1 Kata Koolent 7:33 - Jola-Kasa

³³ Bale an ayabe, fan ayinoo foof mata wahawu wata adunaaye. Fan aŋes min akaan aseekool súum.

1 Kata Koolent 7:33 Referencias Cruzadas

Hulimahu Hásuumaahu loon Lík akiic homuu 12:22

Fúlum tó, Yéesu li aan kúgoomaku koola: — Wahawu unwu újimuu li eenuul: Jakum jiyinoo mata buloŋuul, min joon waa jóomi li jitiñ. Jakum foof jiyinoo mata eniiluul min joon waa jóomi li jikoko.

Hulimahu Hásuumaahu loon Lík akiic homuu 14:20

Aahu li aan: «Likitekit li iyab anaale, mó mújimuu let iyili ibil.»

Hulimahu Hásuumaahu loon Saŋ akiic homuu 10:13

Wahawu unwu wommuu li ubaj, mata anawu amatemuu min kucaamool bucaamabu boola bale layinoole, ayinoolut mata kúgalalaanaku.

1 Kata Koolent 7:3

Anáyinaawu laate akaan aseekool wahawu wan ánayine áatimuu akaan aseekool. Li manolamu, anaalaawu foof laate akaan áyinool wahawu wan anaale áatimuu akaan áyinool.

1 Kata Koolent 7:32

Lifañeene min buyina banooban búfu’ li bukuluul. An ayabut fan ayinoo mata wahawu wata Amaaŋenawu. Fan aŋes min akaan Amaaŋenawu súum.

1 Kata Koolent 7:34

Muñowu buyinumool bommuu bulako li wah úl̥uba. Li manolamu, anaale abajut ánayine mantee foof ásungute, fan ayinoo mata wahawu wata Amaaŋenawu, mata fan afañ min alako an ata Amaaŋenawu li wahoowah feh wan akaane li wan ayinoole. Bale anaale ayabowe fan ayinoo foof mata wahawu wata adunaaye. Fan aŋes min akaan áyinool súum.

Kata Kolos 3:19

Kánayinaabuke, jíbooli kuseekuul ban jakum jítaañi li buko.

1 Tímote 5:8

Nokoomuu loon an acookoolut bukanool, háŋum bukanabuku kata butoŋabu boola, anawu ummu lakaakat bo káyinenaku koola, ban lahaŋe májakaati an áyinenut.

1 Fiyeel 3:7

Li manolamu, bukuluul kánayinaabuke, li buloŋabu booluul li kuseekuul, joote jijokiil jak min jihaas joon kuhaŋuuhaŋ mágooto. Jiluukeniil, mata buko foof fan kuyab loon bukuluul kájiyaku kata buloŋabu bata mal̥egen. Jikaan loon muñaˈa jakum bil wah ukajen ul̥awawu wooluul.