1 Kata Koolent 6:20 - Jola-Kasa

²⁰ Li mal̥egenamu, Ateemit lacancaam bacaam báamak min ánoomuluul. Mó mújimuu, joote kama jiŋa’ siniilasu sooluul min jíbinkenool.

1 Kata Koolent 6:20 Referencias Cruzadas

Máciya 5:16

Muñaˈa foof jóotimuu jiwuŋen loon ehiitum hákil bukanabuku feh. Bájum li kujuk makaanelamu mooluul majakaamu, min kusal Atuubawuul ammuu haatiya.

Bakaanelabu 20:28

Jijuke to li bukuluul humumuul, li bumatabu feh ban Buyinumabu Banabaabu busenuulumuu jooken. Jicookoo Ejanguwayi yan Ateemit ábajummuu, li eketayi yata Añiilawu oola humumool.

Kata Lom 12:1

Kutuyom, emmuu Ateemit lababbaj li alolaal káyiyen káamak, ínje ummu kama li kawankulenuul min jisenool siniilasu sooluul saloŋumuu min silako kasila kanabe ban li kúsuumool. Muñowu jóotimuu jikaan min jimanen Ateemit li mal̥egen.

Kata Lom 6:19

Fan ilob li bukuluul loon ál̥ahukowan alobemuu, mata búgootowabu booluul búji. Naanaŋ, jikaanoolokaanoolo humumuul feh emiikeel yata buloŋ basetut, li yata kákaanikoo. Li manolamu, muñeˈe joote jilako bukuluul humumuul emiikeel yata kakaan wah wacole min jiloŋ buloŋ banabe.

1 Kata Koolent 10:31

Mó mújimuu, jítiñoo li jíhoboo, wahoowah wan joote jikaan, li jikaan wo feh boot li máyiineniyamu mata Ateemit.

1 Kata Koolent 7:23

Ateemit lacancaam ŋáa’ min ánoomuluul, jakum jilaañ jilako emiikeel yata bukan.

Kata Galasi 3:13

Kilisita lahahhal min afakenolaal li katekaku kabilummuu li eluwaayi, min akila humumool aŋa’ katekaku kan alolaal ooteenaalumuu ubajaal. Li mal̥egenamu, kikkiic kaanaku: «Anoowan aleeyi li hunuk ajow ayok aket to, labaje Katek.»

Kata Fílib 1:20

Wahawu wan ikobemuu li wo ŋáa’ li wan íkangummuu li wo, wo wommuu jakum ibaj ñisuu li wahoowah, bale libaje kákangum káamak kaanaku muñeˈe loon foof nanoonan, maluukamu mata Kilisita fan múhiisi li eniilayi yúmbaam, lako li buloŋom mantee foof li eketom.

Eébulo 9:12

Nan Kilisita anokenumuu ñano ban kale dán ñéyimuu ŋáa’, ájowetumut ló húsim hata hulow li hata ámuuna, bale húsimahu hoola humum ho lájowetume min afakenolaal boot nanoonan li uhoofoolawu woololaal.

1 Fiyeel 1:18

Jihaas kaanaku baloŋelabu ban situubawuul sihaan síhiisuulumuu, bubajut jáliŋ yanooyan. Ateemit lahahhal búhal báamak min afakenuul li baloŋelabu umbu, ban inti wah loon éwulus, mantee foof ehaaliis yayilimuu ekajen laŋale min ahal,

1 Fiyeel 2:9

Bale bukuluul, bukuluul jommuu bukanabuku kal̥usimuu, kúlambaaku kata Ayíiyawu, ésukayi yanabaayi, bukanabuku kata Ateemit. Lí élimayi láhooñumuluul jibil jilako li mawuŋaamu moola máyiineniyaamu, boot kayiiŋen wahawu wan akaanumuu wajakumuu majak.

2 Fiyeel 2:1

Babbaj no li bukanabuku kata Isilayeel, bukan kámale koon kufulofet koom. Fan baj foof li bukuluul bukan kaliikene bukan wah walet mal̥egen. Fan kuliiken bukanabuku li búhoolo ló, útin wata kájimen bukan, ban fan yok kuceeŋ Anahaanawu afakeniilumuu. Fan kúŋalul kaniilo kahile boot li buko humumiil.

Búhiisenumabu 5:9

Muñeˈe li kukijen kakijen kuwunkul koon: «Lutootook min uŋa’ éliibalayi. Lutootook foof min úfulen bálikaañabu. Mata awu umukimuu, ban li húsimahu hooli, lúfakenummuu bukanabuku boot li Ateemit, bukanabuku kata kaland kanookan, kata elob yanooyan, kata het yanooyan, li kata etaam yanooyan.