Kata Fílib 3:19 - Jola-Kasa

¹⁹ Bukanabuku umbuku fan kubil kújim, mata kalaku kooliil kommuu ateemitawu ooliil. Kujoojok wahawu waateenumuu ukaaniil ñisuu loon kasal kooliil, ban li kunaak kuyinoo mata wahawu wata adunaaye bale.

Kata Fílib 3:19 Referencias Cruzadas

Máciya 16:23

Bale nan Yéesu átiiwowulumuu li aan Fiyeel: — Ulóyiyom, Sayitaane. Awu ummu li káhilom íkaanum húfañumahu hata Ateemit. Mata uyinoolut loon Ateemit ayinoomuu, bale luyinooyinoo loon bukanabuku kuyinoomuu.

Máciya 25:41

«Fúlum tómuu, áyiiyawu fan abil aan bukanabuku kammuu kaŋenool kamay: “Jíloyiyom, bukuluul jan Ateemit ajokumuu bukan kajakut! Jijow li sambunasu sáhokoweliitumuu, sakaanimuu boot li Sayitaane li kumalakaaku koola!

Hulimahu Hásuumaahu loon Lík akiic homuu 12:19

Ban fan inaak een li buyinumom: «Cóoj, áyine, lubaje ebaj yáamak yaate elako to simit sameeŋe. Muñeˈe uyool̥o, min utiñ, li uhob min ubaj ésuumahukow.»

Hulimahu Hásuumaahu loon Lík akiic homuu 16:19

— Bile baj ánayine akee abaje anaake akaano wañawu wahaŋumuu máyiki li wahaŋumuu maseel, ban hunakoohunak li akaan kagaan káamak kásuume.

Hulimahu Hásuumaahu loon Lík akiic homuu 18:4

Atiibaawu li afan anaak ahoy bakaan wahawu wan anaalaawu aloboolumuu jow fiyo, li aan li buyinumool: «Maayeet min íkoliwutumuu Ateemit ban isuuwut an,

Kata Lom 16:18

Bukan loon buko kulet li bulok boot li Kilisita ammuu Amaaŋenawu oololaal, bale boot li kalaku kooliil. Fan kunaak kuŋa’ kulim katiñowe, li balobe básuume min kubunt bukanabuku kahaasutumuu wahoowah.

Kata Lom 6:21

Waa jibaj to li wahawu wan jikaanumuu wájiwuulumuu li baj muñeˈe ñisuu? Húbanumahu hata bakaanelabu umbu, ho hommuu eketayi.

1 Kata Koolent 3:3

Mata jiloŋe li jiloŋ loon bukanabuku kata adunaayi inye kuloŋemuu. Emmuu li mal̥egenamu babbaj li bukuluul batii li úmuy, inti wahawu unwu úhihhiis kaanaku bukuluul bukan kata adunaayi inye joom? Ban inti jilonloŋ loon bukanabuku kuloŋemuu?

1 Kata Koolent 5:2

Buyina booteene bujokuul, min jikesoo anawu ummu ákaanikoomuu áfu’ li bukuluul, bale jikaanut mo min bukuluul jinaak jiteben ubanduul.

1 Kata Koolent 5:6

Min jitebenemuu ubanduul loon muñaˈa, jakut maayeet! Kama jihaasut kaanaku: «Jílebiil jatit jíkaakenemuu efolayi feh yasiiwimuu.»

2 Kata Koolent 11:12

Wahawu wan ikaanumuu, fan inaak ikaan wo foof, jakum bil isen bútin bukanabuku umbuku kammuu li huŋesahu hata bo min kusaloolo mata min kuloke loon áloli jilokemuu.

2 Kata Koolent 11:15

Mó mújimuu, jáahaleniwut min kulokaabuku kata Sayitaane kukaan loon kuloka koom kakaane wahawu wacolumuu hákil Ateemit. Bale buloŋabu booliil fan buban ŋóoti naboo li bulokabu ban kukaanumuu bajakutumuu.

Kata Galasi 6:13

Bukanabuku umbuku kateyemuu búkut, buko humumiil kúkaaneliit loon eluwaayi elobumuu. Kufañe min kukaanuul jitey búkut mantee li kújowum tó kusaloolo mata min kújiwuulumuu li jitey búkut.

Kata Fílib 2:21

Kaabuku feh mooliil bale kuyinoole, kuyinoolut mata Yéesu Kilisita.

Kata Kolos 3:2

Jiŋa’ uyinumuul feh jikaan li wahawu wammuu haatiya, jakum jiyinoo wammuu li etaamayi.

2 Kata Tesalonik 1:9

Katekaku kan bukanabuku umbu kommuu li kubaj, ko kommuu sílaam boot nanoonan, lóyi Amaaŋenawu li sembaasu soola sáyiineniyaasu.

2 Kata Tesalonik 2:12

Mó mújimuu Ateemit fan atek bukanabuku feh káyinenutumuu li mal̥egenamu, ban li kunaak kubaj ésuumansuum li kakaan majakut.

