Eébulo 13:21 - Jola-Kasa

²¹ Ateemit ajow akaanuul min jiyili jikaan wahoowah feh wajake, mantee li jikaan loon afañumuu. Ajow ájowum li Yéesu Kilisita akilimuu máyiineniyamu boot nanoonan, min akaan li ololaal wahawu wásuumoolumuu. Aameen!

Eébulo 13:21 Referencias Cruzadas

Máciya 12:50

Mata an akaanumuu loon Atuubawom ammuu haatiya afañumuu, anawu ummu ammuu atuyom, áliinom, li jaawom.

Máciya 21:31

Muñowu ayi li buko kúl̥uba akaanumuu wahawu wan atuubawool afañumuu? Li koonool: — Atínaalawu. Yéesu li aaniil: — Li mal̥egenamu fan ilobuul, bukanabuku kayabemuu búhal li bukanabuku káfulowe bomuu muñaˈa fan kujanduul kunoken li Jáyiiyaju jata Ateemit.

Máciya 28:20

Jiliikeniil kátuul kulimaku feh kan ilobuulumuu. Jihaas joon ínje humumom ummu li bukuluul nanoonan boot yok nan adunaayi yommuu li eban.

Máciya 6:13

Ban jakum úkatoli min jilo li jabunt, bale úfakenoli li Majakutamu. Mata awu ukile jáyiiyaju, li sembaasu, li máyiineniyamu boot nanoonan, Aameen.»

Máciya 7:21

— Inti bukanabuku feh kaanewommuu: «Amaaŋen, Amaaŋen», kóomi li kunoken li Jáyiiyaju jata Ateemit. Bale bukanabuku kakaanemuu loon hulimahu hata Atuubawom hulobumuu, buko kommuu li kunoken li Jáyiiyaju jata Ateemit.

Hulimahu Hásuumaahu loon Saŋ akiic homuu 17:23

Min ínje éemi an ano li buko, awu li óomi an ano lí ínje, bájum li kulako li mal̥egenamu an ano, min adunaayi éhaasum tó kaanaku awu úboñulom, ban lufañiifañ loon ufañommuu.

Hulimahu Hásuumaahu loon Saŋ akiic homuu 7:17

An afañumuu min akaan wahawu wan Ateemit afañumuu, fan ahaas mantee baliikenelabu umbu li Ateemit bubilumulo, mantee li kajaw kúmbaam ínje humumom lílobume.

Kata Lom 11:36

Li mal̥egenamu, wahawu feh li akila ubilume, li akila úloŋume, ban boot li akila humumool. Máyiineniyamu mujow mulako mata Ateemit boot nanoonan! Aameen.

Kata Lom 16:27

Usalaal Ateemit ájallomuu balewool. Máyiineniyamu mujow mulako moola boot nanoonan humum hata Yéesu Kilisita! Aameen.

2 Kata Koolent 9:8

Ateemit layilo asenuul wahoowah feh wajake, bájum li jibaj nanoonan wahawu feh wan jokuulumuu li wo, ban fan jibaj jifamen to wahawu wan jommuu jinaak jiŋa’ min jikaan wah feh wajake.

Kata Galasi 1:5

Máyiineniyamu mujow mulako mata Ateemit boot nanoonan! Aameen.

Kata Efées 2:10

Li mal̥egenamu, Ateemit akaanolaal loon oomaalumuu, lakaanolaakaan búwuwenum buwunkul li hujokoolahu hoololaal li Yéesu Kilisita boot kakaan wah wajake, wan afimmuu min afaleˈe akat to, bájum li ukaanaal wo.

Kata Efées 2:18

Li mal̥egenamu, okila ájimuu ololaal foofolaal feh aamaalumuu kusuwif li kaletumuu kusuwif, li uyiliyaal ulohaal Ateemit Atuubaawu, humum hata Buyinumabu banolabu Banabaabu.

Kata Fílib 1:11

Muñowu Yéesu Kilisita ájiwummuu buloŋabu booluul li bumeeŋ bakaane bacole, boot li máyiineniyamu li kasalaku kata Ateemit.

