2 Tímote 3:15 - Jola-Kasa

¹⁵ Li mal̥egenamu, yaan no li huñiileyi luhaase Bakiicelabu Banabaabu. Buyilo buseni bújallo baate bújiyi li úyinen li Yéesu Kilisita min ufak.

2 Tímote 3:15 Referencias Cruzadas

Máciya 22:29

Yéesu li aaniil: — Jiliimooliimoo, mata jínaanumut Bakiicelabu. Jínaanumut foof sembaasu sata Ateemit.

Hulimahu Hásuumaahu loon Lík akiic homuu 1:15

Mata fan alako an áamak hákil Amaaŋenawu. Let ahob bunuk, li ehob yanooyan yayilo ékaliyen. Buyinumabu Banabaabu fan bulako li akila ŋáa’ átowum abuki.

Hulimahu Hásuumaahu loon Lík akiic homuu 2:40

Muñeˈe añiilawu li ank li sembewool ló. Li ájallo ŋáa’, ban kájiyaku kata Ateemit li kulako li okila.

Hulimahu Hásuumaahu loon Lík akiic homuu 24:27

Fúlum tó, Yéesu li akitteniil wahawu feh walobimuu uya li okila li Bakiicelabu foof bo feh, kítum li síliibalasu sata Móyiis ló li sata kufulofetaku feh.

Hulimahu Hásuumaahu loon Lík akiic homuu 24:32

Kúgoomaku kúl̥uba li kugel̥l̥enoo koon: — Inti súfolasuf loon sambun sóomiwola káta láala, nan alobumuu li alola li nan alakowolamuu bakittenabu bata Bakiicelabu, alolaal li ejowayi.

Hulimahu Hásuumaahu loon Lík akiic homuu 24:45

Muñeˈe Yéesu li ábabuliil uyinum min kuyili kúnaanum Bakiicelabu.

Hulimahu Hásuumaahu loon Saŋ akiic homuu 5:47

Bale emmuu jíyinenut li wahawu wan akiicumuu, buu emmuu nokoo li jíyinen li kulimaku kúmbaam?»

Bakaanelabu 10:43

Kufulofetaku feh kulollob moola koon anoowan ammuu li áyinen li akila, fan ábajum li kajawaku koola kabonket kata uhoofoolawu woola.

Bakaanelabu 13:29

Nan kukaanumuu wahawu feh loon Hulimahu hata Ateemit hakiicimuu hulobumuu huya li akila Yéesu kuban, li kúwalenulool li ekuluwaayi kujow kuhok.

Bakaanelabu 16:1

Fool li ajow boot li ésukayi yata Delib, ban li ahaaŋ boot li yata Lisit. Nan aŋejumuu, li atook bo ágoom. Tímote jaawool asuwif áyinene li Yéesu, bale atuubawool an ata Gilees.

Bakaanelabu 17:2

Fool li anoken li eluufayi yata kal̥awaku, loon afinemuu min akaane. Fool li aŋa’ Hulimahu hata Ateemit min áwonnoo li bukanabuku kalako lómuu, jow baj kúyiiyaay kúhaaji kata kusuwifaku.

Bakaanelabu 26:24

Emmuu Fool muñowu lalobumuu min acahenoolo, Fésitiis li abaŋulowool aan: — Fool, awu luwewwel! Wahawu wan uliikenumuu umemmeeŋ, gay li uweleni!

Kata Lom 1:2

Hulimahu unhu Hásuumaahu, Ateemit lájowunjowum li kufulofetaku, min alob mata kasen ho, nan fiyowe, li Bakiicelabu Banabaabu.

Kata Lom 16:26

Bale muñeˈe mal̥egenamu ummu múhiisihiis li síliibalasu sata kufulofetaku. Wahawu unwu Ateemit aano tomuu boot nanoonan, alobe min ubaj mantee bukanabuku feh li kuhaas mal̥egenamu ummu, min kúyinen li Yéesu ban li kútuulool.

Kata Lom 2:27

Anawu ummu ateyutumuu búkut, ban li akaan loon eluwaayi elobumuu feh fan atiibi, awu, ammuu asuwif ban úkaaneliit loon eluwaayi elobumuu, maayeet min ubaj yomuu makiice ban li utey búkut.

1 Kata Koolent 1:21

Li mal̥egenamu, bukanabuku kata adunaayi li bújallowabu booliil feh, kujuke wahawu wan Ateemit akaanumuu, bale kuyilaat kuhaas Ateemit. Wahawu unwu újimuu, Ateemit li ajok kaanaku jaajak min ájowum li kulimaku kan uwaaleyaalemuu ban li kujoki loon bul̥uuhoo, min afaken bukanabuku káyinenumuu.

Kata Efées 6:4

Bukuluul jammuu sibukoola, jakum jinaak jikaan bañooluul bul̥eet, bale jígooculiil, li jiseniil uyinum, ban li jisaabiil loon Amaaŋenawu afañumuu.

1 Tímote 4:13

Ujuke to min ujanga Bakiicelabu hákil ésukayi feh, uwankuleniil ban li uliikeniil bo tówum ibil.

2 Tímote 1:1

Injé Fool ammuu afootal ata Yéesu Kilisita li húnongum hata Ateemit áboñulommuu boot kayiiŋen buloŋabu ban alobumuu kasen, ban úbajumaalumuu li hujokoolahu hoololaal li Yéesu Kilisita,

2 Tímote 1:5

Liloŋe li iwayil̥o káyinenaku kata mal̥egen kan ubajumuu. Káyinenaku unku kujanjand kulako li jaawi ahaan Lóyis, li jaawi Oónis humumool. Ban lihaase een ko foof kommuu li awu.

2 Fiyeel 3:16

Wahawu unwu foof Fool alobumuu li sileetalasu feh san akiicumuu mata hulimahu unhu. Babbaj ló kulim kásengiye kánaanum. Bukan kahaasut wahoowah ban kuliikenut foof wahoowah li kutiiw wahawu wan kulimaku unku kufañumuu kulob. Kukaanekaan mo foof li kulim kukee kata Bakiicelabu, min kújowum tó kújimenoolo.

Búhiisenumabu 19:10

Muñeˈe li íkuntuŋ li kootaku kata amalakaawu boot min imanenool, bale li aanom: — Jakum ukaan mo! Injé foof aloka leem loon awu humumi, loon kutuyi kajokumuu jak kulimaku kata mal̥egen kan Yéesu alobumuu. Ateemit lóotimuu umanen! Li mal̥egenamu, kulimaku kata Yéesu ko kommuu buyinumabu basenemuu kulim kufulofetaku.