Kata Kolos 1:10 - Jola-Kasa

¹⁰ Alóli jil̥awel̥aw loon muñaˈa mantee bukuluul li jiloŋ loon Amaaŋenawu afañumuu, ban li jinaak jikaan nanoonan wahawu wásuumoolumuu. Bakaane banooban bajake bujow bujuki li buloŋabu booluul, ban li jinaak jihaŋ mahaas Ateemit jiyinno bo.

Kata Kolos 1:10 Referencias Cruzadas

Hulimahu Hásuumaahu loon Saŋ akiic homuu 15:16

Let bukuluul jil̥usom, bale ínje il̥usuul. Ban ínje ikaanuul to, mata min jijow min jibaj ebukoolum, ebukoolum yáami li efiyo to, bájum wahoowah wan jommuu li jil̥aw Atuubawom li kajawaku kúmbaam, li asenuul wo.

Hulimahu Hásuumaahu loon Saŋ akiic homuu 15:8

Máyiineniyamu mata Atuubawom fan mujuki, bukuluul babaje ebukoolum yameeŋe, min jíhiis kaanaku bukuluul kúgoom kúmbaam joom.

Hulimahu Hásuumaahu loon Saŋ akiic homuu 17:3

Buloŋabu bábaneliitumuu bo bommuu, min kuhaasi awu áamimuu Ateemit anolawu ata mal̥egen, li kuhaas foof Yéesu Kilisita an uboñulomuu.

Kata Lom 1:13

Kutuyom, lifañe min jihaas kaanaku lilobeene ñameeŋe ebil booluul, bale boot yok muñeˈe bajebaj wah wáhilewommuu ibilum. Lifañe min bulokabu búmbaam bújiwuul li jank li káyinenaku kooluul li Yéesu Kilisita, loon foof bújimuu bukan kaabuku kaletumuu kusuwif li kúyinen li akila.

Kata Lom 4:12

Abulaham li áami foof atuubaawu ata bukanabuku kateyumuu búkut, kátijutumuu bale li min kuteyimuu búkut, bale li min kunabumuu li kootaku kata atuubawolaal Abulaham áyinenumuu tówum atey búkut.

Kata Lom 6:4

Mó mújimuu, kábatiisaaku kan úbatiiseyaalimuu, nokoonokoo loon luketaaket min uhokoolaali li akila, bájum loon Ateemit Atuubaawu ayitenumulomuu Kilisita li eketayi li búkaanum bata sembaasu sáyiineniyaasu, alolaal foof li akaanolaal uloŋaal buloŋ bawunkul.

2 Kata Koolent 2:14

Ateemit ajow asali, okila aŋalewolaamuu nanoonan unabaal li húmimahu hata kaheekaku kata Kilisita. Ban li ájowum li alolaal min akaan bukanabuku kuhaas Kilisita tanootan, loon eheeñ yan kaciiŋaku kata yo kuyiisi kuban tanootan.

2 Kata Koolent 4:6

Li mal̥egenamu, Ateemit aanumuu: «Mawuŋaamu mujow muwuŋen li élimayi!», okila humumool ahiitenumuu uyinumawu wóololi, min ákaanoli jihaas kaleñaku kata máyiineniyamu moola li buulabu bata Kilisita.

2 Kata Koolent 5:9

Wahawu unwu újimuu foof, oonowaal li eniilayi inye mantee foof li úfulaal li yo, wahawu wan ufañaalumuu bale, wo wommuu min ukaanaalool súum.

2 Kata Koolent 9:8

Ateemit layilo asenuul wahoowah feh wajake, bájum li jibaj nanoonan wahawu feh wan jokuulumuu li wo, ban fan jibaj jifamen to wahawu wan jommuu jinaak jiŋa’ min jikaan wah feh wajake.

Kata Efées 1:17

Injé ummu min il̥awemuu Atuubaawu áyiineniyaawu ammuu Ateemitawu ata Amaaŋenawu oololaal Yéesu Kilisita, min ásenumuul bújallo li Buyinumabu ban li áhiisuul akila ammuu ayi, bájum li jiyili jihaasool jak.

Kata Efées 2:10

Li mal̥egenamu, Ateemit akaanolaal loon oomaalumuu, lakaanolaakaan búwuwenum buwunkul li hujokoolahu hoololaal li Yéesu Kilisita boot kakaan wah wajake, wan afimmuu min afaleˈe akat to, bájum li ukaanaal wo.

Kata Efées 4:1

Injé jammee li hukul̥ humum hata Amaaŋenawu, ínje ummu li kawankulenuul min jiloŋ buloŋ batooke kahooñaku kan Ateemit ahooñuulumuu.

Kata Efées 4:13

Muñowu emmuu li kaan boot yok nan oomaalumuu li ujokoolaal jak foofolaal feh loon an ano, jówum li káyinenaku koololaal, li kahaasaku kan uhaasaalumuu Añiilawu ata Ateemit. Fan ulakowaal bukan kanke jak jow yok unokoolaal loon Kilisita anokoomuu.

Kata Efées 5:10

Jiŋes min jihaas wahawu wásuumumuu Amaaŋenawu.

Kata Efées 5:15

Kama joote jíkaanum buu jiloŋemuu eeno. Jakum jiloŋ loon bukan kahaasut wahoowah, bale jiloŋ loon bukan kájallowe.

Kata Efées 5:2

Jiloŋ buloŋ bata húbooli loon Kilisita ábooliwolaamuu, ayok asen buloŋool boot li alolaal. Lasensen buloŋabu boola loon kasila, búsimen básuume Ateemit.

Kata Fílib 1:11

Muñowu Yéesu Kilisita ájiwummuu buloŋabu booluul li bumeeŋ bakaane bacole, boot li máyiineniyamu li kasalaku kata Ateemit.