Kata Fílib 2:11

imban anoowan feh li alob kaanaku, Yéesu Kilisita ammuu Amaaŋenawu, boot li máyiineniyamu mata Ateemit Atuubaawu.

Kata Fílib 2:13

Li mal̥egenamu, Ateemit akaanumuu li bukuluul húfañum li kayile kata kakaan wah, naboo li húnongumahu hoola hajakaahu.

Kata Fílib 4:13

liyilo ijokoo li wahoowah feh humum hata Kilisita asenewommuu sembe.

Kata Fílib 4:18

Liyabe wahawu wan jíboñulommuu feh, uhaha boot lí ínje. Muñeˈe nan Efáfulodit asenommuu wahawu wan jíboñuloomuu lí ínje, laañut jokom li wahoowah. Wahawu feh wan jíboñulumuu unokoonokoo loon esalah yásuume ŋáa’, yan Ateemit ayabe ban li ésuumool.

Kata Kolos 3:17

Wahoowah feh wan jikaane, lako li malobe mantee foof li makaane, jikaan wo li kajaw kata Amaaŋenawu Yéesu, min jísalum li akila Ateemit Atuubaawu.

Kata Kolos 3:20

Bañiilabe, jítuul sibukoolawuul li wahoowah feh, mata wahawu unwu Amaaŋenawu afañumuu.

Kata Kolos 4:12

Efafulaas ammuu foof an ooluul, lasaafuluul. Lakankaan aloka ata Yéesu Kilisita, ban akatut kal̥aw súf boot li bukuluul, bájum li jítuk lit ban li jank jijow jikiben li káyinenaku kooluul, min jinaak jikaan li mal̥egen loon Ateemit afañumuu.

1 Kata Tesalonik 3:13

Ateemit ajow aliten uyinumawu wooluul mantee li jilako bukan kanabe, li bukan kan Ateemit ammuu Atuubawolaal ajukut majakut manooman li buko, nan Amaaŋenawu oololaal Yéesu ammuu li abil li bukanabuku koola feh kanabaaku.

1 Kata Tesalonik 4:3

Wahawu wan Ateemit afañumuu wo wommuu min jilako bukan kanabe, ban jakum jihinto li an an jiyabowut.

1 Kata Tesalonik 5:23

Ateemit asenemuu kásuumaay ajow akaan min jilako li mal̥egen bukan koola, ban li afooy humumahu hooluul foof ho feh, li uyinumawu wooluul, saalasu li siniilasu sooluul, jakum bil an ajuk majakut li bukuluul, boot li hunakahu nan Amaaŋenawu oololaal Yéesu Kilisita ammuu li abil.

2 Kata Tesalonik 2:17

kujow kuwankulenuul ŋáa’, ban li kusenuul sembe mantee wahoowah feh wan jikaane li wan jilobe, li ujak.

1 Tímote 1:17

Awu ammuu Ayíi boot nanoonan, Awu áketeliitumuu ban újukeliiti, Awu bale ommuu Ateemit, kábinkenaku li máyiineniyamu, mujow mulako mooli boot nanoonan! Aameen.

1 Tímote 5:10

Laate áhaasumi li bakaanelool bajake: ágoocul bañoolool jak, li ayab ejawoola boola jak, li afos kootaku kata káyinenumuu li Yéesu, li alamben bukanabuku kammuu li sílaam ban li ahanken li kakaan wahoowah feh wajake.

1 Tímote 6:16

Akila bale ayilaatumuu aket, akinumuu li mawuŋe dán an ayilaat ajow. Bajut an abile ajukool, ban an ayilaatool ajuk. Kábinkenaku li sembaasu sijow silako soola boot nanoonan! Aameen.

2 Tímote 3:17

mantee anawu ata Ateemit li alako li mal̥egen an atooke, ban li ajunko jak boot kakaan bulok banooban bajake.

2 Tímote 4:18

Amaaŋenawu fan afakenom foof li majakut manooman, ban fan akaanom inoken li Jáyiiyaju.

