2 Kata Koolent 9:13 - Jola-Kasa

¹³ Mín súumiilumuu li majakamu mata bulokabu booluul, mo kusalumuu Ateemit mín jítuulumuu Hulimahu Hásuumaahu hata Kilisita loon jilobemuu. Fan kusal foof Ateemit mata másuumamu mooluul li kagaboolaku kan jigaboomuu wahawu wooluul li buko li kaabuku feh.

2 Kata Koolent 9:13 Referencias Cruzadas

Máciya 5:16

Muñaˈa foof jóotimuu jiwuŋen loon ehiitum hákil bukanabuku feh. Bájum li kujuk makaanelamu mooluul majakaamu, min kusal Atuubawuul ammuu haatiya.

Máciya 9:8

Nan búsukabu bujukumuu wahawu unwu, li búkoli ban li busal Ateemit asenumuu bukanabuku kayile loon unku.

Hulimahu Hásuumaahu loon Lík akiic homuu 6:46

— Wáa újiye li jinaak jihooñom Amaaŋen, Amaaŋen, ban let jikaan wahawu wan ilobumuu?

Hulimahu Hásuumaahu loon Saŋ akiic homuu 15:8

Máyiineniyamu mata Atuubawom fan mujuki, bukuluul babaje ebukoolum yameeŋe, min jíhiis kaanaku bukuluul kúgoom kúmbaam joom.

Bakaanelabu 11:18

Muñeˈe nan kujamumuu kulimaku unku, li kulu min kukit kusal Ateemit koon: «Kama mal̥egen, Ateemit lakankaan bukanabuku kákaanumutumuu li akila balewool, min kubet búsol baloŋelabu booliil buhaanabu, min kútiiwo kuŋa’ buloŋabu bata mal̥egen.»

Bakaanelabu 4:21

Muñeˈe kunahaanaku kata Kusuwifaku li kulaañen kunuuloo Fiyeel buko li Saŋ, ban li kukateniil. Kujukut li buko majakut man kóotummuu kútekumiil, mata ésukayi feh enaanaak esal Ateemit mata wahawu wabajumuu.

Kata Lom 10:16

Bale bukanabuku feh kútuulut Hulimahu Hásuumaahu. Li mal̥egenamu, Esay lansaan: «Amaaŋen, ayimaa áyinene hulimahu han áloli jiwaaleyemuu?»

Kata Lom 12:8

Li nokoo loon an abaje káji kata kawankulen bukan, li awankuleniil. An li abaj káji kata naak kasen bukan wah, jakum anaak atii baseniil wo. Li bil nokoo loon an abaje káji kata kaaken ésuk, li ajooŋoo to min ajokiil jak. An li abaj káji kata káyiyen bukan, li akaan mo li ésuumansuum ló.

Kata Lom 15:31

Jil̥aw mantee li ifak li kuŋen kata bukanabuku káyinenutumuu kata etaamayi yata Súde, mantee foof wahawu wan kusenommuu boot kájowetum Yeelusalem, bukanabuku káyinenumuu li Kilisita li kuyab wo bo li kásuumaay.

Kata Lom 16:26

Bale muñeˈe mal̥egenamu ummu múhiisihiis li síliibalasu sata kufulofetaku. Wahawu unwu Ateemit aano tomuu boot nanoonan, alobe min ubaj mantee bukanabuku feh li kuhaas mal̥egenamu ummu, min kúyinen li Yéesu ban li kútuulool.

2 Kata Koolent 10:5

li wahoowah feh wata katebenoolo wayilo úhi an áhaasum Ateemit. Alóli fan jijok kayinoo kanookan jijenk, min jikaan ko kútuul Kilisita.

2 Kata Koolent 2:12

Nan íliiŋumuu li ésukayi yata Tulowaas boot kawaale Hulimahu Hásuumaahu hata Kilisita, li ijuk kaanaku Amaaŋenawu lábabuubabul bútin boot lí ínje,

2 Kata Koolent 8:4

Kúyaakoololiyaakoo ŋáa’ mata min jikatiil min kukaan to kaŋeniil li bulokabu bata kalambenaku kata bukanabuku kata Ateemit kammuu li ésukayi yata Yeelusalem.

2 Kata Koolent 9:14

Fan kul̥aw boot li bukuluul, min kúhiisuul húbooliyahu han kúbooliwuulumuu, humum hata kájiyaku káamakaku kan Ateemit asenuulumuu.

Kata Galasi 1:24

Ban li kusal Ateemit mata ínje íji.

1 Tímote 6:12

Utaj jakum bil káyinenaku kooli kufaki. Ujok buloŋabu bábaneliitumuu ban Ateemit ahooñimuu boot li bo, loon awu humumi ulob momuu li kulimaku kásuumaku kan ulobumuu mata káyinenaku kooli hákil bukan kameeŋe.

1 Tímote 6:13

Boot ilobi hákil Ateemit asenemuu buloŋ wahoowah feh, li hákil Yéesu Kilisita alobumuu kulim kásuume kata mal̥egen hákil Fons Filat, eeni:

Eébulo 10:23

Utúkaal lit kákangumaku kan ulobaalemuu mata ko, ban jakum úyekowaal, mata Ateemit aanumuu fan akaan wah, luyilo úwooluwaalool.

Eébulo 13:16

Jakum jimojen kakaan majake, li kalambenoo, mata kasila loon unku kúsuumumuu Ateemit.

Eébulo 3:1

Kutuyom, mó mújimuu bukuluul jammuu bukan kanabe, ban Ateemit li ahooñuul, joote jijuke li Yéesu ammuu anawu an Ateemit áboñulumuu li Alámbaawu áamakawu ata káyinenaku kooluul kan ulobaalemuu mata ko.

Eébulo 4:14

Emmuu lubajaale álamba áamak abaje sembe, ajowumuu boot li emitayi, ammuu Yéesu Añiilawu ata Ateemit, kama útukaal lit káyinenaku kan ulobaalemuu mata ko.

Eébulo 5:9

Nan Yéesu ajeˈe áliiŋumuu jak, li áji bukanabuku feh kátuuloolumuu li kufak boot nanoonan.

1 Fiyeel 2:9

Bale bukuluul, bukuluul jommuu bukanabuku kal̥usimuu, kúlambaaku kata Ayíiyawu, ésukayi yanabaayi, bukanabuku kata Ateemit. Lí élimayi láhooñumuluul jibil jilako li mawuŋaamu moola máyiineniyaamu, boot kayiiŋen wahawu wan akaanumuu wajakumuu majak.

1 Fiyeel 4:11

An áakimuu káji kata elob, li anaak alob kulimaku kata Ateemit. An li áaki káji kata kalamben bukan, li akaan mo li sembaasu san Ateemit asenemuu, bájum Ateemit li ásalumi li wahoowah feh jówum li Yéesu Kilisita, akilumuu máyiineniyamu li sembaasu boot nanoonan. Aameen!