2 Kata Tesalonik 2:8

Muñeˈe, anawu ummu átuulutumuu Ateemit fan áfulul, ban Amaaŋenawu Yéesu fan amukumool li huhuufenahu hata butumabu boola, ban li aniilenumool li máyiineniyamu moola nan ammuu li álaañul.

1 Tímote 6:5

búceeŋoolabu bábaneliitumuu bata bukanabuku kata uyinumawu wacolutumuu, kahaasutumuu mal̥egen. Kuyinooyinoo li koon kátuul Ateemit senesen hubaj.

2 Tímote 3:4

Fan kúhoolo, li kuhi’ li kawuñet ban li kukat katebenoolowaku min kúfuumeniil. Fan kufañ másuume min kuhoy Ateemit.

Saak 4:16

Bale muñeˈe li jinaak jitebenoolo li kasaloolowaku kan jommuu li ko. Jihaas joon kasaloolo loon muñowu, kujakut maayeet.

2 Fiyeel 2:1

Babbaj no li bukanabuku kata Isilayeel, bukan kámale koon kufulofet koom. Fan baj foof li bukuluul bukan kaliikene bukan wah walet mal̥egen. Fan kuliiken bukanabuku li búhoolo ló, útin wata kájimen bukan, ban fan yok kuceeŋ Anahaanawu afakeniilumuu. Fan kúŋalul kaniilo kahile boot li buko humumiil.

2 Fiyeel 2:13

Wahawu wan kukaanumuu wajakutumuu, fan kubaj bacaamabu bata wo. Fan súumiil ŋáa’ min kukaan wahawu wan kúsiibomuu wajakutumuu, tihunak jay. Suunenisuuneni ŋáa’ ban li kaan búyiik, buko babile kutiñ dín dáno li bukuluul li búhoolowabu booliil ló.

2 Fiyeel 2:3

Efañ sídalamayi yooliil fan éjiyiil li kubuntumuul li ukoŋ wan kujuul̥e min kúbajum tó wah. Bale fiyowe ŋáa’ nan katekaku kooliil kóomi li kakobiil, ban let fiyo kújowum li sambun.

Eleetalayi yan Súd akiicumuu 1:10

Bale bukanabuku umbuku kátuulutumuu Ateemit buko fan kugel wahawu wan kuhaasutumuu. Wahawu wan kuhine kuhaasumuu, kuhahhaas wo bale loon sínuukuleŋasu saakutumuu uyinum sihaasemuu wah. Ban wahawu unwu humum wo, wo wommuu li újimeniil.

Eleetalayi yan Súd akiicumuu 1:16

Bukanabuku umbuku kúkatoliit kámummunoo, ban wahoowahiil feh ufitutiil. Fan kunaak kuloŋ loon súumiilumuu, ban li kunaak kulob kulim kata katebenoolo. Li kunaak kúmammalen bukanabuku min kúbajum li buko wah.

Eleetalayi yan Súd akiicumuu 1:4

Mata babbaj bukan kákoliwut Ateemit kabuuyulo kúluul̥owolaal. Bukanabuku umbuku Bakiicelabu bulollob mata katekaku kooliil nan fiyo. Fan kunaak kutiigul hulimahu halobumuu mata kájiyaku kata Ateemit oololaal, min kújowum tó kukooŋen kákaanikoolaku kooliil, ban li kuceeŋ kaanaku Yéesu Kilisita balewool ammuu Anahaanawu li Amaaŋenawu oololaal.

Búhiisenumabu 18:7

Loon lafañumuu ŋáa’ kasaloolo, li buloŋ li hubaj, mo foof jommuu jílaamenool, ban li jikaanool ajuk búyiik. Mata yonsoon li buyinum yo: “Libabbah taate loon áyii anaale, ilet anaale ahoke áyinool, ban let ibil ibaj ñikul maayeet.”

Búhiisenumabu 19:20

Muñeˈe li kujok énuukuleŋayi yákoyileniyaayi li anawu ámalumuu aan afulofet laam, anaake akaanumuu wah wájaahaleniye hákil énuukuleŋayi, min abunt bukanabuku kabajumuu húlangumaasowahu hata énuukuleŋayi, ban li kunaak kumanen kambuwaku kata yo. Li kubeten li buwokaay bata sambunasu li bata batolokabu básoyimuu ŋáa’, énuukuleŋayi li anawu ámalumuu aan afulofet laam, maloŋe.

Búhiisenumabu 21:8

Bale bukanabuku kákol̥l̥imuu, kátukutumuu lit, kakaanemuu wah wasuuneniye, kamukemuu bukan, káfulowemuu li aletalet, kakaanemuu jángafayinde, kamanenemuu kuteemit kalet mal̥egen li kúmalamiñaku feh, buko fan kujow li buwokaayabu bata sambunasu li batolokabu básoyiyaabu. Bo bommuu eketayi yál̥ubutayi.

Búhiisenumabu 22:15

Bale bukanabuku kammuu li kulako tíyaŋ ésukayi, buko kommuu kakaanemuu wah wasuuneniye, kakaanemuu jángafayinde, sicagaasu, kamukemuu bukan, kamanenemuu kuteemit kalet mal̥egen, li bukanabuku feh kafañumuu émalimiñ ban li kunaak kúmal.