1 Kata Koolent 9:26 - Jola-Kasa

²⁶ Wahawu unwu újimuu ínje ummu li etey, bale íteyeliit ló muñaˈa. Linokoonokoo loon atekoola, bale ítekeliit ló muñaˈa.

1 Kata Koolent 9:26 Referencias Cruzadas

Máciya 11:12

Kítum tó nan Saŋ Batiis alako tomuu boot yok muñeˈe, Jáyiiyaju jata Ateemit junju min jihuuñulemuu li sembe, ban bukan kata sembe li kulam jo.

Hulimahu Hásuumaahu loon Lík akiic homuu 13:24

— Jikaan wahoowah min jínokenum li kámbiilaku kahogumuu; mata fan ilobuul, bukaan kameeŋe fan kuŋes min kunoken, bale let kuyili.

1 Kata Koolent 14:9

Bukuluul foof manolamu! Jilobumuu kulim kan an ayilaat ajam, buu an aate ayili ahaas waa jilobe? Jilollob jibeten.

2 Kata Koolent 5:1

Luhaasaale li mal̥egenamu oonaal eniilayi yoololaal yata baabe li etaam yanokoomuu loon eluuf dán ukinaale, ebilumuu ekajen, fan ubajaal li emitayi eluuf yata boot nanoonan yan Ateemit ateefe, inti yan kuŋen kata bukan kuteefe.

2 Kata Koolent 5:8

Lubajaale kama kawankulen káamak, ban luhaŋeenaale mafañ min úfulaal li eniilayi inye, min ujowaal bóot boot bata Amaaŋenawu.

Kata Galasi 2:2

Lijowujow boot Yeelusalem mata Ateemit áhiisom kaanaku leete ijow boot bo. Nan íliiŋ bomuu, li ísuumen li kunahaanaku baleyiil, min íhiisiil Hulimahu Hásuumaahu han iwaaleyemuu bukanabuku kaletumuu kusuwif, jakum bil bulokabu ban ikaan nomuu li ban emmuu li ikaan bulako bulok bata kakaal̥o.

Kata Efées 6:12

Hutiikahu han oomaamuu li ho, inti eeniseen li bukan loomaal li ho, bale li uyinumawu wajakutumuu li kunahaanabuku kata wo, kaakumuu adunaayi inye yammuu li élimayi. Li oonowaal li hutiik li uyinumawu wata búl̥afutabu wammuu haatiya li emitayi.

Kata Fílib 1:21

Li mal̥egenamu, ínje buloŋabu bo bommuu Kilisita, eketayi hubaj húmbaam.

Kata Kolos 1:29

Wahawu unwu újimuu li éemi li kahanken min itaj, mantee li iyili ihabel ikaan bulokabu umbu li sembaasu sata Kilisita, sammuu li kakaan bulok báamak lí ínje.

2 Tímote 1:12

Wahawu unwu újimuu li eeno li sílaamasu unsu. Bale isuuwut, mata lihaase li ayi líkangummuu, ban líwooluwe kaanaku Ateemit layilo afooy wahawu wan asenommuu eeken boot yok hunakahu hata Batiibabu.

2 Tímote 2:5

Li kataj foof kata bacaam, ataja let ayab bacaamabu akila batajut loon tajemuu.

2 Tímote 4:7

Litattaj bútajabu bajakumuu. Líliiŋe tan éetimuu itey ijow ítij, ban ibetenut káyinenaku kúmbaam.

Eébulo 12:1

Alolaal humumolaal foof, emmuu lubajaale bukan kameeŋe ŋáa’ káguutolaal ban li kóomi bukittenoolum humum hata káyinenaku kooliil, kama lootaale uhoyaal búteb banooban bayilo búhilolaal újowumaal, háŋum kahoofoolaku kahulutumuu li kugolenolaal, min uhankenaal min uteyaal eteyayi yan koonolaamuu uteyaal.

Eébulo 4:1

Ateemit lalobolaalob kaanaku luyiliyaale ubajaal kayool̥owaku kan afalemuu boot li alolaal. Kayool̥owaku unku kan alobolaamuu mata ko, laloŋe li átuk tó. Kama lootaale ujukelaal to jakum bil an li bukuluul ayinoo li aan kayool̥owaku unku kufakoofak.

1 Fiyeel 5:1

Muñeˈe boot min ilob li kunahaanaku kata ejanguwayi kammuu li bukuluul. Injé humumom anahaan foof leem ata ejangu loon buko. Limammaat sílaamasu sata Kilisita, ban fan ibaj júmbaam li máyiineniyamu mammuu li múhiisi. Injé ummu li kawankulenuul eenuul:

2 Fiyeel 1:10

Wahawu unwu újimuu, kutuyom jikaan manooman min jítuul li mal̥egen kahooñaku kan Ateemit ahooñuulumuu, li kal̥usaku kan al̥usuulumuu. Jikaan momuu, let jilo li kahoofoo.