Eébulo 11:19 - Jola-Kasa

¹⁹ Bale Abulaham lansaan li buyinumool Ateemit layilo ayitenumul Isaak li eketayi. Wahawu unwu újimuu Ateemit li alaañenool añoolool, min nokoo loon li eketayi layitowumulo.

Eébulo 11:19 Referencias Cruzadas

Máciya 12:36

Fan ilobuul eenuul, li Hunakahu hata Batiibabu, anoowan fan atal hákil Ateemit wáa újiye li alob hulim hanoohan hajakut.

Máciya 9:28

Nan Yéesu anokenumuu li eluufayi, kánayinaabuku káfuumumuu li kubil kulobool mantee li afakeniil. Yéesu li agel̥l̥eniil aaniil: — Jíyinene kaanaku liyilo ifakenuul? Li koonool: — Eéhe’, Anahaan.

Kata Lom 5:14

Ban, kábilum taŋayi yata Adam boot yok li yata Móyiis, sembaasu sata eketayi sigoggo’ maayeet bukanabuku kakaanutumuu kahoofoo loon kata Adam, átuulutumuu hulimahu hata Ateemit. Adam akila alakomuu kambuwaku kata anawu ammuu li abil.

Kata Efées 3:20

Ateemit layilo akaan wah wahaŋe ŋáa’ wahawu wan ul̥awaalemuu li wan uyinoolaalemuu, ban lákaanumekaan wo li sembaasu soola sammuu li bulok li uyinumawu woololaal.

Eébulo 9:24

Li mal̥egenamu, Kilisita anokenut li eluuf yata Ateemit yan kuŋen kata bukan kuteefe. Eluufayi inyu elakolako kambu bale kata eluufayi yata mal̥egen yata Ateemit. Kilisita lanokennoken li emitayi humum yo, ajow alako muñeˈe hákil Ateemit boot kalambenolaal.

Eébulo 9:9

Laalu búhiisenum bata wahawu wata muñeˈe. Wahawu unwu úhihhiis kaanaku usuuhenawu li usilaawu wata sínuukuleŋasu boot li Ateemit, uyilaat úji buyinum bata an áami li múkaaniinamu ummu li buset.