1 Tímote 6:17 - Jola-Kasa

¹⁷ Ulob bukanabuku kammuu kusaanum li adunaayi unye ooniil jakum kutebenoolo, ban jakum foof kúkangum li hubajahu unhu haatutumuu hufiyo, bale kúkangum li Ateemit asenewolaalumuu wahoowah feh ŋáa’ mantee li úbajumaal li wo kásuumaay.

1 Tímote 6:17 Referencias Cruzadas

Máciya 12:32

An alobumuu kulim kajakut aya li Añool-An, Ateemit fan abonketool; bale an alobumuu kulim kajakut aya li Buyinumabu Banabaabu, Ateemit let abonketool li buloŋabu umbe, let abonketool foof li buloŋabu babilemaa.

Máciya 19:23

Yéesu li aan kúgoomaku koola: — Li mal̥egenamu fan ilobuul, séngisengi ŋáa’ min usaanum unoken li Jáyiiyaju jata Ateemit.

Máciya 25:16

Alokaawu ayabumuu sihanjalasu sata éwulusayi síteemeel hutokayi, li ayaan ajow aŋa’ so min alok jow yok alaañen abaj afamen to sihanjal sata éwulus sakee soono síteemeel hutok.

Máciya 27:57

Nan líiŋumuu kátiimayi, ánayine akee akaane usaanum, ata ésukayi yata Alimate, li áliiŋul. Anáyinaawu kajawool Suseef ban akila foof ágoom ata Yéesu.

Máciya 6:32

Mata kákaanumutumuu li Ateemit balewool, buko kuyinoolemuu mata wahawu unwu feh. Bale Atuubawuul ata haatiya lahaase aan, wahawu unwu feh jifañ wo.

Maak 10:24

Muñeˈe kúgoomaku li kusego ŋáa’ mata kulimaku kan Yéesu alobumuu. Yéesu li afamen aaniil: — Kuñoolom, mo kanoken li Jáyiiyaju jata Ateemit kukite kúsengi!

Hulimahu Hásuumaahu loon Lík akiic homuu 19:2

Muñeˈe li baj to ánayine akee aaneyi Saase, alakowe anahaanawu ata kayabemuu búhalabu, ban li akaan an abaje.

Hulimahu Hásuumaahu loon Lík akiic homuu 3:11

Saŋ li aaniil: — An abajumuu újufo úl̥uba li asen kaaku an abajut kájufo. An foof abajumuu atiñ, li asen an abajut atiñ.

Bakaanelabu 14:17

Bale, Ateemit akatut káhiis bukanabuku majakaamu moola, mata li emitayi lásenewumuluumuu malamu man élaalewulumuu, li mutiñaay nan maalemuu. Ateemit asenewuulumuu mutiñaay, ban li akaan uyinumuul úsuum.

Bakaanelabu 14:27

Nan kúliiŋumuu Antiyok, Fool buko li Balunabaas li kuwoogen ejanguwayi, min kukitteniil wahawu feh wan Ateemit ákaanummuu li buko, li buu lasenumuu bútin kákaanumutumuu li okila balewool min buko foof kúyinen.

Bakaanelabu 17:25

Ateemit jokutool li wah wan bukan kuyilo kukaan boot li akila, mata akila asenemuu bukanabuku feh buloŋ, huyih li wahoowah feh.

Kata Lom 11:20

To mal̥egen. Waanawu unwu ufalenifalen mata ubajut káyinen, min awu óomi tan waanawu ulakoweenumuu humum hata káyinenaku kooli, bale jakum utebenoolo li kayinooli. Loote kama ubaj ekole.

Kata Efées 5:5

Mata joote jihaas kaanaku an áfulowe bó muñaˈa, an ákaanikoole suuneni, li an afañe sídalam, let anoken li Jáyiiyaju jata Kilisita li Ateemit. Li mal̥egenamu, efañ sídalam láalu kamanen kuteemit kalet mal̥egen.

Kata Kolos 3:16

Hulimahu hata Kilisita hujow hulako li bukuluul ŋáa’ li kásooniyenaku kata ho ló. Jinaak jiliikenoo ban li jinaak jisaaboo li bújallo ló banooban. Jinaak jísalum Ateemit li buyinumuul feh li úkim, kúwoolen li ukijen wabilumulo li Buyinumabu Banabaabu.

1 Kata Tesalonik 1:9

Bukanabuku feh kulakomuu elob móololi, li kulob foof buu jíyabolimuu eeno nan jibilumuu booluul, li buu bukuluul jikat bomuu úciinawu min jítiiwo jinab li Ateemit, min jilok boot li akila ammuu Ateemit aloŋe ata mal̥egen.

1 Tímote 1:3

Lifañe min ulako li ésukayi yata Efées loon ilobimuu nan ilakomuu li ijow boot Maseduwaan. Baj to bukan kaliikene ésukayi kulim kanaboolut li káyinenaku koololaal. Oon bukanabuku umbuku kukat.

1 Tímote 3:15

Bale nokoomuu loon íbilaaliwut, kulimaku unke fan kújiyi li uhaas buu lommuu uloŋ eeno li butoŋabu bata Ateemit, bammuu Ejanguwayi yata Ateemit aloŋumuu, yammuu yiilayi li ekuŋayi yakegumuu mal̥egenamu.

1 Tímote 4:10

Li mal̥egenamu, loonowaasoono li bulok súf li bútaj, mata lúkangumaakangum li Ateemit aloŋumuu, ammuu afakenaawu ata bukanabuku feh, háŋum káyinenumuu li akila.

1 Tímote 5:21

Fan ilobi hákil Ateemit li Yéesu Kilisita, li foof hákil kumalakaaku kal̥usimuu eeni: ukaan loon kulimaku unku kulobumuu ban jakum ulaañ bata anoowan, jakum ujuke li buul.

1 Tímote 6:13

Boot ilobi hákil Ateemit asenemuu buloŋ wahoowah feh, li hákil Yéesu Kilisita alobumuu kulim kásuume kata mal̥egen hákil Fons Filat, eeni:

1 Tímote 6:9

Bale bukanabuku kafañumuu min kulako kusaanum, fan kulo li jabunt. Jabuutoolaju jata kásiibo kameeŋe kata bul̥uuhoo ban kujakut, fan kujokiil. Kásiibowaku unku kuniilenemuu ban li kújimen bukanabuku umbuku.

2 Tímote 4:10

Li mal̥egenamu, wahawu wata adunaayi wan Demaas afañumuu ŋáa’, íjiwooji li akatom bo, min ajow boot ésukayi yata Tesalonik. Kilesans lajowe boot li etaamayi yata Galasi, Tit li ajow boot li yata Dalumasi.

Eleetalayi yan Fool akiicumuu Tit 2:12

Ateemit li kájiyaku unku laliikenumolaalumuu etey bakaanelabu bajakutumuu li kásiibowaku kata adunaayi inye, min uloŋaal li adunaayi inye buloŋ bata bukan kabaje uyinum ban li kucol, buloŋ bata kátuul Ateemit.

Eleetalayi yan Fool akiicumuu Tit 3:6

Ateemit lájowunjowum li Yéesu Kilisita ammuu Afakenaawu oololaal, min ayiis ŋáa’ Buyinumabu umbu Banabaabu li alolaal.

2 Fiyeel 1:11

Li mal̥egenamu, muñowu Ateemit ammuu li akaanuul min jiyili jinoken li Jáyiiyaju jaano tomuu boot nanoonan, jata Amaaŋenawu li Afakenaawu oololaal Yéesu Kilisita.