2 Kata Koolent 5:17 - Jola-Kasa

¹⁷ Wahawu unwu újimuu an abajumuu hujokoo li Kilisita, anawu ummu búwuwenum buwunkul laam. Wahawu wata naanaŋ umoje, muñeˈe wahawu feh uwunkulowe.

2 Kata Koolent 5:17 Referencias Cruzadas

Máciya 12:33

— Bunuunuken bujakumuu, ebukoolumayi yata bo foof fan ejak. Li bil nokoo loon bunuunuken bujakut, ebukoolumayi yata bo foof let ejak. Mata bunuunuken li ebukoolumool láhaasumeyi.

Máciya 24:35

Emitayi fan ebil ébujo, etaamayi foof fan ebil ébujo, bale kulimaku kúmbaam let kuniilo maayeet.

Hulimahu Hásuumaahu loon Lík akiic homuu 5:38

Bale fan uŋa’ bunuk buwunkul ul̥olen li situnfen siwunkul!

Hulimahu Hásuumaahu loon Saŋ akiic homuu 14:20

Nan hunakahu unhu hommuu li húliiŋ, fan jihaas joon ínje ummu li Atuubawom, ban bukuluul jumbuku lí ínje loon ínje emmuu li bukuluul.

Hulimahu Hásuumaahu loon Saŋ akiic homuu 15:2

Fan afalen hulund hanoohan háami lí ínje, habukut mutiñaay. Fan ateŋen hulund hanoohan habuke mutiñaay, mantee li huhaŋ mabuk.

Hulimahu Hásuumaahu loon Saŋ akiic homuu 15:5

«Injé emmuu búbiiñabu, bukuluul li jóomi kulundaku. An alakomuu lí ínje, ban ínje li ilako li akila, fan abaj ebukoolum yameeŋe. Mata jiyilaat jikaan wahoowah ínje balambenutuul.

Hulimahu Hásuumaahu loon Saŋ akiic homuu 17:23

Min ínje éemi an ano li buko, awu li óomi an ano lí ínje, bájum li kulako li mal̥egenamu an ano, min adunaayi éhaasum tó kaanaku awu úboñulom, ban lufañiifañ loon ufañommuu.

Hulimahu Hásuumaahu loon Saŋ akiic homuu 3:3

Yéesu li aanool: — Li mal̥egenamu fan ilobi: an ayilaat ajuk Jáyiiyaju jata Ateemit, akila balaañenut abuki.

Hulimahu Hásuumaahu loon Saŋ akiic homuu 3:5

Yéesu li aanool: — Li mal̥egenamu fan ilobi: an ayilaat anoken li Jáyiiyaju jata Ateemit, okila babukutumi li mal, li Buyinumabu Banabaabu. An abukumi li atuuba áami an, fan alako an.

Kata Lom 16:10

Jisaafom Afeles, áhiisumuu kaanaku láyinenyinen li mal̥egen li Kilisita. Jisaafom bukanabuku feh kammuu li eluufayi yata Alísitobilis.

Kata Lom 16:11

Jisaafom Elojiyoŋ ammuu anom. Jisaafom bukanabuku kammuu li eluufayi yata Naalisiis káyinenumuu li Amaaŋenawu.

Kata Lom 16:3

Jisaafom Filisila buko li Akilaas kammuu kufaalom kuloka boot li Yéesu Kilisita.

Kata Lom 16:7

Jisaafom Andolonik buko li Suniyaas kammuu bukanom li kufaalom foof kan jilakomuu li hukul̥. Koonosoono buko kúl̥uba bukan káamak li kufootalaku. Kujandom kúyinen li Yéesu Kilisita.

Kata Lom 16:9

Jisaafom Ilibeŋ ammuu áfaaloli aloka boot li Amaaŋenawu, buko li Sitakis an íboolimuu ŋáa’.

Kata Lom 7:6

Bale muñeˈe lúfulaale li kuŋen kata eluwaayi, mata loonowaasoono bukan kakete hákil yo, ban muñeˈe uletaal emiikeel yata yo. Luyiliyaale kama ulokaal boot li Ateemit li bakaane buwunkul babilumulo li Buyinumabu Banabaabu, ban inti loon bakaanelabu bata naanaŋ babilumulomuu li eluwaayi yakiicimuu yahallenumuu.

