Eébulo 7:26 - Jola-Kasa

²⁶ Yéesu okila ammuu kama álambaawu áamakawu ajakumuu boot li alolaal. Lakankaan an anabe, akaanut majakut ban abajut kahoofoo kanookan. Lagiilooligiiloo li kuhoofoolabuku, ban Ateemit li atebenool boot haatiya ajow akaay emitayi.

Eébulo 7:26 Referencias Cruzadas

Máciya 27:18

Filat lagel̥l̥eniigel̥l̥en loon muñaˈa mata lahaase jak aan batahaay bújimuu li kubet Yéesu li kuŋenool.

Maak 16:19

Nan Amaaŋenawu Yéesu alobiilumuu kulimaku unku aban, Ateemit li aŋalool ájowetum boot li emitayi, ajow akaanool abah kaŋenool kúli.

Hulimahu Hásuumaahu loon Lík akiic homuu 1:35

Amalakaawu li aanool: — Buyinumabu Banabaabu fan bubil bulako li awu, min sembaasu sata Ateemit ata Haatiya síhimeni loon máyiino. Mó mújimuu, añiilawu ammuu li abuki fan akaan añiil anabe, ban fan ahooñi Añiil ata Ateemit.

Hulimahu Hásuumaahu loon Lík akiic homuu 23:22

Filat li alaañen alob búhaajut aan: — Kama waa lakaane wajakut? Ijukut li okila wah wajakut wan akaane waate újiwool li áati aket. Muñeˈe kama boot min ilob min kutekool kuban, li ikatenool.

Hulimahu Hásuumaahu loon Lík akiic homuu 23:41

Olola, li mal̥egenamu tottook min ubaja katekaku unke, mata wahawu wan ukaanamuu wajakutumuu újimuu li ubaja katekaku unke. Bale okila akaanut wah wajakut.

Hulimahu Hásuumaahu loon Lík akiic homuu 23:47

Nan anahaanawu ata kusollaaliyaku kata Lom, ajukumuu wahawu wabajumuu, li asal Ateemit ban li aan: — Li mal̥egenamu, ánayinaawu ummu lakankaan an acole!

Hulimahu Hásuumaahu loon Lík akiic homuu 24:26

Kama Afakenaawu aateenut álaam loon muñowu átowum alako li máyiineniyamu moola?

Hulimahu Hásuumaahu loon Lík akiic homuu 24:46

Ban li aaniil: — Muñeˈe bakiicelabu bulobe: Afakenaawu laate álaam ban fan ayitowul li eketayi li hunakahu húhaajutahu.

Hulimahu Hásuumaahu loon Saŋ akiic homuu 14:30

Let ilaañ ilob ŋáa’ li bukuluul, mata Sayitaane ammuu anahaanawu ata adunaayi inye ummu li ebil. Ayilaat lí ínje wahoowah,

Hulimahu Hásuumaahu loon Saŋ akiic homuu 8:29

Anawu áboñulommuu ummu lí ínje. Akatutom balewom, mata li kaanekaan nanoonan wahawu wásuumoolumuu.

Bakaanelabu 3:14

Li jihoy Yéesu ammuu an anabe li an acole, min jilob Filat min ákatenuluul an amuke bukan.

Bakaanelabu 4:27

«Mata li mal̥egenamu, li ésukayi inye Elod, li Fons Filat, li bukanabuku kákaanumutumuu li awu Ateemit baleyi, li kata Isilayeel, kufamumuu min kutiik alokaawu ooli anabaawu ammuu Yéesu, an ul̥usumuu alako Afakenaawu.

2 Kata Koolent 5:21

Kilisita akaanutumuu kahoofoo, Ateemit li akaanool ateb kahoofoo humum hoololaal, bájum li újowumaal li akila min ulakowaal macolamu mata Ateemit.

Eébulo 1:3

Kaleñaku kata máyiineniyamu mata Ateemit li Añiilawu ummu koom. Li akila bóonowabu bata Ateemit bujukimuu. Hulimahu hoola habajaahu sembe laŋale min afeb adunaayi. Nan ágiilenumuu bukanabuku li uhoofoolawu wooliil aban, li ajow abah haatiya tiya emitayi kaŋen kúli Ateemit abajaawu sembe.

