1 Tímote 6:19 - Jola-Kasa

¹⁹ Muñowu kommuu kukaan, li kuwoogen hubaj hajake ban li hulit boot kajom, mantee li kubaj buloŋabu bata mal̥egen.

1 Tímote 6:19 Referencias Cruzadas

Máciya 19:21

Yéesu li aanool: — Ufañumuu min ulako an anabe hákil Ateemit, ujow újula wahawu feh wan ubajumuu, min uŋa’ sídalamasu ugaben esukateenayi. Fan ubaj hubaj li emitayi. Banumuu, li ubil únabul lí ínje.

Hulimahu Hásuumaahu loon Lík akiic homuu 12:33

Jíjula wahawu wan jibajumuu, min jisen sídalamasu kusukateenaku. Jikaan boot li bukuluul humumuul, ul̥aac wata kakaan sídalam waatut ubil uneg. Jijoojen ebajayi yooluul boot li emitayi dán yootutumuu ebil éyaakulo, dán ákuu ayilaatumuu ajow, li dán bulolabu buyilaat yomuu bukajen.

Hulimahu Hásuumaahu loon Lík akiic homuu 16:25

Bale Abulaham li aanool: «Añoolom, uwayil̥o oon lubabbaj wah wameeŋe wásuume awu li buloŋ, Laasaal okila li alako no li sílaam. Muñeˈe akila ummu baabe li kásuumaay min awu oono li sílaam.

Hulimahu Hásuumaahu loon Lík akiic homuu 16:9

Yéesu li afamen aan: — Injé fan eenuul: jíŋesum li ebajayi yajakutumuu yata adunaayi inye kubuke boot li bukuluul, bájum nan jootutumuu jibaj wah, li kuyabuul li buloŋabu bábaneliitumuu.

Hulimahu Hásuumaahu loon Lík akiic homuu 18:2

Li aan: — Bile baj li ésuk yakee atiibabukan ákoliwut Ateemit ban foof asuwut anoowan.

Hulimahu Hásuumaahu loon Lík akiic homuu 18:22

Muñeˈe nan Yéesu ajamumuu kulimaku unku, li aan ánayinaawu: — Wah wano bale usaŋoyi kakaan. Ujow újula wahawu wan ubajumuu feh, ban li uŋa’ sídalamasu ugaben esukateenayi. Ukaan momuu, fan ubaj hubaj li emitayi. Banumuu, li ubil únabul lí ínje.

Kata Galasi 5:6

Li mal̥egenamu, an áamimuu li Yéesu Kilisita, atey búkutoo, ateyut búkutoo, bajut jáliŋ yanooyan. Wahawu wabajumuu jáliŋ, wo wommuu káyinen li Yéesu Kilisita, ban li úhiisen ko li húbooli bukan.

Kata Efées 3:17

Lil̥awel̥aw loon muñaˈa, mantee Kilisita li akin li uyinumawu wooluul mata káyinenaku kooluul li akila kúji. Lil̥awe mantee li jibaj kuhaa’ kalite li húbooliyahu hooluul ban li jilit li ho,

Kata Fílib 3:12

Iyilaat een liyaane íliiŋ tan iteyemuu boot, mantee foof liyaane ikaan an áliiŋe. Bale ínje ummu min ihankenemuu min itey mantee li iyili iyab bacaamabu, mata Yéesu Kilisita lajokonjok aban.

Kata Fílib 3:14

Injé ummu min ihankenemuu min itey boot tan iteyemuu boot, mantee li iyab bacaamabu ban Ateemit ahooñolaamuu boot uyabaal haatiya, humum hata hujokoolahu hoololaal li Yéesu Kilisita.

1 Tímote 6:12

Utaj jakum bil káyinenaku kooli kufaki. Ujok buloŋabu bábaneliitumuu ban Ateemit ahooñimuu boot li bo, loon awu humumi ulob momuu li kulimaku kásuumaku kan ulobumuu mata káyinenaku kooli hákil bukan kameeŋe.

2 Tímote 1:1

Injé Fool ammuu afootal ata Yéesu Kilisita li húnongum hata Ateemit áboñulommuu boot kayiiŋen buloŋabu ban alobumuu kasen, ban úbajumaalumuu li hujokoolahu hoololaal li Yéesu Kilisita,

2 Tímote 2:19

Bale kúlankiinaku kal̥aal̥aaku kan Ateemit awalenumuu teetaam tówum eluufayi eteefi, kuyilaat kugoloo. Kulimaku unke kúkiici lómuu: «Amaaŋenawu lahaase bukanabuku kammuu koola.» Li foof: «An aanumuu okila Amaaŋenawu akilool, anawu ummu laate áloyi majakut.»

1 Fiyeel 1:4

min ukobaal wahawu wajakaawu wayilaatumuu ukajen, uyilaat usiko, ban majakamu mata wo muyilaat mújim, wan Ateemit ahahenumuu li emitayi boot li bukuluul.