1 Tímote 6:20 - Jola-Kasa

²⁰ Tímote, ujok jak wahawu wan Ateemit asenimuu ooken. Utey elobayi yameeŋaayi yákaaneliitumuu bukanabuku kútuul Ateemit, li búceeŋoo mata wahawu wan kukee kúmalumuu koon laalu ehaasemiñ.

1 Tímote 6:20 Referencias Cruzadas

Bakaanelabu 16:1

Fool li ajow boot li ésukayi yata Delib, ban li ahaaŋ boot li yata Lisit. Nan aŋejumuu, li atook bo ágoom. Tímote jaawool asuwif áyinene li Yéesu, bale atuubawool an ata Gilees.

Bakaanelabu 17:18

Bale li baj bukan kukee kata sihekej kan koone Efíkiiliyeŋ, kaabuku Sitoyiisiyeŋ kabile kulob foof li Fool. Kukee li kunaak kugel̥l̥enoo koon: — Kama waa kaŋaaŋaalaku unku kahaasutumuu wahoowah kufañe kulob? Kaabuku li koon: — Kankaan loon mata kuteemit kata bakee láami li elob. Kulollob loon muñaˈa mata kujanjam Fool li awaale mata Yéesu, li mata kayitowulaku li eketayi.

Bakaanelabu 17:21

(Li mal̥egenamu, bukanabuku feh kata Ateen boot li ejawoolaayi yákin dómuu, buloŋiil feh elob mantee foof bajanten wah uwunkul wakite li úfulul).

Kata Lom 1:22

Koonesoon buko bukan kájallowe koom, ban kuwewwel.

Kata Lom 3:2

Li wahawu feh, jáliŋayi yata katey búkut elulluuk. Kusuwifaku Ateemit ajandumuu akat Hulimahu hoola.

1 Kata Koolent 2:6

Alóli jilobelob kulim kata bújallo bukanabuku kankumuu li káyinenaku. Ban inti bújallo bata adunaayi inye, inti foof bata bukanabuku kaakumuu adunaayi inye, kaano tomuu boot bil janiilen.

1 Kata Koolent 3:19

mata bújallowabu bata adunaayi inye, bul̥uuhoo hákil Ateemit. Li mal̥egenamu, Bakiicelabu bonsoon: «Ateemit li butuukowabu bata kájallomuu, lájokumeyiilumuu.»

Kata Kolos 2:18

Jakum jikat bukanabuku kafañumuu ŋáa’ kakaan loon kuwalenoolowalenoolo, ban li kunaak kumanen kumalaka, min kúfulenuul li busuuhenabu bammuu booluul. Bukan loon muñowu kulobelob ŋáa’ mata wahawu wan kujukumuu li kahimmo. Fan kunaak kukaal̥o li katebenoolo, ban li kunaak kuyinoo mata wahawu wata adunaaye bale.

Kata Kolos 2:8

Jíkaanum jakum bil an abuutumuul li Sihekej. Laalu émalimiñ yabilumulo li bújallo bata ál̥ahukowan, li sembaasu sata uyinumawu wajakutaawu wammuu li adunaayi, bale inti li Kilisita ebilumulo.

2 Kata Tesalonik 1:4

Mó mújimuu, áloli húmumoli li jinaak jisaloolo mooluul li sijanguwasu sata Ateemit, mata min bukuluul jítukumuu lit ban li jiloŋ li jíyinen li Yéesu, maayeet min bukanabuku kúlaamenuulumuu ban li kuyokenuul ŋáa’.

2 Kata Tesalonik 2:15

Kutuyom, mó mújimuu jítuk lit ban li jijok wahawu wan jiliikenumuulumuu li útumoli mantee foof li eleetalayi yóololi.

1 Tímote 1:11

Baliikenelabu umbe bumbu li Hulimahu Hásuumaahu hata máyiineniyamu mata Ateemit ata kásooniyen. Ateemit humumool asenom homuu.

1 Tímote 1:2

ínje ikiiculo eleetalayi inye boot li awu Tímote, ammuu añoolom ata mal̥egen li káyinenaku: Ateemit atuubaawu li Yéesu Kilisita ammuu Amaaŋenawu oololaal, kujow kuseni káji, kabonket li kásuumaay.

