Eébulo 5:14 - Jola-Kasa

¹⁴ Bale búkuumenum bal̥aal̥e, bo bata kunahaan, kan uhaasumuu oon li bakaaneliil kuyilo kulaso min kuhaas wahawu wajakumuu li wajakutumuu.

Eébulo 5:14 Referencias Cruzadas

Máciya 5:48

Jilako bukan kabajut kahoofoo loon Atuubawuul ata haatiya abajutumuu kahoofoo.

Kata Lom 14:1

Jiyab an ágootowe li káyinenaku koola, ban jakum jinaak jiwatatenool humum hata wah wan ayinoole li aan ujaajak mantee foof ujakut.

1 Kata Koolent 2:6

Alóli jilobelob kulim kata bújallo bukanabuku kankumuu li káyinenaku. Ban inti bújallo bata adunaayi inye, inti foof bata bukanabuku kaakumuu adunaayi inye, kaano tomuu boot bil janiilen.

Kata Efées 1:18

Lil̥awe mantee Ateemit li ahiiten uyinumawu wooluul, min jínaanum húkangumahu han asenuulumuu nan ahooñuulumuu, ban li jíhaasum tó foof buu wahawu wan Ateemit alobumuu kasen bukanabuku koola, utiinenimuu eeno.

Kata Efées 4:13

Muñowu emmuu li kaan boot yok nan oomaalumuu li ujokoolaal jak foofolaal feh loon an ano, jówum li káyinenaku koololaal, li kahaasaku kan uhaasaalumuu Añiilawu ata Ateemit. Fan ulakowaal bukan kanke jak jow yok unokoolaal loon Kilisita anokoomuu.

Kata Fílib 3:15

Alolaal jaamaalumuu bukan kanke li káyinenaku li Yéesu, lootaale unaak uyinoolaal loon muñaˈa. Li bil nokoo loon babbaj tikee tan jibaje kayinoo kábuto, Ateemit fan áhiisuul to jak foof.

1 Kata Tesalonik 5:21

Bale jilaso jak wahoowah feh, min jinab li wahawu wajakumuu,

1 Tímote 4:7

Uhoy ukoŋawu wákaaneliitumuu bukan kúyinen li Yéesu Kilisita, wammuu wata siñaakanasu saalaasu. Ukankaanoo min unaak útuul Ateemit.

Eébulo 6:1

Wahawu unwu újimuu lootaale ukataal bo wahawu útinaalawu wan uliikenaalumuu mata Kilisita, min útiiwowaal uliikenaal wah wata kunahaan, ban jakum úlaañulaal li wahawu wakilumuu huhaalahu hata baliikenelabu umbu, wammuu: kabet búsol bakaane bajakut, min útiiwo úyinen li Ateemit,

Saak 3:2

Alolaal foofolaal feh lutilenaaletilen ñameeŋe alolaal li elob. Nokoomuu loon baje an áliimooleliit akila li elob, anawu ummu an anabe. Lakankaan an ayilo foof ajokoo foofool feh.