Kata Lom 8:1

Muñeˈe kama bajut katek boot li bukanabuku kata Yéesu Kilisita;

1 Kata Koolent 1:30

Ateemit lakaanuukaan jibaj hujamoo li Yéesu Kilisita, ban li akaan Kilisita alako bújallowabu boololaal. Li Yéesu Kilisita lóomumaalumuu bukan kacole hákil Ateemit. Li Yéesu Kilisita lóonowumaalumuu bukan kanabe kata Ateemit, ban li ahal min úfulaal li kahoofoo.

1 Kata Koolent 13:11

Nan ilakomuu añiil, linaanaak ilob loon añiil, li inaak iyinoo loon añiil, li inaak ínaanum wah loon añiil. Bale nan ikaanumuu anahaan, li ikat wah wata huñiileto.

2 Kata Koolent 12:2

Lihaase an ata Kilisita, an uhaase oon muñeˈe baje simit soono kuŋen li sibakii, Ateemit li ájowetumool boot haatiya tiya emitayi. (Ihaasut mantee mal̥egen li eniilayi yoola ló lajeˈe boot ló li emitayi, mantee inti li eniilayi yoola ló lajeˈe boot ló, Ateemit balewool ahaase.)

2 Kata Koolent 5:16

Mó mújimuu, muñeˈe áloli let jíhaasum an li bóono bata ál̥ahukowan. Maayeet min kite eenimuu no, li bóono bata ál̥ahukowan áloli jíhaasume Kilisita, bale muñeˈe let jíhaasumool loon muñaˈa.

2 Kata Koolent 5:19

Ateemit li Kilisita lájowume min akaan bukanabuku kubaj hujamoo li akila humumool, ban ajukelut li butilaabu booliil, min akaan li áloli hulimahu hata kakaan bukanabuku kujamoo.

2 Kata Koolent 5:21

Kilisita akaanutumuu kahoofoo, Ateemit li akaanool ateb kahoofoo humum hoololaal, bájum li újowumaal li akila min ulakowaal macolamu mata Ateemit.

Kata Galasi 3:28

Kama muñeˈe bajut akee asuwif laam, akee alet asuwif, bajut akee amiikeel laam, akee alet amiikeel, bajut akee ánayine laam, akee anaale, mata bukuluul foofuul feh an ano joom li Yéesu Kilisita.

Kata Galasi 5:6

Li mal̥egenamu, an áamimuu li Yéesu Kilisita, atey búkutoo, ateyut búkutoo, bajut jáliŋ yanooyan. Wahawu wabajumuu jáliŋ, wo wommuu káyinen li Yéesu Kilisita, ban li úhiisen ko li húbooli bukan.

Kata Galasi 6:15

Li mal̥egenamu, utey búkut, uteyut búkut, bajut jáliiŋ yanooyan. Wahawu wabajumuu jáliiŋ, wo wommuu min Ateemit akaani ulako búwuwenum buwunkul.

Kata Efées 2:10

Li mal̥egenamu, Ateemit akaanolaal loon oomaalumuu, lakaanolaakaan búwuwenum buwunkul li hujokoolahu hoololaal li Yéesu Kilisita boot kakaan wah wajake, wan afimmuu min afaleˈe akat to, bájum li ukaanaal wo.

Kata Efées 2:15

Li eketayi yoola láfulenummuu uŋoonawu feh wata kusuwifaku walakomuu li Eluwaayi yata Móyiis, min akaan kusuwifaku li bukanabuku kaletumuu kusuwif kulako bukan kano kawunkul li hujokoolahu hooliil li akila. Muñowu lakaanumuu min kajamoo kubaj li buko.

Kata Fílib 4:21

Jisaaf anoowan li bukanabuku kammuu kata Ateemit humum hata Yéesu Kilisita. Kutuyolaal kammee baabe lí ínje kusaafuluul feh.