2 Kata Koolent 12:18 - Jola-Kasa

¹⁸ Liyaakooyaakoomuu Tit min abil boot booluul, ban li íboñul atuyolaal an kúnabooluumuu. Waa fíle, Tit labuntuubunt min jisenool wah ukee? Inti wahawu wan ínje li akila jikaanemuu, li kayinoo kano jíkaanume wo? Inti li bútin bano jíjowume, ínje li akila?

2 Kata Koolent 12:18 Referencias Cruzadas

Kata Lom 4:12

Abulaham li áami foof atuubaawu ata bukanabuku kateyumuu búkut, kátijutumuu bale li min kuteyimuu búkut, bale li min kunabumuu li kootaku kata atuubawolaal Abulaham áyinenumuu tówum atey búkut.

1 Kata Koolent 4:21

Waa jihaŋe mafañ? Mantee ibil boot booluul li egol ló, mantee li húbooli ló li buyinum bájoobiye?

2 Kata Koolent 7:2

Jíyaboli li uyinumuul. Alóli jifetut li an. Jilowenut anoowan, ban jibuntut foof an min jiŋa’ wahawu woola.

2 Kata Koolent 7:6

Bale Ateemit awankulenemuu bukan káyekowe, láwankulenoliwankulen li ebilayi yata Tit.

2 Kata Koolent 8:6

Tit okila anaake ayabumuu booluul wahawu wan bukanabuku kunaake kusenumuu. Wahawu unwu újimuu áloli li jiyaakoolool min ahabel akaan booluul bulokabu umbu bajakumuu ŋáa’, loon átoŋ bomuu.

1 Fiyeel 2:21

Wahawu unwu Ateemit ahooñuulumuu boot, mata Kilisita humumool lálallaam boot li bukuluul. Lakatuukat to bukittenoolum bájum li jinab li kootaku koola.