Маттай 7:7 - Делан Йозанаш

⁷ «Деле диэха – Цо дехнарг лур ду шуна. Дела лаха – Иза карор ву шуна, неӀ тоха, иза дӀайоьллур ю шуна,

Маттай 7:7 Referencias Cruzadas

Доладалар 26:32

Цу дийнахь схьабаьхкинчу ялхоша Исхьакхе элира, шаьш яьккхинчу гӀуна чохь хи карийна шайна аьлла.

Сулим 3:5

ГавӀон-гӀалахь, Сулим-паччахь вижна волуш, гӀенах Дела дуьхьалхӀоьттира цунна. «Деха хьайна луъург», – элира Дала.

Забур 10:4

Веза Эла Шен дезачу цӀа чохь ву, Цуьнан Ӏарш стигалшкахь ю. Цуьнан бӀаьргаш массо а стаге хьоьжу, дӀабиллинчу бӀаьргашца Цо адамаш толлу.

Забур 27:8

Веза Эла Шен халкъан гӀап а ю, Ша къобалвинчун кӀелхьарваккхаран чӀагӀо а ю.

Забур 34:4

Сан синна тӀаьхьабевллачарна эхь а хетийла, со вен лоьхурш, юьхьӀаьржачу а хӀиттина, юха а боьрзийла.

Забур 37:4

Хьан дералла бахьанехь дийна меттиг а ца йисина сан дегӀа тӀехь. Сан даьӀахкаш лозуш ю ас летийна къинош бахьанехь.

Забур 50:15

Нийсонца лелаш боцурш Хьан новкъа ас бохур бу, тӀаккха галбевлларш Хьуна тӀебоьрзур бу.

Забур 70:4

Сан Дела! Харцо лелочарах кӀелхьарваккхахьа со, къизачу а, ницкъ бечу а нахах ларвехьа со.

Забур 86:5

Ткъа Цийонах лаьцна бохур ду: «ХӀара а, важа а цигахь вина, Веза Воккхачу Дала Ша иза чӀагӀйийр ю».

Кицанаш 8:17

Со дезарш суна а беза, со лохуш болчарна со карор а ду.

Илли 3:2

Хьала а гӀаьттина, гӀалин урамашкахула а, майданашкахула а дӀагӀур ю со. Сайн дагна везнарг лоьхур ву ас. Ас лийхира иза, амма суна иза ца карийра.

ЕшаӀ-ЯхӀу 30:19

Ярушалаймехь Цийон-лам тӀехь Ӏаш долу халкъ, хьо кхин доьлхур дац. Ахь орца даьккхича, Везачу Эло хьуна диканиг дийр ду. Ахь гӀо доьхуш Шена хезча, Цо хьуна жоп лур ду.

Ярми-ЯхӀу 33:3

„Орца даккха Соьга, ткъа Ас жоп лур ду хьуна. Ас даккхий а, дӀахьулдина а хӀуманаш дӀакхайкхор ду хьуна, хьалха хьуна хиъна доцу.

Ӏамос 5:4

ХӀунда аьлча Везачу Эло иштта боху Исраилан цӀийне: «Со лехалаш – дийна дуьсур ду шу.

Маттай 18:19

Кхин цхьа хӀума а эр ду Аса шуьга: шух волчу шиммо, барт а бина, доӀанехь Деле доьхуш хилахь, цара деххнарг Сан стигалахь волчу Дас кхочушдийр ду.

Маттай 21:22

Аша доӀанехь Делах тешарца доьхуш мел дерг а кхочуш хир ду».

Маттай 6:33

Уггар хьалха Делан Олалла а, Цуьнан лаам а лаха. Важа дерриг а Дала шуна лур ду.

Маттай 7:11

Шаьш мел къиза делахь а, шайн берашна оьшург аша луш хилча, стигалахь волчу шун Дас мел дукха дика болх бийр бу Шега доьхуш волчунна!

Маттай 7:8

хӀунда аьлча хӀора доьхучунна жоп ло Дала, лохуш волчунна карадойту, неӀ тухучунна – схьайоьллуьйту.

Марк 11:24

Цундела боху шуьга: дерриге а шайн доӀан тӀехь аш мел доьхург делла хиларх тешаш хила – тӀаккха аш доьхург лур ду шуна.

Лака 13:25

ХӀусамдас неӀ дӀакъевлича, шу арахь дуьсур ду. И неӀ етташ, дехар дийр ду аш: „Эла! ДӀаеллахьа тхуна“, – бохуш. Амма Цо эр ду шуьга: „Суна шу а ца девза, шу мичара даьхкина а ца хаьа“.

Лака 18:1

Гуттар а доӀанаш деш, догйовха хилийтархьама, Ӏийсас Шен мурдашна цхьа хьекъале хӀума дийцира:

Яхьъя 15:16

Аша Со ца хаьржина, амма Ас, харжа а хаьржина, дӀахӀиттийна шу. Ас шу къобалдина, шу дахханчохь, шуьга лаьттан стоьмаш кхиадайта. ТӀаккха аш Сан цӀарах хӀуъа а Сан Дега деххнарг Цо шуна лур ду.

Яхьъя 15:7

Нагахь шу Соьца а хилахь, Сан дешнаш шуьца а хилахь, шайна луъург дерриге а деха, иза хир ду шуна.

Яхьъя 4:10

Ӏийсас иштта жоп делира цуьнга: «Дала дина дика а хьайна довзахьара, хьайга хи доьхург мила ву а хаьахьара, ахь-айхьа доьхур дара Цуьнга хи. Ткъа Цо хьуна „дийна долу хи“ лур дара».

Римхошка 2:7

Дика гӀуллакхаш а деш, сийлалла а, ларам а, хедар доцу дахар а лоьхучарна Ша волчохь долу хедар доцу дахар лур ду Цо.

Римхошка 3:11

Цхьа а кхетам болуш а вац, цхьа а Дела лоьхуш а вац.

Ӏебархошка 11:6

Тешар ца хилча, Дела реза войла дац. Далла тӀевогӀуш верг теша веза Иза хиларх а, Цо Ша леррина лоьхучунна совгӀат луш хиларх а.

Якъуба 5:15

Тешаран доӀано цомгушниг товийр ву, Везачу Эло иза когаш тӀе хӀоттор ву. Нагахь цо къинош летийнехь, цунна гечдийр ду.

1 Яхьъяс 3:22

ТӀаккха, Цуьнан весеташ кхочуш а деш, Делан лаамехь вай леларна, хӀуъа а вай дехнарг лур ду Цо вайна.