2 Kata Koolent 12:14 - Jola-Kasa

¹⁴ Muñeˈe ínje ummu li kafale boot min ibil booluul búhaajut, ban let iyab wahoowah li bukuluul, mata ínje ilet li huŋes wahawu wan bukuluul jibajumuu, bale bukuluul humumuul lifañe. Li mal̥egenamu, inti bañiilabu bóomi li buŋes hubaj boot li sibukoolayiil, bale sibukoolaasu sóomi li siŋes ho boot li bañooliil.

2 Kata Koolent 12:14 Referencias Cruzadas

Bakaanelabu 20:33

Imelowut ehaaliis yata an, mantee éwulus yata an, mantee wañ wata akee.

1 Kata Koolent 10:24

Jakum an aŋes majake boot li akila bale, bale aŋes majake boot li kaabuku.

1 Kata Koolent 10:33

Jikaan loon ínje. Liŋeseŋes min ikaan bukanabuku feh súumiil li wahoowah feh. Iŋesut majake múmbaam bale, bale majakaamu mata bukanabuku feh, mantee li kufak.

1 Kata Koolent 11:34

An li bukuluul acaaletumuu li atiñul boola, jakum jibil jinaak jiwoog, li jíŋalul katekaku kata Ateemit jikaanoolo. Wah waawu, nan emmuu li íliiŋul, li ilobuul mata wo.

1 Kata Koolent 16:5

Boot min íjowum Maseduwaan min íhaaŋul boot booluul, (mata leete íjowum li etaamayi inyu).

1 Kata Koolent 4:19

Bale súumumuu li Amaaŋenawu, fan ibil booluul ban let fiyo. Nan emmuu li íliiŋul, inti kulimaku kan bukanabuku umbuku katebenumuu ubandiil léemi li ihaas, bale sembaasu san kubajumuu.

1 Kata Koolent 9:12

Nokoomuu loon baje kukee kayilo kúbajum wah li bukuluul, áloli jihaŋiil mabaj kayilaaku unku, inti mo? Alóli jiyiliyeene jikaan mo, bale jikaanut mo, min jímuñ wahawu feh jakum bil jíji Hulimahu Hásuumaahu hata Kilisita li hújowaati loon hóotimuu hujow.

1 Kata Koolent 9:18

Kama bacaamabu búmbaam bo bommuu bay? Bo bommuu min iwaaleyemuu Hulimahu Hásuumaahu montoŋ, bagel̥l̥enut wahawu wan eeteenumuu ibaj li kawaaleyaku kan iwaaleye homuu.

1 Kata Koolent 9:19

Li mal̥egenamu, maayeet min iletumuu amiikeel ata an, li ikaanoolo amiikeel ata bukanabuku feh, bájum li íŋalul bukan kahaŋ mameeŋ boot li Yéesu Kilisita.

2 Kata Koolent 1:15

Li káwooluwaku unku kan ibajumuu, lifañeenumuu min ijand ibil boot booluul mantee li jiyili jibaj wah wajake úl̥ubut.

2 Kata Koolent 11:9

Ban nan ilakomuu booluul, jokommuu li wah let iyoken an. Kutuyolaal kammuu li etaamayi yata Maseduwaan kunaake kulambenommuu li wahawu wan naake jokommuu li wo. Lijukejuke to jakum bil ilako búteb boot li bukuluul, ban let ikat min ilako búteb boot li bukuluul.

2 Kata Koolent 12:13

Waa sijangu saasu sibaje wan bukuluul jibajut? Mantee yo yommuu min eenutuulumuu jookenom. Ban kama li jibonketom min ikaanutuulumuu col.

Kata Galasi 4:19

Kuñoolom kan iboolaat, lilaañene ibaj sílaam sáamak loon sata anaale anokene li éluŋun, mata bukuluul jíji, ban boot yok nan jommuu li jinokoo jak li Kilisita.

Kata Fílib 4:1

Kutuyom kan iboolaat, síibom ŋáa’ min ilaañen ijukuul. Bukuluul jíjiwommuu li ibaj ésuumahukow, bukuluul jommuu éjambiyayi yúmbaam yata kaheekaku. Kufaalom kan iboolaatumuu, wahawu unwu újimuu joote jítuk lit li Amaaŋenawu.

Kata Fílib 4:17

Inti eeniseen huŋes bacah léemi li ho, bale wahawu wan iŋesemuu li wo, wo wommuu min buuña efameni to li huhahenahu hooluul.

1 Kata Tesalonik 2:11

Jihaase buu jiloŋumuu li anoowan li bukuluul loon atuuba aloŋemuu li kuñoolool.

1 Kata Tesalonik 2:8

Jíbooliwuubooli ŋáa’ gay mó lí múji li jifañeen min jisenuul Hulimahu Hásuumaahu hata Ateemit, li foof buloŋabu bóololi humum bo, mata jikankaan bukan kan áloli jiboolaat.