. Inti lí ínje. Ban muñeˈe boot min ijow bata kákaanumutumuu li Ateemit balewool.

Kata Lom 11:18

Mó mújimuu, jakum usaloolo hákil waanawu wafalenimuu. Nokoomuu loon boot min usaloolo, uwayil̥o oon let awu humumi utebe huhaalahu, bale huhaalahu hutebi.

Kata Lom 11:21

Ateemit, afanumuu afalen waanawu wata búwoliibiyaabu bal̥ukimuu wammuu kusuwifaku, layilo foof afaleni abeten awu jammuu jaan jata búwoliibiye bata li bujal.

Kata Lom 12:16

Jijokoo jile keb. Jakum jikaan bukan kayilo háamaketo, bale jiŋa’ uyinumuul jikaan li wah walewoo to. Jakum jijokoolo bukan kájallowe.

Kata Lom 12:3

Boot min ilobuul humum hata kájiyaku kan Ateemit asenommuu eenuul: Jakum an li bukuluul atebenoolo ajow áliiŋ tan áliiŋut, bale jiwalenoolo li mayineluul, naboo li buu Ateemit aliikumuu káyinenaku kan asenuulumuu kule.

Kata Lom 3:3

Muñeˈe waa? Mantee min kukee li Kusuwifaku kul̥egenutumuu li káyinenaku kooliil, mo mommuu li múji Ateemit li ál̥egenaati li kulimaku kan alobumuu?

1 Kata Koolent 10:12

Mó mújimuu an ayinomuu li aan layitoyito, laate ákaanum jakum bil alo.

1 Kata Koolent 15:1

Kutuyom, lifañe min iwayil̥enuul Hulimahu Hásuumaahu han iwaalewuulumuu. Jiyayyab ho ban foof li jítuk ho lit.

1 Kata Koolent 16:13

Jijuke to, jítuk lit li káyinenaku kooluul. Jíyanki, jibaj sembe.

2 Kata Koolent 1:24

Alóli jilet li huŋes min jituuŋuul min jíyinen li wahawu wan áloli jifañumuu min bukuluul jíyinen li wo, mata káyinenaku kooluul kuliilit, bale jifañe min jílokum dín dáno li bukuluul boot li ésuumahukow yooluul.

2 Kata Koolent 10:5

li wahoowah feh wata katebenoolo wayilo úhi an áhaasum Ateemit. Alóli fan jijok kayinoo kanookan jijenk, min jikaan ko kútuul Kilisita.

Kata Fílib 2:12

Kutuyom kan iboolaat, wahawu unwu újimuu, loon jifiyomuu li jilako bukan kátuulom, muñeˈe jinaak jihaŋ mátuul, ban jakum lako ínje to bale, bale háŋum ínje balet to. Jilok li ekole li kateelen ló, mantee kafakaku kooluul li kujuki.

Kata Kolos 2:7

Jiya kuhaa’ kalite li akila, ban li jánkum li akila, min jihaŋ malit li káyinenaku kooluul loon kuliikenuulumuu. Jinaak jisal Ateemit ŋáa’.

2 Kata Tesalonik 2:4

Fan áhi’ bukanabuku kúmanenum wahoowah feh wan kumanenemuu, li ahoy foof wahawu wan kujokumuu loon ateemit. Fan ajokoolo ahaŋ wahawu unwu feh, ban fan akaañen ajow abah li eluufayi yata Ateemit, min aan akila humumool ammuu Ateemit.

1 Tímote 6:17

Ulob bukanabuku kammuu kusaanum li adunaayi unye ooniil jakum kutebenoolo, ban jakum foof kúkangum li hubajahu unhu haatutumuu hufiyo, bale kúkangum li Ateemit asenewolaalumuu wahoowah feh ŋáa’ mantee li úbajumaal li wo kásuumaay.

Eébulo 3:12

Kutuyom, jijuke to jakum bil an li bukuluul abaj buyinum baŋooto, báyinenut, baate bukaanool min abet búsol Ateemit aloŋumuu.

Eébulo 3:19

Ban lujukaale li mal̥egen kaanaku kubilut kuyili kunoken dó humum hata káyinenaatiyaku kooliil.

Eébulo 4:11

Mó mújimuu, lootaale kama ukaanaal wahoowah min ubajaal kayool̥owaku unku, jakum bil an li alolaal alo, okila banabe li bukittenoolumabu bata bukanabuku kátuulutumuu Ateemit.

Eébulo 4:6

Bukanabuku kajandumuu kujam Hulimahu Hásuumaahu, kunokenut li etaamayi dán Ateemit alobumuu kakaaniil kuyool̥o, mata kútuulutool. Bale boot yok muñeˈe, baje kukee kayilo kunoken dán Ateemit afaleyiilumuu kayool̥o.

Saak 2:19

Inti lúyinenyinen kaanaku Ateemit ano bale abaje? Lukooŋe. Bale uhaas oon uyinumawu wajakutumuu foof úyinenyinen kaanaku Ateemit ano bale abaje, ban li unaak uteelen.

Saak 4:6

Bale Ateemit li amit asenolaal káji káamak, mata Bakiicelabu bonsoon: «Ateemit lahoohoy bukanabuku katebenoolomuu, min ásuum li kawalenoolomuu.»

1 Fiyeel 1:17

Emmuu jilakomuu kal̥aw li jihooñ Ateemit «Faafa», atiibemuu bukanabuku feh bajukelut li buul, naboo li wahawu wan anoowan akaanumuu, kama joote jiloŋ li ekole ló nan jommee baabe li etaam loon ejawoola.

1 Fiyeel 5:12

Kulimaku unke kan ikiiculuumee itogen, Silaas alambenom ikiic ko. Lijokoojok loon atuyaay al̥egene li káyinenaku. Likiiculuukiic boot min iwankulenuul ban li íhiisuul kaanaku, bukuluul li kájiyaku kata mal̥egen kata Ateemit jijokumuu lit.

1 Fiyeel 5:9

Jilaal̥owool ban li jítuk lit li káyinenaku, min jiwayil̥o joon kutuyuul kammuu tanootan li etaamayi, sílaamasu sanolasu kooke.

Búhiisenumabu 18:7

Loon lafañumuu ŋáa’ kasaloolo, li buloŋ li hubaj, mo foof jommuu jílaamenool, ban li jikaanool ajuk búyiik. Mata yonsoon li buyinum yo: “Libabbah taate loon áyii anaale, ilet anaale ahoke áyinool, ban let ibil ibaj ñikul maayeet.”

Búhiisenumabu 3:17

Mata loonesoon: “Likankaan usaanum, ínje an abaje, ban igayut wahoowah.” Ban uhaasut oon awu asukateen, li úyiyeni ban li ugay, lí úfuum ban ukokowut!