1 Tímote 1:4

Ulobiil min kukat elob mata ukoŋawu unwu, li elob mata uland waakut húwuñenum. Wahawu unwu búwonnoo babajut jáliŋ bale úŋalewul, bale ulambenut bukanabuku li káyinenaku kooliil, min kuhaas wahawu wan Ateemit ammuu li kakaan.

1 Tímote 1:6

Kukee kukaakat bo buloŋabu umbu bacolumuu min kulo li búwonnoo babajut jáliŋ bakaaniilumuu kújim.

1 Tímote 1:9

Uhaasaal wahawu unwe: eluwaayi ekaanuti boot li bukan kakaane majake, bale ekaanikaan to boot li kákaanikoolemuu li kákaaneliitumuu loon elobumuu. Ekaanikaan to boot li kákoliwutumuu Ateemit li kuhoofoolaaku, boot li bukanabuku kaluukenutumuu Ateemit li wahawu wanabaawu. Ekaanikaan to foof boot li kamukemuu situubayiil mantee foof sijaawiil, boot li kumuka bukan.

1 Tímote 4:7

Uhoy ukoŋawu wákaaneliitumuu bukan kúyinen li Yéesu Kilisita, wammuu wata siñaakanasu saalaasu. Ukankaanoo min unaak útuul Ateemit.

1 Tímote 6:11

Bale awu, ammuu an ata Ateemit, utey wahawu unwu feh. Uŋes min ulako an acole, an átuke li Ateemit, an ata káyinen, an ata húbooli, an ayilo húmuñ li an ájoobiye buyinum.

1 Tímote 6:14

ukaan jak loon kulimaku kan uyabumuu kulobumuu. Jakum util li ko tanootan ban jakum foof an ayili alob majakut aya li awu boot yok nan Amaaŋenawu oololaal Yéesu Kilisita ammuu li álaŋul.

2 Tímote 2:1

Awu ammuu añoolom, kama uwankulenoolo li kájiyaku kan úbajumaalumuu li hujokoolahu hoololaal li Yéesu Kilisita.

2 Tímote 2:16

Utey elobayi yameeŋaayi yabajutumuu jáliŋ, yákaaneliitumuu bukanabuku kútuul Ateemit. Li mal̥egenamu, kalobemuu silobasu unsu kuhaŋehaŋ máloyi Ateemit.

Eleetalayi yan Fool akiicumuu Tit 1:14

Jakum kujok li ukoŋawu wata kusuwifaku, jakum foof kunab li kulimaku kan bukanabuku kahoyumuu mal̥egenamu koonemuu ésukayi kukaan.

Eleetalayi yan Fool akiicumuu Tit 1:4

Injé ikiiculi eleetalayi inye, awu Tit ammuu añoolom ata mal̥egen li káyinenaku kan ubajamuu foofola: Ateemit Atuubaawu buko li Yéesu Kilisita ammuu Afakenaawu oololaal, kujow kúsooniyeni ban li kuseni kásuumaay.

Eleetalayi yan Fool akiicumuu Tit 1:9

Laate átuk lit hulimahu hammuu hata mal̥egen, hanabumuu li wahawu waliikeneyimuu. Muñowu láatummuu ayili aŋa’ baliikenelabu bajakaabu min awankulen kaabuku, ban li ayili foof áhiis káhoogulewoolumuu kaanaku kulet li mal̥egen.

Eleetalayi yan Fool akiicumuu Tit 3:9

Bale awu utey búwonnoolabu basoŋetaabu li elob mata uland, búceeŋoo li búwonnoo mata eluwaayi: wahawu unwu ubajut jáliŋ, ban bul̥uuhoo.

Búhiisenumabu 3:3

Loote kama uwayil̥o kulimaku kan uyabumuu li kan ujamumuu. Ukaan loon kulimaku unku kulobumuu, min útiiwo uŋa’ buloŋ buwunkul. Ulíwowutumuu, fan ibil igoobi loon ákuu, ban let uhaas nan emmuu li ibil.