Eébulo 10:14 - Jola-Kasa

¹⁴ Mó mújimuu, li kasila kano bale lájowummuu min akaan bukanabuku kan áfulenumuu uhoofoolawu kulako bukan káliiŋe boot nanoonan, ban li kúfu’ li uhoofoolawu wooliil.

Eébulo 10:14 Referencias Cruzadas

Bakaanelabu 20:32

«Ban muñeˈe boot min ikatuul li kuŋen kata Ateemit, li hulimahu hata kájiyaku koola. Ateemit layilo alitenuul ban li asenuul bútowaabu ban akat tomuu boot li bukanabuku feh kammuu koola.

Bakaanelabu 26:13

Ayíi, muñeˈe li ilako ejowayi li bútinabu banakabu bayitene, li ijuk mawuŋe maleñe muhaŋ banakabu, li múfulumul li emitayi mubil muhiitenom múwooñen, ínje li kufaalom kan jinaboomuu.

Kata Lom 15:16

min ilako aloka ata Yéesu Kilisita boot li bukanabuku kaletumuu kusuwif. Lisenoolosenoolo boot kawaale Hulimahu Hásuumaahu hata Ateemit, mantee bukanabuku kaletumuu kusuwif li kulako loon esalah yásuume Ateemit, yan Buyinumabu Banabaabu bukaane enab.

1 Kata Koolent 1:2

Jikiiculokiic yo boot li bukanabuku kata ejanguwayi yata Ateemit yammuu li ésukayi yata Koolent, kabile kulakomuu bukan kata Ateemit li hujamoolahu hooliil li Yéesu Kilisita, ban li kuhooñi boot kalako bukan kanabe, li mano li bukanabuku feh kamanenemuu banooban kajawaku kata Amaaŋenawu oololaal Yéesu Kilisita, ammuu Amaaŋenawu ooliil li oololaal.

Kata Efées 5:26

min akaan yo elako Ejangu yanabe. Li aŋa’ Hulimahu hoola min ágiilen yo loon ágiilenemuu.

Eébulo 10:1

Eluwaayi yata Móyiis éhiisut jak búnokoolabu bata mal̥egen bata wahawu wabajumuu. Yoonosoono kambu bale kata wahawu wajakaawu wammuu li ubil. Eluwaayi egel̥l̥engel̥l̥en min usilaawu wanolawu unaak ukaani kale emitoomit. Wahawu unwu újimuu, eyilaat ekaan bukanabuku kálohulomuu Ateemit kulako bukan káliiŋe.

Eébulo 10:10

Yéesu Kilisita lakankaan loon Ateemit afañumuu. Lasensen eniilayi yoola humum yo ñano boot kale, min újowumaal tó ulakowaal bukan kan kukaane kunab.

Eébulo 10:12

Bale Kilisita, okila kasila kano bale lakaane boot li uhoofoolawu, ban li abah kaŋen kúli Ateemit boot nanoonan.

Eébulo 13:12

Wahawu unwu újimuu, Yéesu foof li aket tíyaŋ ésukayi, bájum li aŋa’ húsimahu hoola humum ho min akaan bukanabuku kulako bukan kanabe.

Eébulo 2:11

Yéesu okila ágiilenemuu bukanabuku li uhoofoolawu wooliil, ban bukanabuku feh kan ammuu li kágiilenaku, buko foofiil feh Atuuba ano kubaje. Wahawu unwu újimuu Yéesu asuuwut bahooñiil kutuyool,

Eébulo 7:19

mata eluwaayi yata Móyiis eyilaat ekaan wah min unab. Bale muñeˈe lubajaale kákangum kahaŋe majak, kayilo kújiwolaal li ukoojaal Ateemit.

Eébulo 7:25

Wahawu unwu újimuu, layilo afaken ñano ban kale bukanabuku kájowummuu li okila min kukooj Ateemit, mata okila ummu li buloŋ min anaak al̥aw Ateemit boot li bukanabuku umbuku.

Eébulo 9:10

Uŋoonawu unwu wata mata hutiñ bale, mata ehob li mata múkaaniin mata kágiilen. Laalu uŋoon wata ál̥ahukowan walako to boot yok nan Ateemit akaanumuu wahawu feh úbuti.

Eébulo 9:14

Fan wahawu unwu usetene bukan kahoofoole kama háŋum húsimahu hata Kilisita! Li mal̥egenamu, Kilisita lájowunjowum li Buyinumabu baano tomuu boot nanoonan, min asenoolo okila humumool batilut tanootan loon esalah Ateemit. Húsimahu hoola li huseten uyinumawu woololaal li makaane manooman majakut, min uyiliyaal ulokaal boot li Ateemit aloŋumuu.

Eleetalayi yan Súd akiicumuu 1:1

Injé Súd ammuu aloka ata Yéesu Kilisita li atuy ata Saak ikiiculo eleetalayi inye. Likikkiic yo boot li bukuluul kan Ateemit Atuubaawu ahooñumuu, li bukuluul kan afañumuu ban li afooyuul boot bil li Yéesu Kilisita.