Kata Kolos 3:1 - Jola-Kasa

¹ Emmuu Kilisita layitowuuyitowul li eketayi li bukuluul ló, kama jiŋes wahawu wammuu haatiya dán Kilisita áamimuu mabahe kaŋen kúli Ateemit.

Kata Kolos 3:1 Referencias Cruzadas

Máciya 22:44

«Amaaŋenawu Ateemit lansaan Amaaŋenawu úmbaam: “Ubil ubah kaŋenom kúli boot yok nan emmuu iŋa’ kulatoolayi ikaani úkakul”.»

Máciya 26:64

Yéesu li aanool: — Lúlobulo mo awu humumi. Bale fan eenuul: Kítum muñeˈe, fan jijuk Añool-An mabahe kaŋen káli kata Ateemit ata sembe, li abilumul li ufaalawu wata haatiya emitayi.

Máciya 6:20

Bale jiŋes min jibaj ebaj boot li bukuluul híndo emitayi, dán bulolabu li búkolabu buyilaatumuu bukajen wah, li dán ékuuwayi eyilaatumuu élu kuteefaku min ékuwet wah.

Máciya 6:33

Jijand jiyinoo mata Jáyiiyaju jata Ateemit ban li jiloŋ loon afañumuu, wah waawu feh fan asenuul wo afamen to.

Maak 12:36

Dayit humumool lansaan li búkaanum bata Buyinumabu Banabaabu: «Amaaŋenawu Ateemit lansaan Amaaŋenawu úmbaam: “Ubil ubah kaŋenom kúli, boot yok nan emmuu iŋa’ kulatoolayi ikaani úkakul.”»

Maak 14:62

Yéesu li aanool: — Eéhe’, ínje emmuu Afakenaawu. Ban fan jibil jijuk Añool-An mabahe kaŋen kúli Ateemit ata Sembe, li abil li ufaalawu wata emitayi.

Maak 16:19

Nan Amaaŋenawu Yéesu alobiilumuu kulimaku unku aban, Ateemit li aŋalool ájowetum boot li emitayi, ajow akaanool abah kaŋenool kúli.

Hulimahu Hásuumaahu loon Lík akiic homuu 12:33

Jíjula wahawu wan jibajumuu, min jisen sídalamasu kusukateenaku. Jikaan boot li bukuluul humumuul, ul̥aac wata kakaan sídalam waatut ubil uneg. Jijoojen ebajayi yooluul boot li emitayi dán yootutumuu ebil éyaakulo, dán ákuu ayilaatumuu ajow, li dán bulolabu buyilaat yomuu bukajen.

Hulimahu Hásuumaahu loon Lík akiic homuu 20:42

Mata Dayit humumool lansaan li éliibalayi yata Ukijenawu: «Amaaŋenawu Ateemit lansaan Amaaŋenawu úmbaam: “Ubil ubah kaŋenom kúli,

Hulimahu Hásuumaahu loon Lík akiic homuu 22:69

Bale kítum muñeˈe, Añool-An fan ajow abah kaŋen káli Ateemit ata sembe.

Bakaanelabu 2:34

Mata Dayit humumool ajowut boot haatiya emitayi. Bale lansaan: “Amaaŋenawu Ateemit lansaan Amaaŋenawu úmbaam: Ubil ubah kaŋenom kúli,

Bakaanelabu 7:55

Bale Ecen Buyinumabu Banabaabu li bumeeŋenool. Li ateb kúkilool haatiya emitayi, li ajuk máyiineniyamu mata Ateemit, li Yéesu mayitowe kaŋen kúli Ateemit.

Kata Lom 8:34

Ayimaa ayilo atiibiil min abetiil li katek? Maayeet ano! Yéesu Kilisita okila aketumuu, ban aketut bale, layitowuuyitowul li eketayi, ban muñeˈe ummu kaŋen káli kata Ateemit, min anaak al̥aw boot li alolaal.

Kata Lom 8:6

Kayinoo mata kásiibowaku kata eniilayi, kumukemuk; bale kayinoo mata wahawu wan Buyinumabu Banabaabu bufañumuu, kusenesen buloŋ li kásuumaay.

2 Kata Koolent 4:18

Mata alolaal uŋalutaal sítiijolaal feh ukaanaal li wahawu wajukeyimuu, bale li wájukeliitimuu lukaanaal so. Li mal̥egenamu, wahawu wajukeyimuu úfiyoweliit, bale wájukeliitimuu woonosoono to boot nanoonan.

Kata Efées 4:10

Akila áwalowulomuu boot baabe li etaam, akila anolawu ajowumuu foof boot haatiya tiya emitayi, mantee li alako tanootan.

Kata Efées 5:22

Kanaalaabuku koote kútuul kúyiniil loon kútuulumuu Amaaŋenawu.

Kata Kolos 2:20

Kaanumuu loon bukuluul jiketooketoo li Kilisita, min jífu’ li makaanelamu mata uyinumawu wata adunaayi, wáa lí újiwuul li jinaak jiloŋ loon eenimuu li kuŋen adunaayi joom? Wáa újiye li jinaak jikaan loon adunaayi elobumuu:

Kata Kolos 3:2

Jiŋa’ uyinumuul feh jikaan li wahawu wammuu haatiya, jakum jiyinoo wammuu li etaamayi.

Eébulo 1:13

Ateemit ámusut aan akee li kumalakaaku koola: «Ubil ubah kaŋenom kúli, boot yok nan emmuu li ikaani kulatoolayi úkakul.»

Eébulo 1:3

Kaleñaku kata máyiineniyamu mata Ateemit li Añiilawu ummu koom. Li akila bóonowabu bata Ateemit bujukimuu. Hulimahu hoola habajaahu sembe laŋale min afeb adunaayi. Nan ágiilenumuu bukanabuku li uhoofoolawu wooliil aban, li ajow abah haatiya tiya emitayi kaŋen kúli Ateemit abajaawu sembe.

Eébulo 10:12

Bale Kilisita, okila kasila kano bale lakaane boot li uhoofoolawu, ban li abah kaŋen kúli Ateemit boot nanoonan.

Eébulo 12:2

Uŋalaal sítiijolaal feh ukaanaal li Yéesu, ájimuu li ubajaal káyinen ban li ajow li ko boot to. Lakaakat bo ésuumansuumayi yan áatimuu abaj, min aan éehe’ min aket li ekuluwaayi bajukelut li ñisuuwañu ñáamimuu li eket loon inyu. Muñeˈe okila ummu min abahe kaŋen kúli efenjeŋayi yata jáyiiyaju jata Ateemit.

Eébulo 8:1

Hulimahu hahaŋumuu kaaku feh kalobimuu, ho hommuu unhe: lubajaale álamba áamak loon ummu. Lababbah li emitayi kaŋen káli efenjeŋayi yata jáyiiyaju jata Ateemit.

1 Fiyeel 3:22

Kilisita lajowujow boot li emitayi ajow aano kaŋen kúli kata Ateemit, min áaki li kuŋenool kumalakaaku, kuhaanaaku li sembe sanoosan feh.