1 Kata Koolent 15:15 - Jola-Kasa

¹⁵ Nokoomuu loon mo, kama áloli foof jímalemal jil̥oof Ateemit, mata jonsoon layitenuuyitenul Kilisita li eketayi, ban kama ayitenumulootool li eketayi, nokoo loon mal̥egen kaketumuu let kuyitowumul li eketayi.

1 Kata Koolent 15:15 Referencias Cruzadas

Bakaanelabu 2:24

Bale Ateemit li ayitenumulool li eketayi, min afakenool li sílaam sata eket. Mata li mal̥egenamu eketayi ebajut sembe sanoosan li Yéesu.

Bakaanelabu 2:32

«Mo emmuu, Ateemit layitenuuyitenul li eketayi Yéesu an ilobemuu loo. Ban alolaal foofolaal feh lumaataale kayitowulaku koola li eketayi.

Bakaanelabu 20:21

Lilollob li mal̥egen Kusuwifaku li kata Gilees min kútiiwowul kunab li Ateemit, ban li kúyinen li Amaaŋenawu oololaal Yéesu.

Bakaanelabu 4:10

Joote jihaas bukuluul foofuul feh, li bukanabuku feh kata Isilayeel kaanaku: ánayinaawu ummu ammuu hákiluul, li kajawaku kata Yéesu Kilisita ata Nasalet láfakume. Yéesu Kilisita an jibaaŋumuu li ekuluwaayi, ban Ateemit li ayitenumulool li eketayi.

Bakaanelabu 4:33

Kufootalaku Yéesu li eketayi. Ateemit li ásooniyeniil foofiil feh li káji káamak.

1 Kata Koolent 15:13

Nokoomuu loon mal̥egen kaketumuu let kubil kuyitowumul li eketayi, kama Kilisita humumool ayitowumuloot li eketayi.

1 Kata Koolent 15:16

Li mal̥egenamu, nokoomuu loon kaketumuu let kuyitowumul li eketayi, kama Kilisita foof ayitowumuloot li eketayi.

1 Kata Koolent 15:20

Bale li mal̥egenamu, Kilisita layitowuuyitowul li eketayi. Li kaketumuu feh, okila ammuu átinaa li kayitowul li eketayi, min íhiis kaanaku kaabuku foof kaketumuu fan kuyitowumul li eketayi.