2 Kata Koolent 11:15 - Jola-Kasa

¹⁵ Mó mújimuu, jáahaleniwut min kulokaabuku kata Sayitaane kukaan loon kuloka koom kakaane wahawu wacolumuu hákil Ateemit. Bale buloŋabu booliil fan buban ŋóoti naboo li bulokabu ban kukaanumuu bajakutumuu.

2 Kata Koolent 11:15 Referencias Cruzadas

Bakaanelabu 13:10

ban li aan: — Min umeeŋ muñowu búhoolo li búl̥afut, añool Sayitaane, alatoola ata wah feh wacole! Let ukat kaŋes min ulaañen mal̥egenamu mata Amaaŋenawu mulaañ émalimiñ?

Kata Lom 2:6

No unnu, lammuu li acaam anoowan wahawu wan akaanumuu.

Kata Lom 3:8

Muñeˈe wáa újiye let oonaal: «Kama ukaanaal majakut mantee majake li mubilum to?» Li mal̥egenamu, kukee li bukanabuku kúloboolewommuu koone kulimaku unku kúmbaam. Bukanabuku umbuku tootook min kutiibiilumuu.

1 Kata Koolent 9:11

Kaanumuu loon áloli jil̥uul̥uk li bukuluul sígul sajake sata Buyinumabu Banabaabu, waa jonsoon fíle hahah min jíbajum wah wajake li bukuluul?

2 Kata Koolent 11:13

Bukanabuku umbuku kúmammal koon kufootal koom. Kuloka káhoolowe koom, kakaane loon buko kufootal kata Kilisita koom.

2 Kata Koolent 11:23

Li koon buko kuloka koom kata Kilisita, boot min ilob loon an awele: ínje lihaŋiil malako aloka ata Kilisita. Lihaŋiil málaam. Lihaŋiil makul̥i meeŋ. Min kutekommuu, kutekutiil mo. Kulakolako li kumukom ñameeŋe.

2 Kata Koolent 3:9

Nokoomuu loon li mal̥egenamu bulokabu bata eluwaayi bafanemuu búji bukanabuku li kulo li batiibabu bata Ateemit, búyiineniyiineni ŋáa’, kama háŋum bulokabu bata Buyinumabu bájiyewolaamuu li ulakowaal bukan kacole?

Kata Efées 6:12

Hutiikahu han oomaamuu li ho, inti eeniseen li bukan loomaal li ho, bale li uyinumawu wajakutumuu li kunahaanabuku kata wo, kaakumuu adunaayi inye yammuu li élimayi. Li oonowaal li hutiik li uyinumawu wata búl̥afutabu wammuu haatiya li emitayi.

Kata Fílib 3:19

Bukanabuku umbuku fan kubil kújim, mata kalaku kooliil kommuu ateemitawu ooliil. Kujoojok wahawu waateenumuu ukaaniil ñisuu loon kasal kooliil, ban li kunaak kuyinoo mata wahawu wata adunaaye bale.

2 Fiyeel 2:3

Efañ sídalamayi yooliil fan éjiyiil li kubuntumuul li ukoŋ wan kujuul̥e min kúbajum tó wah. Bale fiyowe ŋáa’ nan katekaku kooliil kóomi li kakobiil, ban let fiyo kújowum li sambun.

Eleetalayi yan Súd akiicumuu 1:4

Mata babbaj bukan kákoliwut Ateemit kabuuyulo kúluul̥owolaal. Bukanabuku umbuku Bakiicelabu bulollob mata katekaku kooliil nan fiyo. Fan kunaak kutiigul hulimahu halobumuu mata kájiyaku kata Ateemit oololaal, min kújowum tó kukooŋen kákaanikoolaku kooliil, ban li kuceeŋ kaanaku Yéesu Kilisita balewool ammuu Anahaanawu li Amaaŋenawu oololaal.

Búhiisenumabu 13:14

Li enaak eŋa’ búhiisenumabu bájaahaleniyaabu ban eyilimuu ekaan hákil énuukuleŋayi yátinaalayi, min éjimen bukanabuku kakinumuu li etaamayi. Li yoon bukanabuku kukaan ebaaŋoot yata énuukuleŋayi yátinaalayi, yan ékunduwayi ecokumuu ban lí yóomi li buloŋ.

Búhiisenumabu 13:2

Enúukuleŋayi yákoyilenimuu yan ijukumuu enokoonokoo li esaamaay. Kootaku kata yo li kunokoo li kata húnuukuleŋ háamak hanokoole li etameel. Butumabu bata yo li bunokoo li bata éŋaŋ. Ejúnfuulayi li eŋa’ sembaasu sata yo, efenjeŋayi yata yo li kayile káamak, esen énuukuleŋayi yákoyileniyaayi.

Búhiisenumabu 9:11

Ayíiyawu ata bo akila ammuu amalakaawu ata buwokaayabu básenkiyaabu. Amalakaawu ummu laaneyi li elobayi yata éebulo «Abadoŋ», li elobayi yata kata Gilees koonewool «Afoliyoŋ».