Kata Galasi 4:3 - Jola-Kasa

³ Ololaal foof, mo manolamu. Nan ulakowaalumuu bañiil, emiikeel lulakowaale yata wahawu wata adunaayi.

Kata Galasi 4:3 Referencias Cruzadas

Máciya 11:28

«Jibil búmbaam, bukuluul feh jayokumuu ban li jíl̥iiten, min iyool̥enuul.

Hulimahu Hásuumaahu loon Saŋ akiic homuu 8:31

Muñeˈe Yéesu li aan Kusuwifaku káyinenumuu li akila: — Jinabumuu li kulimaku kan ilobuulumuu, joonosoono li mal̥egen kúgoomaku kúmbaam.

Bakaanelabu 15:10

Kama muñeˈe waa wommuu li úji li jifañ jiyoob Ateemit, li bútebabu ban jifañumuu jikaan káyinenumuu kugalo, ban situubawolaal sihaan li alolaal humumolaal uyilaataamuu utebaal?

Kata Lom 7:14

Li mal̥egenamu, luhaasaale kaanaku eluwaayi li Buyinumabu bata Ateemit ebilumulo, ban ínje léemi an ágootowe, an áami amiikeel ata kahoofoolaku.

Kata Lom 8:15

Buyinumabu ban Ateemit asenuulumuu, bukaanutuul jilako emiikeel yaloŋe li ebaj ekole, bale bukaanuukaan jilako bañiil bata Ateemit, ban li bújiwolaal li uyiliyaal ulobaal butiya oonaal: «Abba, Faafa!»

2 Kata Koolent 11:20

Li mal̥egenamu, bukuluul jonsoon éehe’ min bukan kukaanuul emiikeel, min kutiñ wahawu wooluul, min kúkuwet wahawu wooluul feh, min kubesuul, min kutekuul siheejen.

Kata Galasi 2:4

maayeet min kite bajumuu kutuyolaal kakaane loon kúyinenyinen kabuuyulo kubil kúginnoo li ololaal, ban li kufañeen min kuteyenool búkut. Bukanabuku umbuku kúnokenulonoken li huwoogahu hoololaal boot min kuhaas huwayinaŋenoolahu han úbajumaalumuu li Yéesu Kilisita, bájum li kulaañenolaal li humiikeeletowahu hammuu li eluwaayi.

Kata Galasi 3:19

Kama wáa újiye eluwaayi li ebaj? Eluwaayi efamenifamen to humum hata uhoofoolawu. Ban yoote elako to boot yok nan anawu ammuu li abuki li kalandaku kata Abulaham ammuu li abil, an Ateemit alobumuu kasenaku kata wahawu. Eluwaayi inyu Ateemit asen yo kumalaka kusen Móyiis boot li bukanabuku.

Kata Galasi 4:2

Bale laate átuul bukanabuku kammuu kookenool li kaakumuu wahawu woola, boot yok nan taŋayi yan atuubawool asenumuu yommuu li éliiŋ.

Kata Galasi 4:24

Kulimaku unku kuyilo kujoki loon bukittenoolum, mata kanaalaabuku kúl̥ubaaku kulakolako kúfaalum hakee li kúl̥ubaaku li Huyuuyahu han koonemuu Sinaay hújokumi, ban li hubukoo bañiil bata humiikeeleto. Húfaalumahu unhu ho hommuu Agaal.

Kata Galasi 4:25

Agaal akila ayilimuu akittenoolumi li Huyuuyahu hata Sinaay hammuu li etaamayi yata Aalabi. Akila ayilimuu foof akittenoolumi li Yeelusalem yata muñeˈe, mata akila ummu li humiikeeleto li kuñoolool ló.

Kata Galasi 4:31

Kutuyom, wahawu unwu újimuu alolaal uletaal bañiil bata amiikeelawu anaalaawu, bale bañiil bata anaalaawu aletumuu amiikeel loomaal.

Kata Galasi 4:8

Naanaŋ, nan bukuluul jihaasutumuu Ateemit, jilakowenlako kumiikeel kata kuteemit kalet mal̥egen.

Kata Galasi 4:9

Bale muñeˈe nan jihaasumuu Ateemit — booteen min een muñeˈe nan Ateemit ahaasuulumuu — buu jiyilo jimit jilaañ li múkaaniinamu ummu mabajutumuu jáliiŋ yanooyan? Waa, jifañe min jilaañen jilako emiikeel yata wahawu unwumaa?

Kata Kolos 2:20

Kaanumuu loon bukuluul jiketooketoo li Kilisita, min jífu’ li makaanelamu mata uyinumawu wata adunaayi, wáa lí újiwuul li jinaak jiloŋ loon eenimuu li kuŋen adunaayi joom? Wáa újiye li jinaak jikaan loon adunaayi elobumuu:

Kata Kolos 2:8

Jíkaanum jakum bil an abuutumuul li Sihekej. Laalu émalimiñ yabilumulo li bújallo bata ál̥ahukowan, li sembaasu sata uyinumawu wajakutaawu wammuu li adunaayi, bale inti li Kilisita ebilumulo.

Eébulo 5:12

Li mal̥egenamu, fiyowe nan bukuluul jooteen jilako kuliikena bukan wah, bale bukuluul loŋe li jokuul min an alaañen aliikenuul wahawu útinaalawu wata kulimaku kata Ateemit. Muñeˈe tan bukuluul jommuu, jokutuul li búkuumenuma bal̥aal̥e, bale miil jokuul li mo.

Eébulo 7:16

Inti li eluwaayi mantee foof li kaŋoon kata an láamum álamba, bale li sembe sata buloŋ bayilaat buban láamum álamba.