Kata Fílib 1:27

Bale lil̥awuul min jiloŋ hákil ésukayi feh loon Hulimahu Hásuumaahu hata Kilisita hulobumuu, mantee ibilumuu bóoluuloo li íbilaatiwoo, li ijam mooluul kaanaku jítuutuk lit, ban li jibaj kayinoo kano, min jikaan uyinumuul tin tano min jitaj mantee bukanabuku kujamumuu Hulimahu Hásuumaahu li kúyinen.

Kata Fílib 4:18

Liyabe wahawu wan jíboñulommuu feh, uhaha boot lí ínje. Muñeˈe nan Efáfulodit asenommuu wahawu wan jíboñuloomuu lí ínje, laañut jokom li wahoowah. Wahawu feh wan jíboñulumuu unokoonokoo loon esalah yásuume ŋáa’, yan Ateemit ayabe ban li ésuumool.

Kata Kolos 2:19

Kujokut li Kilisita ammuu húkowahu hata Ejanguwayi. Li mal̥egenamu, Kilisita ájimuu eniilayi foof yo feh li ékuumeni, ban li éjokoolum li síŋullumasu sata yo li kuŋawaku foof kata yo, min yank loon Ateemit afañumuu.

Kata Kolos 2:6

Emmuu jiyayyab Yéesu Kilisita loon Amaaŋenawu ooluul, kama jikatool min acolen buloŋabu booluul.

Kata Kolos 3:20

Bañiilabe, jítuul sibukoolawuul li wahoowah feh, mata wahawu unwu Amaaŋenawu afañumuu.

Kata Kolos 4:5

Jiloŋ li bújallo ló hákil bukanabuku káyinenutumuu li Kilisita. Nanoonan nan jiyilo jikaan majake, li jikaan mo.

1 Kata Tesalonik 2:12

Jiwankulenuuwankulen ban li jítintimbenuul, ban jikatut kaanuul jiloŋ loon Ateemit afañumuu, akila jáhooñuluumuu boot li Jáyiiyaju joola min máyiineniyamu moola mulako mooluul.

1 Kata Tesalonik 4:1

Mo emmuu, bukuluul kutuyom, li áloli jiliikenummuu buu jommuu li jiloŋ min súum Ateemit. Ban li mal̥egen, mo foof jommuu li buloŋ. Bale muñeˈe jil̥awuul ban li jiyaakooluul li kajawaku kata Amaaŋenawu Yéesu: jiloŋ haŋ majak min jilobuulumuu.

2 Tímote 2:4

Asollaali aloŋe li saluwiis, afañumuu min akaan anahaanawu oola súum, let aloŋ loon an alet li saluwiis.

Eleetalayi yan Fool akiicumuu Tit 3:1

Uwayil̥en bukanabuku feh ooniil koote kuwalenoolo hákil kunahaanaku kaakumuu etaamayi, li kaakumuu kuhaanaaku, ban li kunaak kútuuliil, ban li kunaak foof kukaan majake manooman.

Eleetalayi yan Fool akiicumuu Tit 3:14

Bukanabuku koololaal koote kuhanken min kuliiken kakaan wah wajake, boot bil kalambenoo li wah wan jokolaal li wo ŋáa’, jakum bil kubaj buloŋ babajut jáliŋ.

Eébulo 11:5

Káyinen kújimuu Enok li ájowetumi boot li emitayi, jakum bil ahaas mata eket. An alaañenut ajukool mata Ateemit laŋalooŋa’ boot boola. Li mal̥egenamu, Bakiicelabu bonsoon Enok lásunsuum Ateemit tówum ájowetumi boot li emitayi.

Eébulo 13:16

Jakum jimojen kakaan majake, li kalambenoo, mata kasila loon unku kúsuumumuu Ateemit.

Eébulo 13:21

Ateemit ajow akaanuul min jiyili jikaan wahoowah feh wajake, mantee li jikaan loon afañumuu. Ajow ájowum li Yéesu Kilisita akilimuu máyiineniyamu boot nanoonan, min akaan li ololaal wahawu wásuumoolumuu. Aameen!

2 Fiyeel 1:8

Li mal̥egenamu, wahawu unwu wajakumuu wo jóotimuu jibaj. Jibaj womuu ŋáa’, fan ukaanuul min jinaak jilok ban li jiyili jihaŋ mahaas Amaaŋenawu oololaal Yéesu Kilisita.

2 Fiyeel 3:18

Jihaŋ naak mank jiyinno bo li kájiyaku li kahaasaku kan jihaasumuu Amaaŋenawu, Afakenaawu oololaal Yéesu Kilisita. Máyiineniyamu mujow mulako moola muñeˈe ban boot nanoonan! Aameen.

1 Saŋ 3:22

Ateemit fan asenolaal wahawu feh wan ommuu ul̥awaalool, mata lukaanaakaan loon siluwaasu soola silobumuu, ban li ukaanaal wahawu wásuumoolumuu.

1 Saŋ 5:20

Luhaasaale oonaal Añiilawu ata Ateemit labiibil, ban li asenolaal butuuko min uhaasaal Ateemit ata mal̥egen. Li Añoolool Yéesu Kilisita lúbajumaamuu hujamoo li Ateemit ata mal̥egen. Añiilawu ummu akila humumool ammuu Ateemitawu ata mal̥egenamu, akila ammuu buloŋabu bábanelitumuu.

3 Saŋ 1:6

Kulollob mata húbooliyahu hooli hákil ejanguwayi feh. Fan jak ŋáa’ awu balambeneliil li kañaahoolaku kooliil, kalamben kásuume Ateemit.