Eébulo 10:36

Tootook min jihanken min jítuk lit, jiyiliwum jikaan wahawu wan Ateemit afañumuu, min jíbajum tó wahawu wan alobumuu kasen.

Eébulo 12:23

Bukuluul jijowujow jikooj foof huwoogahu hata bañiilabu bátinaalabu, ban ujawawu wooliil ukiicimuu li emitayi. Jikokkooj Ateemit ammuu atiibaawu ata bukanabuku feh li ata uyinumawu wata kacolumuu, kajeˈe kukaanumuu bukan kúliiŋe.

Eébulo 12:28

Emmuu jáyiiyaju jan ubajaalumuu jiyilaat jílilliŋoo, kama útukaal kájiyaku unku lit. Li kájiyaku unku lommuu ukaanaal boot li Ateemit bulok básuumool, li kaluuken ban li ekole ló.

Eébulo 13:16

Jakum jimojen kakaan majake, li kalambenoo, mata kasila loon unku kúsuumumuu Ateemit.

1 Fiyeel 2:5

Bukuluul humumuul jijokoolo loon kuyitik kaloŋe, ban li jikat Ateemit min aŋaluul min ateef eluuf dán Buyinumabu Banabaabu bukine, min jilako huwoog hata bukan káami élamba yakaani li kakaŋ boot li Ateemit, boot kakaanool kasila kabilumulo li Buyinumabu Banabaabu ban li kúsuumool humum hata Yéesu Kilisita.

1 Fiyeel 4:2

Muñeˈe, joote jiloŋ taŋayi yasaŋowuulumuu buloŋ baabe li etaam loon Ateemit afañumuu, bale jakum jiloŋ naboo li kásiibo kata ál̥ahukowan.

2 Fiyeel 3:18

Jihaŋ naak mank jiyinno bo li kájiyaku li kahaasaku kan jihaasumuu Amaaŋenawu, Afakenaawu oololaal Yéesu Kilisita. Máyiineniyamu mujow mulako moola muñeˈe ban boot nanoonan! Aameen.

1 Saŋ 2:17

Adunaayi fan eban boot li wahawu wan bukanabuku kúsiibowemuu, bale anawu akaanumuu wahawu wan Ateemit afañumuu fan aloŋ boot nanoonan.

1 Saŋ 3:22

Ateemit fan asenolaal wahawu feh wan ommuu ul̥awaalool, mata lukaanaakaan loon siluwaasu soola silobumuu, ban li ukaanaal wahawu wásuumoolumuu.

Eleetalayi yan Súd akiicumuu 1:25

Máyiineniyamu li húyiiyetowahu, sembaasu li huhaanaahu, wahawu unwu feh ujow ulako li Ateemit anolawu, áfakenumolaamuu li Yéesu Kilisita ammuu Amaaŋenawu.

Búhiisenumabu 4:6

Li baj foof hákil efenjeŋayi yata áyiiyawu husamu haleñe ban li huyaaŋ loon eweel. Li baj li tut wah ukee woono ubakii waloŋe, wáwooñene efenjeŋayi yata áyiiyawu ban li ubaj kúkil tanootan, hákil li kata búsol.

Búhiisenumabu 5:13

Li ijam wahawu feh wan Ateemit áwuwenumuu li emitayi, li etaamayi, li wammuu kata láala etaamayi, li wata husamuwahu: wahawu feh wáami dómuu, li ijam wo li ukijen woon: «Anawu abahumuu li efenjeŋayi yata jáyiiyaju, awu Agálalaanawu, kasalaku li kábinkenaku, máyiineniyamu li sembaasu, jow ulako uya boot nanoonan.»

Búhiisenumabu 5:9

Muñeˈe li kukijen kakijen kuwunkul koon: «Lutootook min uŋa’ éliibalayi. Lutootook foof min úfulen bálikaañabu. Mata awu umukimuu, ban li húsimahu hooli, lúfakenummuu bukanabuku boot li Ateemit, bukanabuku kata kaland kanookan, kata elob yanooyan, kata het yanooyan, li kata etaam yanooyan.