Eébulo 12:2

Uŋalaal sítiijolaal feh ukaanaal li Yéesu, ájimuu li ubajaal káyinen ban li ajow li ko boot to. Lakaakat bo ésuumansuumayi yan áatimuu abaj, min aan éehe’ min aket li ekuluwaayi bajukelut li ñisuuwañu ñáamimuu li eket loon inyu. Muñeˈe okila ummu min abahe kaŋen kúli efenjeŋayi yata jáyiiyaju jata Ateemit.

Eébulo 2:10

Li mal̥egenamu, Ateemit akila áwuwene wahawu feh wabajumuu, ban wahawu feh ubabbaj boot li akila. Min ban, lakankaan min kameeŋe li bañoolool kulako li máyiineniyamu moola. Emmuu Yéesu akila afakeneyiilumuu, mó mújimuu Ateemit li áati akaanool ájowum li sílaam mantee li áliiŋ jak.

Eébulo 2:17

Wahawu unwu újimuu li áati anokoo li kutuyool li wahoowah feh, bájum li alako álamba áamak ayilo káyiyen bukan, ban li al̥egen li bulokabu bata Ateemit min ahal uhoofoolawu wata bukanabuku.

Eébulo 3:1

Kutuyom, mó mújimuu bukuluul jammuu bukan kanabe, ban Ateemit li ahooñuul, joote jijuke li Yéesu ammuu anawu an Ateemit áboñulumuu li Alámbaawu áamakawu ata káyinenaku kooluul kan ulobaalemuu mata ko.

Eébulo 7:11

Jílambaju jabilummuu li Lebi li jo eluwaayi yata Móyiis, yasenimuu bukanabuku kata Isilayeel, ehajomuu. Ban nokooleenumuu loon élambaayi yabilummuu li kalandaku kata Lebi ekaanenkaan bulok banabe, let tookeen min álamba akee áfulul li kalandaku kata Melikisedek, búti li kalandaku kata Aaloŋ.

Eébulo 8:1

Hulimahu hahaŋumuu kaaku feh kalobimuu, ho hommuu unhe: lubajaale álamba áamak loon ummu. Lababbah li emitayi kaŋen káli efenjeŋayi yata jáyiiyaju jata Ateemit.

Eébulo 9:14

Fan wahawu unwu usetene bukan kahoofoole kama háŋum húsimahu hata Kilisita! Li mal̥egenamu, Kilisita lájowunjowum li Buyinumabu baano tomuu boot nanoonan, min asenoolo okila humumool batilut tanootan loon esalah Ateemit. Húsimahu hoola li huseten uyinumawu woololaal li makaane manooman majakut, min uyiliyaal ulokaal boot li Ateemit aloŋumuu.

1 Fiyeel 1:19

bale húsimahu hatiineniyaahu hata Kilisita, ajokimuu loon ágalalaan atilut tanootan ban abajut foof humaw, húsimahu unhu ho Ateemit aŋalumuu min ahal boot li bukuluul.

1 Fiyeel 2:22

Kilisita akaanut kahoofoo. Amúsut abunt an.

1 Fiyeel 3:22

Kilisita lajowujow boot li emitayi ajow aano kaŋen kúli kata Ateemit, min áaki li kuŋenool kumalakaaku, kuhaanaaku li sembe sanoosan feh.

1 Saŋ 2:2

Mata Yéesu lasenoolosenoolo min aket boot kabonket uhoofoolawu woololaal, ban inti boot li uhoofoolawu woololaal bale, bale foof boot li uhoofoolawu wata adunaayi feh.

1 Saŋ 3:5

Imban jihaase joon Yéesu labiibil boot káfulen uhoofoolawu, ban akila humumool abajut kahoofoo.

Búhiisenumabu 3:7

— Ukiic amalakaawu ata Ejanguwayi yata Filadelifi oonool: «Anawu Anabaawu ammuu an ata Mal̥egen, aakumuu ekul̥umayi yata áyiiyawu Dayit, ábabulemuu ban an let ayili abab, li abab ban an let ayili ábabul, laane: